நவற்கிரி வேள்ட் நியூஸ்

திங்கள், 10 செப்டம்பர், 2012

வங்கி அதிகாரிகளுக்கு சம்பளம் குறைந்தது

திங்கள், செப்டம்பர் 10, 2012 இணைய செய்தி

10.09.2012.ByRajah.சுவிஸ் வங்கிகளில் அதிகாரிகளுக்கு கடந்த 2011ம் ஆண்டில் 23 சதவீத சம்பளம் குறைந்தது. ஆனால் மற்ற தொழில் நிறுவனங்களில் 5 சதவீதம் உயர்ந்தது. இத்தகவலை ஈத்தாஸ் என்ற நிலையான மேம்பாட்டுக்கான சுவிஸ் அமைப்பு தனக்குக் கிடைத்த புதிய தரவுகளை ஆராய்ந்து அறிக்கை வெளியிட்டுள்ளது.
ஜெனீவாவில் உள்ள இந்த அமைப்பின் ஆண்டறிக்கை, சம்பளம் நிர்ணயிப்பதை இன்னும் முறைப்படுத்த வேண்டும் என்று தெரிவிக்கிறது.
நோவார்ட்டிஸ் மருந்து நிறுவனத்தின் மேலாண்மைக் குழு கடந்த 2011ம் ஆண்டில் அதிக சம்பளம் பெற்றது.
இதன் தலைமை நிர்வாக அதிகாரியான ஜோ ஜிமெனெஸ் 15.7 மில்லியன் சுவிஸ் பிராங்க் சம்பளம் பெறுகிறார்.
அதன் நிர்வாகக் குழுத் தலைவர் டேனியல் வேசெல்லா 13.5 மில்லியன் சுவிஸ் பிராங்க் பெறுகிறார்.
இவர்களுக்கு அடுத்தபடியாக ரோச் என்ற மருந்து நிறுவனத்தின் தலைமை நிர்வாகி செவரின் ஷ்வான் அதிகச் சம்பளம் பெறுகிறார்.
கிரெடிட் சுவிஸ் வங்கியின் தலைமை நிர்வாகியின் சம்பளம் முந்தைய ஆண்டை விட இப்போது பாதிக்கு மேல் குறைக்கப்பட்டு விட்டது.
கடந்த வெள்ளியன்று வெளியிடப்பட்ட அறிக்கையில், மில்லியனுக்கும் அதிகமாக மாதச்சம்பளம் பெறும் நிறுவனத்தலைவர்கள் இருபது பேரின் விபரங்கள் காணப்பட்டன

மேலும்>>>

இங்கிலாந்தில் பாதி இதயத்துடன் உயிர் வாழும் அதிசய குழந்தை

திங்கள், செப்டம்பர் 10, 2012 தகவல்கள் புகைப்படங்கள்

10.09.2012.ByRajah.இங்கிலாந்தில் 41/2 மாத பெண் குழந்தை ஒன்று, பாதி இதயத்துடன் உயிர் வாழ்வது தற்போது தெரியவந்துள்ளது. இங்கிலாந்தின் கிளாஸ்கோ நகரை சேர்ந்தவர் பீட்டர்(வயது 30). இவரது மனைவி நிகோலா(வயது 28). பள்ளி ஆசிரியையான நிகோலாவுக்கு, 2 குழந்தைகள் உள்ளனர்.
மூத்தவன் நதானியல்(வயது 2). இரண்டாவதாக பெண் குழந்தை ஸ்கார்லட் டாகன் பிறந்து நான்கரை மாதங்கள் ஆகின்றன.
இந்நிலையில் ஸ்கார்லட் டாகனுக்கு திடீர் திடீரென மூச்சு வாங்க ஆரம்பித்தது. உடனே இடைவிடாமல் அழுவாள். இரவு முழுவதும் தூங்காமல் விழித்திருப்பாள்.
நரக வேதனையில் அவள் துடிப்பதை பார்த்து அதிர்ச்சி அடைந்த நிகோலா மகளை யார்க்ஹில் குழந்தைகள் நல மருத்துவமனைக்கு அழைத்து சென்றார்.
குழந்தை ஸ்கார்லட்டை பரிசோதனை செய்த மருத்துவர்கள், அவளது இதயம் அரைகுறையாக வளர்ந்திருப்பதை கண்டுபிடித்தனர்.
அதன் பின் ஸ்கார்லட்டுக்கு ஹைப்போபிளாஸ்டிக் ரைட் ஹார்ட் சிண்ட்ரோம் என்ற பாதிப்பு ஏற்பட்டிருந்தது கண்டுபிடிக்கப்பட்டது. அவளது இதயத்தின் வலது பக்கம் முழுமையாக வளர்ச்சி அடையவில்லை.
பாதி இதயம் மட்டுமே இருப்பதால், நுரையீரலுக்கு போதுமான ரத்தத்தை பம்ப் செய்து அனுப்ப முடியாது. இதனால் அத்தகைய குழந்தைகள் சில நாட்களிலேயே இறந்துவிடும். ஆனால் நாலரை மாதமாக ஸ்கார்லட் பிழைத்திருப்பது ஆச்சரியம் என மருத்துவர்கள் தெரிவித்துள்ளனர்.
மேலும், கர்ப்ப காலத்தின் 22-வது வாரத்தில் ஸ்கேன் செய்யும் போது இந்த குறைபாடு தெரிந்துவிடும். நிகோலாவை பரிசோதித்த மருத்துவர் எப்படி கவனிக்காமல் விட்டார் என்பது தெரியவில்லை.
இதையடுத்து, குழந்தை ஸ்கார்லட்டுக்கு 2 அறுவைசிகிச்சைகள் செய்யப்பட்டன. நுரையீரலுடன் ரத்தக் குழாய்களை நேரடியாக இணைத்த பின், தற்போது இதயம் பம்ப் செய்யாமலேயே நுரையீரலுக்கு ரத்தம் ஓட்டம் கிடைத்து வருகிறது.
அதனால் திணறல் இல்லாமல் அவள் தற்போது மூச்சு விடுகிறாள். தற்போது ஸ்கார்லட் நலமுடன் இருக்கிறாள். ஆனால் கடுமையான விளையாட்டுகள், மூச்சு வாங்கும் பயிற்சிகள் போன்றவற்றில் அவள் ஈடுபடவே கூடாது என்று மருத்துவர்கள் எச்சரித்துள்ளனர்.
பதின் வயதை அடையும் போது, இதய மாற்று அறுவை சிகிச்சை செய்து கொள்ள வேண்டியது அவசியம் என்றும் கூறியுள்ளனர்.

மேலும்>>>

பிரான்ஸ் துப்பாக்கி சூடு: உயிர் பிழைத்த சிறுமி நாடு திரும்பினாள்

திங்கள், செப்டம்பர் 10, 2012 செய்திகள்

10.09.2012.ByRajah

பிரான்ஸ் ஆல்ப்ஸ் மலை காட்டுப் பகுதியில் நடந்த துப்பாக்கி சூட்டில் உயிர் பிழைத்த 4 வயது சிறுமி நாடு திரும்பினாள். இத்தகவலை பொலிசார் தெரிவித்துள்ளனர். இந்த சிறுமியின் சகோதரி ஜைனப் இன்னும் நினைவிழந்த நிலையில் கிரிநோபுள் மருத்துவமனையில் சிகிச்சை பெற்று வருகிறாள். அவளது தலையில் குண்டு பாய்ந்துள்ளது.
பிரேதப் பரிசோதனை அறிக்கை குறித்து பொலிஸ் அதிகாரி எரிக் மயிலாட் கூறுகையில், இறந்து போன அனைவரது தலையிலும் குறைந்தபட்சம் இரண்டு குண்டுகளாவது பாய்ந்துள்ளன. எனவே இது ஒரு திட்டமிட்ட படுகொலை என்பது முடிவாகியுள்ளது. இதற்கிடையே துப்பாக்கிச் சூட்டின் இடையில் மாட்டிய ஒருவரும் இறந்து போனார் என்று தெரிவித்தார்.
பிரிட்டன் மற்றும் பிரெஞ்சு பொலிஸ் அதிகாரிகள் இரண்டாம் நாளாக கொலை செய்யப்பட்ட சாதின் வீட்டில் தேடுதல் வேட்டை நடத்துகின்றனர்.
சாத் மற்றும் அவரது சகோதரன் சையதுக்கும் இடையிலான சொத்துத் தகராறில் சாத் கொலை செய்யப்பட்டிருக்கலாம் என்று சந்தேகிக்கின்றனர்.
மேலும் சையதிடம் இரண்டாம் கட்ட விசாரணையும் நடைபெறும் என்றும் பொலிசார் தெரிவித்துள்ளனர்

மேலும்>>>

பேஸ்புக் மூலம் பிலிபைன்ஸ் பெண்ணுக்கு கொலை அச்சுறுத்தல் விடுத்த இலங்கையர்!

திங்கள், செப்டம்பர் 10, 2012 செய்திகள்

10.09.2012.BY.Rajah.

சமூக இணைய தளமான முகப் புத்தகம் (facebook) ஊடாக பிலிப்பைன் நாட்டைச் சேர்ந்த பெண் ஒருவரை அச்சுறுத்தியமை தொடர்பில் இலங்கை பிரஜை மீது டுபாய் நீதிமன்றில் குற்றஞ்சாட்டப்பட்டுள்ளது.

மின்சார தொழில்நுட்பவியலாளரான குறித்த இலங்கை பிரஜை (33 வயது), பிலிப்பைன்ஸ் நாட்டு பெண்ணை அச்சுறுத்தியுள்ளதாக வழக்குத் தாக்கல் செய்யப்பட்டுள்ளது.
இலங்கையரின் காதலுக்கு மறுப்புத் தெரிவித்ததால், அவர் தனக்கு முகப்புத்தகத்தில் கொலை அச்சுறுத்தல் விடுத்ததாக பிலிப்பைன்ஸ் பெண்ணின் முறைப்பாட்டில் தெரிவிக்கப்பட்டுள்ளது.
கொலை அச்சுறுத்தல் விடுத்ததை ஒப்புக் கொண்டுள்ள இலங்கையர், பிலிபைன்ஸ் பெண் தன்னிடம் பெற்றுக் கொண்ட ஆயிரம் திர்ஹாம் பணத்தை வழங்க மறுப்புத் தெரிவித்ததால் அவ்வாறு செய்ததாகவும் முகப்புத்தகத்தில் நண்பர்களின் கருத்தை கேட்டு மாத்திரமே அச்செயலில் ஈடுபட்டதாகவும் இலங்கையர் குறிப்பிட்டுள்ளார்.
வழக்கின் தீர்ப்பு எதிர்வரும் 23ம் திகதி அறிவிக்கப்படவுள்ளது.

மேலும்>>>

நிறைவடைந்தது பாராஒலிம்பிக்

திங்கள், செப்டம்பர் 10, 2012 தகவல்கள் புகைப்படங்கள்

10.09.2012.By.rajah.கண்கவர் கலைநிகழ்ச்சி, வாண வேடிக்கைக.ளுடன் நிறைவடைந்தது பாராஒலிம்பிக்[புகைப்படங்கள், காணொளி]

லண்டனில் நடந்த பாராஒலிம்பிக் போட்டி கண்கவர் கலைநிகழ்ச்சி, வாண வேடிக்கைகளுடன் நேற்று கோலாகலமாக நிறைவடைந்தது.

பாராஒலிம்பிக்

மாற்றுத் திறனாளிகளுக்கான 14-வது பாரா ஒலிம்பிக் விளையாட்டு போட்டி இங்கிலாந்து தலைநகர் லண்டனில் கடந்த மாதம் 29ஆம் திகதி தொடங்கியது. இதில் 164 நாடுகளை சேர்ந்த 4,294 வீரர், வீராங்கனைகள் பங்கேற்றனர். மொத்தம் 20 விளையாட்டுகளில் 503 பிரிவுகளில் பந்தயங்கள் நடந்தன.

சாதனைக்கு ஊனம் ஒரு தடையல்ல என்பதை நிரூபிக்கும் வகையில் வீரர், வீராங்கனைகள் ஒவ்வொருவரும் உற்சாகமாக கலந்து கொண்டு தங்களது திறமையை வெளிப்படுத்தி பார்வையாளர்களை வியப்பில் ஆழ்த்தினர். 282 பேரை களம் இறங்கிய சீனாவே இந்த முறையும் ஆதிக்கம் செலுத்தியது. அவர்களின் பதக்க வேட்டையை எந்த நாட்டாலும் நெருங்க முடியவில்லை.

சீனா முதலிடம்

பாராஒலிம்பிக் போட்டி கண்கவர் கலைநிகழ்ச்சி, வாண வேடிக்கைகளுடன் நேற்று கோலாகலமாக நிறைவடைந்தது. பதக்கப்பட்டியலில் முதலிடத்தை பிடித்த சீனா 95 தங்கம், 71 வெள்ளி, 65 வெண்கலம் என்று மொத்தம் 231 பதக்கங்களை குவித்தது. இதன் மூலம் கடந்த 2008ஆம் ஆண்டு பீஜிங் பாராஒலிம்பிக்கில் 89 தங்கம் உள்பட 211 பதக்கங்கள் பெற்ற தங்களது முந்தைய சாதனையை முறியடித்தது.

ரஷியா 36 தங்கம் உள்பட 102 பதக்கத்துடன் 2-வது இடத்தையும், இங்கிலாந்து 34 தங்கம் உள்பட 120 பதக்கத்துடன் 3-வது இடத்தையும் பெற்றன. பிரதான ஒலிம்பிக்கில் முதலிடம் பிடித்த அமெரிக்கா 31 தங்கம், 29 வெள்ளி, 38 வெண்கலம் என்று 98 பதக்கத்துடன் 6-வது இடத்துக்கு தள்ளப்பட்டது.

இலங்கைக்கு ஒரு பதக்கம்

பதக்கப்பட்டியலில் மொத்தம் 75 நாடுகள் இடம் பிடித்தன. இதில் இலங்கைக்கு ஒரே ஒரு பதக்கம் கிடைத்தது. ரி46 பிரிவின் கீழ் ஆண்களுக்கான 400 மீட்டர் ஓட்டப்போட்டியில் இலங்கை வீரர் பிரதீப் கலந்துக்கொண்டு வெண்கலப்பதக்கத்தை வென்றார். இதில் பிரதீப் ஓட்ட பந்தய தூரத்தை 49.82 விநாடிகளில் ஓடி முடித்து வெண்கலப்பதக்கம் வென்றார்.

மேலும்>>>

தியத்தலாவை இராணுவ முகாமில்

திங்கள், செப்டம்பர் 10, 2012 இணைய செய்தி

மண் திட்டொன்று வீழந்து ஆறு இராணுவ வீரர்கள் பலி


	10.09.2012.By.rajah.

தியத்தலாவை இராணுவ முகாமில் மண் திட்டொன்று இடிந்து வீழந்ததில் ஆறு இராணுவ வீரர்கள் பலியாகியுள்ளதுடன் இரண்டு பேர் காயமடைந்துள்ளதாக பொலிஸ் ஊடகப் பேச்சாளர் அஜித் ரோகண வீரகேசரி இணையத்தளத்திற்கு தெரிவித்தார்.

இன்று பிற்பகல் 12.30 மணியளவில் முகாம் பகுதியில் வேலை செய்துக்கொண்டிருக்கும் போதே மேற்படி சம்பவம் இடம்பெற்றுள்ளதாகவும் காயமடைந்தவர்கள் வைத்தியசாலையில் அனுமதிக்கப்பட்டுள்ளதாகவும் தெரிவித்தார்.

மேலும்>>>

ஜேர்மனிய நிறுவனத்தின் சாதனங்களைக் 'கொப்பி' செய்த அப்பிள்:

திங்கள், செப்டம்பர் 10, 2012 தகவல்கள் புகைப்படங்கள்

10.09.2012.By Rajah.

இணையத்தில் அம்பலமாகிய புகைப்படங்கள் எந்தவொரு பொருளாக இருந்தாலும் முதலில் நமது கவனத்தை ஈர்ப்பது அவற்றின் தோற்றமாகும் .அப்பிள் சாதனங்களுக்கு இக்கூற்று நன்றாகவே பொருந்தும்.

அப்பிளின் சாதனங்கள் சந்தையில் வெற்றியடைந்தமைக்கும், அதற்கென தனியானதொரு கூட்டம் உருவாகியமைக்கும் முக்கிய காரணங்களில் ஒன்றாகக் கருதப்படுவது அவற்றின் தயாரிப்புகளின் வடிவமாகும்.

அவற்றின் தொழில்நுட்ப அம்சங்கள், தரம் என்வற்றுக்கு அப்பால் அப்பிள் சாதனங்களின் வடிவமே தனித்துவமானது தான். உதாரணமாக முதலாவது' வின்டோஸ்' கணனி சற்றென்று உங்களுக்கு ஞாபகம் வருகிறதா? இல்லை முதலாவது 'மெக்' ஞாபகத்துக்கு வருகின்றதா?

நிச்சயமாக பலரின் விடை 'மெக்' ஆகத்தான் இருக்கும். இதுவே அப்பிள் நிறுவனத்தின் தயாரிப்புகளின் வடிவங்கள் எம்மைக் கவர்ந்தமைக்கான சான்றாகும்.

ஆனால் அப்பிள் நிறுவனத்தின் சில சாதனங்களின் வடிவமானது ஜேர்மனிய நாட்டைச் சேர்ந்த பிரோன் நிறுவனத்தின் தயாரிப்புகளின் வடிவத்தினை ஒத்துக் காணப்படுவதாகத் தெரிகின்றது.

பிரோன் நிறுவனத்தினால் 1950 மற்றும் 1960 களில் தயாரிக்கப்பட்ட சாதனங்களை ஒத்ததாகவே தற்போது இணையத்தில் வெளியாகியுள்ள சில புகைப்படங்களைப் பார்க்கும்போது அப்பிள் நிறுவனத்தினாலேயே மறுக்க முடியாத அளவுக்கு இரண்டு நிறுவனங்களின் சாதனங்களும் வடிவத்தில் ஒத்துப்போகின்றன.

அப்பிள் ஸ்தாபகர் ஸ்டீவ் ஜொப்ஸ் மற்றும் அந் நிறுவனத்தின் தொழில்துறை வடிவமைப்புப் பிரிவின் சிரேஷ்ட பிரதித் தலைவர் ஜொனதன் ஐவ் ஆகியோர் பிரோன் நிறுவன தயாரிப்பு வடிவங்களின் பாதிப்பில் தமது சாதனங்களைத் தயாரித்திருக்கலாம் என எண்ணத்தோன்றுகிறது.

அப்பிளின் 2001 வெளியாகிய 'ஐ பொட்'டானது 1958 ஆம் ஆண்டு வெளியாகிய பிரோனின் 'டி3 பொக்கட் ரேடியோ'வின் வடிவத்தினை ஒத்துக்காணப்படுகின்றது.

அப்பிள் நிறுவனத்தின் தொழில்துறை வடிவமைப்புப் பிரிவின் சிரேஷ்ட பிரதித் தலைவரான ஜொனதன் ஐவ் தனது வடிவமைப்புகளில் பிரோன் நிறுவனத்தின் பிரதான வடிமைப்பாளராகத் திகழ்ந்த டயர்டர் ரம்சின் தாக்கம் இருப்பதாகப் பகிரங்கமாகத் தெரிவித்திருந்தமை குறிப்பிடத்தக்கது.

செம்சுங் நிறுவனம் மீது காப்புரிமை விதிகளை மீறியதாகக் கூறி வழக்குத்தொடுத்தும், குற்றஞ்சாட்டியும் வரும் அப்பிள் மற்றைய நிறுவனங்களின் வடிவத்தினை சத்தமின்றி 'கொப்பி' செய்வதனை என்னவென்று கூறுவது?