தமிழர்களை அரவணைத்த அமெரிக்கா!மௌனித்த மத்திய அரசு...

By.Rajah.ஈழப் பிரச்னையில் இன்னமும் கண்ணாமூச்சி ஆட்டம்தான் ஆடுகிறது மத்திய காங்கிரஸ் அரசு. கடந்த வாரம் நடந்த ஐ.நா. சபையின் விசாரணையில், அது அப்பட்டமாக வெளிச்சத்துக்கு வந்தது!

2009-ம் ஆண்டு மே மாதம் நடந்த இறுதி யுத்தத்தில் லட்சக்கணக்கான ஈழத் தமிழ் மக்கள் கொல்லப்​பட்டனர். அதற்குக் காரணமான ராஜபக்ச மீது போர்க்குற்ற விசாரணை நடத்தப்பட வேண்டும்’ என்பது உலகத் தமிழர்கள் அனைவரின் ஒட்டுமொத்தக் கோரிக்கை.

இதற்கு பலநாட்டு அரசுகளும் ஆதரவு தெரிவித்து வருகின்றன. ஒருசில நாடுகள் மட்டும் எதிர்க்கவும் செய்கின்றன. ஆனால், நம் மத்திய அரசு இரண்டுக்கும் மத்தியில் சிக்கித் திணறிக்கொண்டு இருக்கிறது.

ராஜபக்சவை போர்க் குற்றவாளியாக்கி விசாரிக்க வேண்டும் என்ற தீர்மானத்துக்கு ஆதரவாக மத்திய அரசு முடிவு எடுக்க வேண்டும்’ என்று தமிழகத்தில் உள்ள அரசியல் கட்சிகள் அனைத்தும் கோரிக்கை வைத்துள்ள நிலையில், தொடர்ந்து இந்தியா மௌனம் சாதித்தே வருகிறது.

இந்தியா தனக்கு எதிரான நிலைப்பாட்டை எடுத்துவிடக் கூடாது என்பதில் ராஜபக்ச தெளிவாக இருக்கிறார். அதற்காகவே அடிக்கடி டெல்லிக்கு வந்து, தன்னுடைய நட்பை புதுப்பித்துக் கொள்கிறார். கடந்த செப்டம்பர் மாதக் கடைசியில் மத்தியப் பிரதேச மாநிலத்துக்கு புத்த மைய விழாவுக்கு அவர் வந்தது குறித்து, 'மிரண்டு ஓடிவரும் ராஜபக்ச’ என்ற தலைப்பில் கட்டுரை எழுதி இருந்தோம். இப்போது அதற்கான பலனை ஜெனீவாவில் அடைந்து விட்டார் ராஜபக்ச.

அவசரமாக மூடப்பட்ட முகாம்கள்!

இலங்கை தொடர்பான விசாரணை நவம்பர் 1-ம் தேதி நடக்கும் என்று ஐ.நா. மன்றம் அறிவித்து இருந்​தது. அதற்கு முன்னதாக மன்றமும் மேற்குலக நாடு​​களும் பல்வேறு ஆய்வுகளை மேற்கொண்டன.

இந்தக் கூட்டத்துக்கு முன்னதாக, ஈழத்தில் இருக்கும் அனைத்து முகாம்களையும் மூடிவிட வேண்​டும் என்று இலங்கை அரசு அவசரமாக முடிவு எடுத்தது. அப்போது, நல்லிணக்க ஆய்வுக் குழு​வின் பரிந்துரைகள் எதையும் அவர்கள் நிறைவேற்றவில்லை என்ற குற்றச்​சாட்டு அதிகம் எழுந்தன.

இலங்கைக்கான அமெரிக்கத் தூதர் ரொபர்ட் ஓ பிளேக், 'நல்லிணக்க ஆணைக் குழுவின் பரிந்துரைகளை விரைவாக நடைமுறைப்படுத்த வேண்டும். வடக்கு மாகாண சபைக்கான தேர்தலை விரைவாக நடத்தி முடிக்க வேண்டும். வடக்கில் அதிக அளவில் நிலைகொண்டுள்ள படையினரைக் குறைத்து, சிவில் நிர்​வாகத்தில் இராணுவத் தலையீடுகளை நீக்க வேண்டும். இவை எதையும் இலங்கை செய்யவில்லை.

போர் முடிந்து மூன்று ஆண்டுகள் முடிந்துள்ள நிலையில், போரில் நடந்த மீறல்கள் தொடர்பான குற்றச்சாட்டுகளை விசாரித்து, சட்ட நடவடிக்கை எடுத்திருக்க முடியும். அதையும் இலங்கை செய்யவில்லை. இதன் விளைவு ஐ.நா. கூட்டத் தொடரின்போது தெரியும்’ என்று எச்சரிக்கை செய்தார். இது ராஜபக்சவுக்கு அதிர்ச்சியை ஏற்படுத்தியது. இந்த நிலையில்தான் ஐ.நா. கூடியது.

மௌனித்த மத்திய அரசு!

ஐ.நா. கூட்டத்துக்கு முன்னதாக மத்திய அரசு சில கருத்துக்களைச் சொல்லியது. அதே கருத்தை ஐ.நா. கூட்டத்திலும் இந்தியா சொன்னது.

இலங்கையில் 13-வது சட்டத் திருத்தத்தை அமுல்படுத்த வேண்டும் என்ற நிலைப்பாட்டில் இருந்து இந்தியா ஒருபோதும் பின்வாங்காது. தமிழர்கள் வாழும் வடக்குப் பகுதியில் இலங்கை இராணுவத்தின் தலையீடு மிகுந்த கவலை அளிக்கிறது. வடக்கில் விரைவாக தேர்தல் நடத்த வேண்டும் என்பதில் இந்தியா உறுதியுடன் உள்ளது’ என்று நவம்பர் 1-ம் தேதி இந்தியா சார்பில் கருத்து முன்வைக்கப்பட்டது. ஆனால் 5-ம் தேதி வரை அந்தக் கருத்துக்கு இந்தியா அழுத்தம் கொடுக்காதது, பலருக்கும் அதிர்ச்சியை ஏற்படுத்தியது.

கடந்த மார்ச் மாதம் ஜெனீவாவில் இலங்கைக்கு எதிரான தீர்மானம் கொண்டு வரப்பட்ட நேரத்தில், இலங்கைக்கு எதிராக இந்தியா வாக்களித்தது. ஆனாலும், 'கொலை செய்தவனே கொலையை விசாரிக்கலாம்’ என்பதை முன்னிறுத்தி, ஒரு திருத்தமும் கொடுத்தது.

அதேவேலையைத்தான் இப்போதும் இந்தியா செய்து இருக்கிறது என்று தமிழ் அமைப்புகள் விமர்சனம் செய்கின்றன. கண்டிப்பதுபோல் கண்டித்துவிட்டு, கருத்து முன்வைக்க வேண்டிய நவம்பர் 5-ம் தேதி எதையுமே பேசாமல் தப்பித்து விட்டது.

தமிழர்களை அரவணைத்த அமெரிக்கா!

அமெரிக்கா எவ்வித சமரசமும் இல்லாமல் இலங்கைக்குத் தன் பரிந்துரைகளை முன்வைத்தது. 'இலங்கையில் மீள்குடியேற்றம் மற்றும் புனரமைப்புப் பணிகள் நடப்பதில் இருக்கும் சுணக்கம் மிகவும் வருத்தம் அளிக்கிறது.

இலங்கை அரசு கொடுத்த வாக்குறுதிகளை நிறைவேற்ற வேண்டும். தமிழர் பகுதிகளில் இராணுவத்தைக் குறைத்தல், தேசிய இனப் பிரச்னைக்குத் தீர்வு காணுதல், கருத்துச் சுதந்திரத்தின் மீதான அடக்கு முறையைத் தவிர்த்தல் போன்ற பல விஷயங்களில் கவனம் செலுத்த வேண்டும்.

இப்போது இலங்கையின் தலைமை நீதிபதியான ஷிராணி பண்டாரநாயக்க மீது குற்றங்கள் சுமத்தி தீர்மானம் ஒன்றை இலங்கை அரசு கொண்டு வந்துள்ளது. இதுபோன்ற காரியங்களில் இலங்கை அரசு ஈடுபடக் கூடாது’ என்று அமெரிக்கா சார்பில் பேசிய பிரதிநிதி திட்டவட்டமாகப் பேசினார்.

ஆனால், இந்திய அரசு சார்பில் பேசியவர், 'நீதித்துறை என்பது இலங்கையின் உள்நாட்டுப் பிரச்னை’ என்று இலங்கையின் நிலையை ஆதரித்தது, குறிப்பிடத்தக்கது.

வாட்டிய ஆம்னெஸ்டி!

இலங்கை தொடர்பான கருத்தை ஐ.நா-வில் வெளியிட்ட ஆம்னெஸ்டி இன்டர்நேஷனல் அமைப்பைச் சேர்ந்த யோலாண்டா போஸ்டர்,

மனித உரிமை தொடர்பாக இலங்கை அரசு பல ஆண்டுகளாகப் பொய் வாக்குறுதிகளையே அளித்து வருகிறது. விடுதலைப் புலிகளுடனான போர் முடிவடைந்து மூன்று ஆண்டுகள் கடந்தும், அங்கு மனித உரிமை ஆர்வலர்களுக்கு எதிராக மிரட்டலும் எதிர்மறையான பிரச்சினைகளும் தொடர்கிறது.

பலர் திடீர் திடீரெனக் காணாமல் போகின்றனர். படுகொலைகள் நிகழ்த்தப்படுகின்றன. மொத்தத்தில் அங்கு அமைதியும் பாதுகாப்பும் அற்றசூழலே நிலவுகிறது'' என்று தெளிவான வார்த்தைகளில் குறிப்பிட்டுள்ளார்.

210-ல் 100 மட்டுமே!

இலங்கை தொடர்பாக உலக நாடுகள் 210 பரிந்துரைகளை முன்வைத்தன. அதில் 100 பரிந்துரைகளை இலங்கை அரசு நிராகரித்துவிட்டது. 'போர் சம்பந்தமாக இலங்கை அரசே ஒரு குழுவை அமைத்து விசாரணை நடத்தி, 'கற்றுக்கொண்ட பாடங்கள் மற்றும் நல்லிணக்க ஆணைக் குழு’ என்ற பெயரில் அறிக்கை வெளியிடப்பட்டு உள்ளது.

இலங்கை அரசான நாங்கள் அமைத்த குழு கொடுத்த அறிக்கையின் பரிந்துரைகளைத்தான் எங்களால் ஏற்க முடியும். எல்லா நடவடிக்கைகளும் எங்கள் அரசின் கட்டுப்பாட்டுக்கு உள்ளாகத்தான் இருக்க வேண்டும். மற்றபடி உலக நாடுகளின் கண்காணிப்பின் கீழ் அல்லது ஐ.நா-வின் மேற்பார்வையின் கீழோ நாங்கள் செயல்பட முடியாது.

மனித உரிமை, பத்திரிகையாளர்களின் பாதுகாப்பு தொடர்பாக நாங்களே நடவடிக்கைகள் எடுத்து வருகிறோம் என்பதால், இந்தப் பரிந்துரைகளையும் ஏற்க முடியாது’ என்று கறாராகவே இலங்கை அரசு சொல்லியது.

ஜெனீவாவில் நடந்த மீளாய்வுக் கூட்டத் தொடரின் முடிவுக்குப் பின்னர் பேசிய மகிந்த சமரசிங்க, ''ஐ.நா. இதே போன்றுதான் 2008 மீளாய்வின்போதும் சாத்தியப்படாத சில பரிந்துரைகளை முன்வைத்தது. அப்போதும் நாங்கள் தைரியமாக அதனை நிராகரித்தோம்'' என்றார்.

இலங்கையின் இந்த நடவடிக்கையை அமெரிக்கா, பிரான்ஸ் போன்ற பிற மேற்குலக நாடுகள் கடுமையாக விமர்சித்து உள்ளன. ஆனால் சீனா, ரஷ்யா, கியூபா போன்ற நாடுகள் தொடர்ந்து இலங்கைக்கு ஆதரவு கொடுக்கின்றன.

ஐ.நா. முடிவு எப்போது?

அடுத்த ஆண்டு மார்ச் மாதம் ஐ.நா. மன்றம் தனது இறுதி முடிவை அறிவிக்கும் என்று சொல்லப்படுகிறது. தொடர்ந்து ஐ.நா.வின் பரிந்துரைகளை நிராகரிப்பது, இலங்கையைக் கடுமையான நெருக்கடிக்குக் கொண்டுசெல்லும் என்றும் சொல்கிறார்கள்.

மார்ச் 2012-ல் இலங்கை அரசுக்கு எதிராக கொண்டுவரப்பட்ட தீர்மானத்தின்படி, இலங்கை அரசு என்னென்ன முன்னேற்ற நடவடிக்கைகளை எடுத்துள்ளது என்பது மார்ச் 2013 கூட்டத்தொடரின் போது விவாதிக்கப்படும்.

இத்தகைய செய்திகளுக்கு உலகப் பத்திரிகைகள் பலவும் முக்கியத்துவம் கொடுப்பதுகூட ராஜபக்​சவினால் ஜீரணிக்க முடியவில்லை. 'புலிகள் ஆயுதங்களைவிட்டு ஊடகங்கள் வழியே இன்று போராடுகின்றனர்’ என்று 'அலரி’ மாளிகையில் இருந்து அலறி உள்ளார். அநீதி இழைக்கப்பட்ட மக்களுக்கு நீதி எவ்வளவு காலம்தான் தாமதிக்குமோ?

மேலும்>>>

ஜப்பான் வலதுசாரிகளுடன் கூட்டு சேரும் தலாய்லாமா?

      13.11.2012. By.Rajah. திபெத்தில் சீன ஆதிக்கத்தை எதிர்த்தும், தலாய் லாமாவை ஆதரித்தும் கம்யூனிஸ்ட் காங்கிரஸ் கட்சி தொண்டர்கள் ஒரு வாரமாக தீக்குளித்து தற்கொலை செய்து கொள்கின்றனர்.
சீனாவின் ஆளுங்கட்சியான காங்கிரஸ் சார்பில் அந்நாட்டை ஆளக்கூடிய எதிர்கால தலைவரை தேர்ந்தெடுக்கும் பணிகள் மும்முரமாக நடைபெற்று வருகிறது.
சர்வதேச சமூகத்தின் கவனத்தை இந்த தேர்தல் ஏற்பாடுகள் ஈர்த்துவரும் வேளையில், திபெத்தியர்கள் தீக்குளித்து தற்கொலை செய்து கொள்ளும் செய்திகள், உலக ஊடகங்களில் அதிக முக்கியத்துவத்துடன் உலா வருகின்றன.
இதுவரை 8 பேர் தீக்குளித்து உயிர் இழந்துள்ளனர். இந்த சம்பவங்களுக்கு எல்லாம் தலாய் லாமாவே காரணம் என்று குற்றம் கூறிவந்த சீன அரசாங்கம், இன்று வெளிப்படையாக தலாய்லாமாவை குற்றம் சாட்டியுள்ளது.
சீனா உரிமை கோரும் சர்ச்சைக்குரிய தீவு, ஜப்பானுக்கு சொந்தமானது என்னும் கருத்துக்கு தலாய்லாமா ஆதரவு தெரிவிப்பதை எதிர்த்து நேற்று சீன வெளியுறவு துறை மந்திரி ஹாங்லி கூறியதாவது:-
மதத்தை காரணம் காட்டி சீனாவை இரண்டாக உடைக்க நினைக்கும் தலாய்லாமாவின் உண்மை நிறம் இப்போது வெளிப்பட்டு உள்ளது.
சீனாவை உடைக்கும் தனது கொள்கைக்காக ஜப்பானிய வலதுசாரிகளுடன் கூட அவர் சேர்ந்துக் கொள்ளக்கூடும். அவரது செயல், சீன மக்களுக்கு வெறுப்பை உண்டாக்கியுள்ளது.
தலாய் லாமாவின் பிரிவினைவாத செயல்களுக்கு ஊக்கம் அளிக்கும் நாடுகளையும், தனி நபர்களையும் சீனா கடுமையாக எதிர்க்கின்றது
இவ்வாறு அவர் கூறினார்.

மேலும்>>>

இலங்கையின் கொலைக்களங்கள் - குறுந்திரைப்படம் !

      By.Rajah.{,காணொளி}, இலங்கையின் இறுதிப்போரின் போது மேற்கொள்ளப்பட்டதாக கூறப்படும் படுகொலைகளை வைத்து தயாரிக்கப்பட்ட “இலங்கையின் கொலைக்களங்கள்” என்ற திரைப்படத்தை மையப்படுத்தி பிரித்தானியாவின் பட்டதாரி மாணவர்கள் நால்வர் குறுந்திரைப்படங்களை தயாரித்துள்ளனர்.

இதில் ஒரு குறுந்திரைப்படத்தை தயாரித்த கிறிஸ்டினா பிச்சி என்பவர், தாம் குறுந்திரைப்படத்தை தயாரித்த போது எந்த கட்டத்தையும் தேவையற்றது என்று தவிர்க்க முடியாத நிலைக்கு தள்ளப்பட்டதாக குறிப்பிட்டுள்ளார்.

இந்தநிலையில் தயாரிக்கப்பட்ட நான்கு குறுந்திரைப்படங்களும் லண்டனில் உள்ள சர்வதேச ஆவணப்பட கண்காட்சியின் போதும் ஐரோப்பிய பல்கலைக்கழகங்களிலும் காட்சிப்படுத்தப்பட்டன.

அதனை பெருமளவானோர் பார்த்ததாக குறுந்திரைப்பட தயாரிப்பாளர்கள் தெரிவித்துள்ளனர்

மேலும்>>>

சிறுநீரிலிருந்து மின்சாரம் தயாரித்து??

12.11.2012.By.Rajah..சிறுநீரிலிருந்து மின்சாரம் தயாரித்து நைஜீரிய மாணவிகள் நான்கு பேர் சாதனை படைத்துள்ளனர். இவர்களின் இந்த வித்தியாசமான கண்டுபிடிப்பு நைஜீரியாவில் பெரும் ஆர்வத்தை ஏற்படுத்தியுள்ளது.

நைஜீரியாவைச் சேர்ந்த 14 வயதான டூரோ அய்னா அடிபோலா, அகின்டேல் அபியோலா, பேலகே வொலுவடோயின் மற்றும் 15 வயதான பெல்லோ எனியோலா ஆகிய மாணவிகளே இதனைக் கண்டுபிடித்துள்ளனர்.

உலகத்தின் சில இடங்களில் மின்தடை பிரச்சினையால் மக்கள் பெரிதும் பாதிக்கப்பட்டிருக்கிறார்கள். அதற்கு ஆறுதல் தேடித் தரும் வகையில் இவர்களின் கண்டுபிடிப்புகள் அமைந்துள்ளது குறிப்பிடத்தக்கது

மேலும்>>>

ரூ.35,000 மதிப்புள்ள ஐபேடுக்கு மாற்றாக ரூ.4000க்கு டேப்ளட் தயாரித்த ??

12.11.2012.By.Rajah.அமெரிக்காவின், "போர்ப்ஸ்' பத்திரிகை நேற்று வெளியிட்ட, உலகின் சிறந்த, 15 கல்வியாளர்கள் பட்டியலில், இந்தியாவை சேர்ந்த, இரண்டு பேர் இடம்பெற்றுள்ளனர்.மிகக் குறைந்த விலை, "ஆகாஷ்' டேப்ளட் பெர்சனல் கம்ப்யூட்டர் தயாரிப்பு நிறுவனமான, "டேட்டாவிண்ட்' நிறுவனர், சுனித் சிங் துலி, 44, மற்றும், "எட் எக்ஸ்' என்ற ஆன்லைன் கம்ப்யூட்டர் நிறுவனத்தின் தலைவரான, ஆனந்த் அகர்வால், 53, ஆகிய இரு இந்தியர்கள், போர்ப்ஸ் பத்திரிகையின், உலகின் சிறந்த, 15 கல்வியாளர்கள் பட்டியலில், இடம் பெற்றுள்ளனர்.

அமெரிக்காவின், ஆப்பிள் கம்ப்யூட்டர் நிறுவனத் தயாரிப்பான, 35 ஆயிரம் ரூபாய் மதிப்புள்ள, "ஐபேடு'க்கு மாற்றாக, 4,000 ரூபாயில், "ஆகாஷ்' டேப்ளட் பி.சி., தயாரிக்கப்பட்டது. இந்திய மாணவர்கள் அனைவருக்கும், அந்த விலையில், ஆகாஷ் டேப்ளட் பிசியை தயாரித்து வழங்க, மத்திய அரசு உத்தரவிட்டுள்ளது.அது பற்றி துலியிடம், அப்போது கேட்டபோது, "பல லட்சம் கோடி ரூபாய் மதிப்புள்ள ஆப்பிள் நிறுவனத்தின், "ஐபேடு' பற்றி நான் கவலைப்படவில்லை; உலகம் முழுவதும், 300 கோடி பேருக்கு அருமையான கருவியை தயாரித்து வழங்க முடியும் என்பதில் பெருமை கொள்கிறேன்' என்றார்.

போர்ப்ஸ் கல்வியாளர்கள் பட்டியலில் இடம் பெற்றுள்ளவர்களில், வங்கதேசத்தில் பிறந்து, அமெரிக்காவில் வசிக்கும், சல்மான் கானும் ஒருவர். "கான் அகடமி' என்ற, ஆன்லைன் கல்வி நிறுவனத்தை நடத்தி வரும் சல்மான் கானுக்கு, 36 வயது தான் ஆகிறது. அவரின், ஆன்லைன் வீடியோ பாடங்களை, 20 கோடி பேர் படித்து பயன் பெறுகின்றனர். அவரின், "யூ டியூப்' பக்கத்தில், நான்கு லட்சம் பேர் பதிவு செய்துள்ளனர்

மேலும்>>>

இன்பத்துக்கும் துன்பத்துக்கும் காரணமானது மூச்சுக்காற்று !

By.Rajah.காலையில் முழித்த முகம் சரியில்லை! எடுத்த காரியம் எதுவும் நடக்கவில்லை! என்று அலுத்துக் கொள்வோர்களும், இன்றைக்குக் கழுதை முகத்தில் முழித்திருப்பான் போலிருக்கிறது! அதிர்ஷ்டக்காரன், அவனுக்கு அடித்தது, யோகம் என்று வியந்துபோவோரும் இருக்கின்றார்கள்.

ஆனால், காலையில் தூங்கி எழும்போதே அன்றைய தினம் எப்படி இருக்கும்! எப்படி இருந்தால் தனக்கு நன்மை உண்டாகும் என்பதை அறிந்து செயல்படுபவர்கள் குறைவு.
நாம் நமது மூக்கின் வழியாக விடுகின்ற மூச்சுக்காற்று நம்மை ஆக்குகின்றது. நம்மை ஆள்கின்றது. நம்மை வழி நடத்துகின்றது.
நம்மைப் பற்றியும் நம் உடம்பைப் பற்றியும் முன்னறிவிப்பு செய்யும் மணியாக மூக்கையும் மூச்சையும் குறிப்பிடலாம்.

படுக்கையிலிருந்து எழ வேண்டிய நேரம் அதிகாலை 4.00 மணி. 4.00 மணி என்பது மிகவும் முக்கியமான நேரமாகும். அதிகாலை 4.00 மணிக்கு எந்த நாசிப்பக்கமாக மூச்சு வெளிவருகிறது என்பதைக் கவனித்தால், அன்றைய பொழுதில் என்ன நடக்கப் போகிறது என்பதை அறிந்து கொள்ளலாம்.
மூக்கிலிருந்து வெளிவருகின்ற மூச்சு முறையாக இல்லாமல் தாறுமாறாக இருக்குமேயானால், மதங்கொண்ட யானையைப் போல் தாறுமாறாக நடந்து இன்பங்களை இழந்து துன்பங்களைச் சம்பாதித்துக் கொள்ளவேண்டியிருக்கும்.
ஒவ்வொரு நாளும் நாம் விடுகின்ற மூச்சு, மூக்கின் இரண்டு நாசிகளில் ஒரு பக்க நாசியில் வெளி வர வேண்டும்.

மூக்கில் விடுகின்ற மூச்சுக்காற்று முறையாக வெளிவர முதலில் இடது பக்கத்து நாசி வழியாக உள்ளுக்கு இழுத்து வலது பக்க நாசி வழியாக வெளியிட வேண்டும். அடுத்து, வலது பக்க நாசி வழியாக உள்ளுக்கு இழுத்து இடது பக்கத்து நாசி வழியாக வெளியிட வேண்டும்.
இவ்வாறு, காலையிலும் மாலையிலும் 21 முறை செய்து பழக வேண்டும். அவ்வாறு செய்தால், மூக்கிலும் மூச்சுக் குழாயிலும் நுரையீரலிலும் உள்ள அடைப்புகளும், சளியும் வெளியேறிவிடும். அதன் பின் மூச்சுவிடுவது இயல்பாக இருக்கும்.
அடுத்ததாக, அதிகாலையில் விழித்தெழுந்து மூக்கில் எந்த நாசி வழியாக மூச்சுக்காற்று வெளியே வருகிறது என்று பார்க்க வேண்டும்.
அதிகாலையில் எந்தப்பக்கத்து நாசி வழியாக மூச்சுக் காற்று வெளிவருகிறது என்பதைக் கொண்டு, அன்றைய தினம் நமது உடம்பு எவ்வாறு இருக்கும் என்பதை முன்னரே அறிந்து கொள்ளலாம்.

வலது நாசி என்பது சூரிய கலை.
இடது நாசி என்பது சந்திர கலை.
ஒவ்வொரு நாளும் அதிகாலை நான்கு மணிக்கு அன்றைய பொழுதின் உடல் நலம் தொடங்குகிறது. அன்றைய பொழுதின் உடல் நடத்தை அதிகாலையிலேயே கண்டறிந்து கொண்டு, அதற்கு வேண்டிய மாற்ற நடவடிக்கைகளைச் செய்து கொண்டால், தலைக்கு வந்தது தலைப்பாகையோடு போனது போல, அதிகாலையிலேயே முடிந்துவிடும்.
எப்படியென்றால், வார நாள்களில் திங்கள், புதன், வெள்ளி ஆகிய இம்மூன்று நாள்களில் அதிகாலை நான்கு மணியிலிருந்து காலை ஆறு மணி வரை இடது பக்க நாசி வழியாக மூச்சு வெளிவர வேண்டும்.
ஞாயிறு, செவ்வாய், சனி ஆகிய இம்மூன்று நாள்களில் வலது பக்க நாசி வாயாக மூச்சு வெளிவர வேண்டும்.
வார நாள்கள் எனில் வியாழக்கிழமை மிகவும் முக்கியமான நாளாகும். மற்ற ஆறு நாள்களைப்போல வியாழக்கிழமையில் மூச்சு விட முடியாது.
வியாழக்கிழமை அன்று பௌர்ணமியாக இருந்தால், அதிகாலை நான்கு மணிக்கு இடது பக்க நாசி வழியாக மூச்சு வெளிவர வேண்டும்.
வியாழக்கிழமை அன்று அமாவாசையாக இருந்தால் இடது நாசி வழியாக மூச்சு வெளிவர வேண்டும்.

இவை இரண்டும் இல்லாமல் வளர்பிறையாக இருந்தால் இடது பக்க நாசி வழியாக மூச்சு வெளிவர வேண்டும்.
தேய்பிறையாக இருந்தால் வலது பக்க நாசி வாயாக மூச்சு வெளிவர வேண்டும்.
மேலே கூறியது கூறியவாறு மூச்சு வெளிவந்து கொண்டிருந்தால் அந்த ஏழு நாள்களும் உடல் நலமும் மன நலமும் சீறாக இருக்கும். எவ்விதமான நோய்நொடிகளும் அண்டாமல் இருக்கும்.
அதற்கு மாறாக, நடந்தால் என்ன நடக்கும் என்பதைக் காண்பதற்கு முன் ஒரு சிறிய இடைவேளை.
ஞாயிறு அன்று காலையில் வலது பக்க நாசியில் மூச்சு வெளிவராமல் இடது பக்க நாசி வழியாக மூச்சு வெளி வந்தால், தலைவலி, சளி, இருமல், ஈளை, மூச்சடைப்பு நோய்கள் உருவாகும்.
திங்கள் அன்று காலையில் இடது பக்க நாசியில் மூச்சு வெளிவராமல் வலது பக்க நாசி வழியாக மூச்சு வெளிவந்தால், ஜலதோசம், ஆஸ்துமா, தும்மல் நோய்கள் உண்டாகும்.
செவ்வாய் அன்று காலையில் வலது பக்க நாசியில் மூச்சு வெளிவராமல் இடது பக்க நாசி வழியாக மூசு வெளிவந்தால், காய்ச்சல், கண் எரிச்சல், நெஞ்செரிச்சல், பித்த மயக்கம் ஆகியவை ஏற்படும்.

புதன் அன்று காலையில் இடது பக்க நாசி வழியாக மூச்சு வெளிவராமல் வலது பக்க நாசி வழியாக மூச்சு வெளி வந்தால், உடல் வலி, கைகால் குடைச்சல், மூட்டுவலி, நீரேற்றம், தலைக்குத்தல் போன்ற நோய்கள் உருவாகும்.
வியாழக்கிழமை நாளில் பௌர்ணமி, அமாவாசை, வளர்பிறை, தேய்பிறை ஆகியவை இருந்தால், முறையே இடது நாசி, வலது நாசி, இடது நாசி, வலது நாசி ஆகிய நாசி வழியாக மூச்சு வெளிவரவேண்டும். அதற்கு மாறாக வெளிவந்தால், அடி வயிற்றில் நோயுண்டாகும். பெண்களுக்குக் கருப்பைக் கோளாறு ஏற்படும். மலட்டுத் தன்மை உருவாகும். இல்லற உறவு கசந்து போகும்.

வெள்ளி அன்று காலையில் இடது பக்க நாசி வழியாக மூச்சு வெளிவராமல் வலது பக்க நாசி வழியாக மூச்சு வெளி வந்தால், கண் வலி வரும். கண் நோய் உண்டாகும். பார்வை குறையும்.
சனி அன்று காலையில் வலது பக்க நாசி வழியாக மூச்சு வெளிவராமல் இடது பக்க நாசி வழியாக மூச்சு வெளி வந்தால், குளிர் கரம், சரும நோய், குட்டம் போன்ற நோய்கள் உண்டாக வாய்ப்புண்டு.

மூக்கின் வழியாக வருகின்ற மூச்சுக்காற்று தடம் மாறி நடந்தால் உடல்நலம் மட்டுந்தான் பாதிக்கும் என்றில்லை. மன நலமும் பாதிக்கும். மன நலத்தில் ஏற்படுகின்ற பாதிப்பினால், உற்றார் உறவினர்களுடன் பழகும் பழக்கங்களும் பாதிக்கும். அதனால், உறவு முறிவுகள் ஏற்படவும் வாய்ப்புண்டு.
வார நாள்களில் விடுகின்ற மூச்சுக்காற்று தடம்மாறினால் உடல் நலத்தில் குறைபாடுகளும் நோய்களும் உருவாகி, அவற்றின் ஆதிக்கத்தினால் உடல் நலம் பாதிக்கும். உறவும் தொழிலும் உடன்படாமல் எதிர்மறையாகச் செயல்படும். கசப்பும் இழப்பும் வாழக்கையைத் தடம் புரளச் செய்துவிடும்.
இன்பத்துக்கும் துன்பத்துக்கும் காரணமானது மூச்சுக்காற்று. அது, நாள்தோறும் விடியற்காலையில் எவ்வாறு இயங்குகிறது என்பதைக் கொண்டு அன்றைய பொழுதின் ஆரோக்கியத்தை, மன வளத்தை அறிந்து கொள்ளலாம்.
மூச்சுக்காற்று எந்த நாசியில் இயங்குகிறது என்பதைக் கண்டறிந்து அன்றைய பொழுது எவ்வாறு இருக்கப் போகிறது என்பதை அறிந்து கொள்வது மட்டும் உடல் நலத்தைப் பேணுவது ஆகாது.

தீங்கும் தீமையும் வரப்போகிறது என்றறிந்து கொண்டு வருவது வரட்டும்! ஒரு கை பார்த்துக் கொள்ளலாம்! என்றிருப்பது அறிவுடமையுமாகாது.
எந்தச் செயலுக்கும் ஒரு மாற்று இருப்பதைப் போல, எல்லாவற்றுக்கும் தீர்வு என்பது இருக்கும் என்பதை உணர்ந்து அந்தத் தீர்வு என்ன என்று அறிய முற்பட வேண்டும்.
மூச்சுக்காற்று அதன் இயல்புக்கு மாறாக நடக்கத்தொடங்கும் போதே அதனை மாற்றுவதற்கான தீர்வைச் செய்து முறையாக இயங்கச் செய்ய வேண்டும். அப்படிச் செய்தால் தீங்கும் தீமையும் நீர்த்துப் போகும்.
கிழமைக்கு ஏற்றவாறு நாசியின் வலப்புறமோ அல்லது இடப்புறமோ இயங்குகின்ற மூச்சானது, சுமார் ஒரு மணி நேரம் வரை இயங்கிவிட்டு அடுத்த நாசிக்கு மாறிவிடும்.
அதிகாலை நான்கு மணி என்பது அன்றையப் பொழுதின் தொடக்க நேரம் என்று முன்னரே சொன்னோம். அந்த நேரத்தைக்குறிப்பிடவே 'வைகறை துயில் எழு’ என்று கூறப்பட்டுள்ளது.

சூரியகலை சூரியனின் ஆதிக்கத்தில் இயங்குகிறது. இது வெப்பமானது. சந்திரகலை சந்திரனின் ஆதிக்கத்தில் இயங்குகிறது. இது குளிர்ச்சியானது. குளிர்ச்சியும் வெப்பமும் உடலுக்குத் தேவை என்பதால் அவை இரண்டும் மாறி மாறி இயங்கி உலைப் பாதுகாக்கின்றன.
வெப்பம் மிகுந்தாலும் நோயாகும். குளிர்ச்சி மிகுந்தாலும் நோயாகும். அவை இரண்டும் சம அளவில் இயங்கிக் கொண்டிருந்தால், அல்லது இயங்கச் செய்து கொண்டிருந்தால் நோய் என்னும் பேச்சுக்கே இடமில்லை.
அதிகாலையில் எழுந்திருந்த காலைக்கடன்களை முடித்து விட்டு, முகத்தைச் சுத்தம் செய்துவிட்டு சிறிது நேரம் இளைப்பாறிக் கொள்ள வேண்டும். அதன் பின்னர், நாசிக்குக் கீழே கையை வைத்து எந்த நாசியின் வழியாக மூச்சுக்காற்று வந்து போகிறது என்பதைச் சோதிக்க வேண்டும்.

அதன் பிறகு, அன்றைய கிழமை என்ன, அக்கிழமையன்று எந்த நாசியின் வழியாக மூச்சு இயங்க வேண்டும் என்றறிந்து ஒப்பிட்டுப் பார்த்துக் கொள்ள வேண்டும்.
உதாரணமாக, ஞாயிற்றுக்கிழமை அன்றைக்கு வலப்புற நாசி வழியாக மூச்சுக்காற்று இயங்க வேண்டும். அன்றைக்கு அதிகாலையில் வலப்புறத்தில் இயங்கினால் தோஷமில்லை. மாறாக இடப்புறமாக இயங்குகிறது என்று வைத்துக் கொள்வோம். என்ன செய்ய வேண்டும்?

போர்வை, சமுக்காளம் போன்ற துணியைத் தரையில் விரித்துக் கொண்டு, அதன் மீது பத்ம ஆசனம் போட்டு அமர்ந்து கொள்ள வேண்டும். பத்மாசனம் போட முடியாவிட்டால் சுகாசனம் போட்டு அமர்ந்து கொள்ளலாம்.
சுகாசனம் என்பது சாப்பிடும்போது உட்காருவதுபோல் உட்கார்வது. அவ்வாறு உட்கார்ந்து கொண்டு வலது கையின் கட்டை விரல் மோதிர விரல் ஆகிய இரண்ட மட்டும் நீட்டிக் கொண்டு மற்ற மூன்று விரல்களையும் உட்புறமாக மடக்கிக் கொண்டு, கட்டை விரலை வலப்புற நாசியிலும் மோதிர விரலை இடப்புற நாசியிலும் மூக்கைச் சிந்தும்போது வைப்பது போல் வைத்துக்கொள்ள வேண்டும்.

இப்போது, கட்டை விரலால் வலப்புற நாசியை அமுக்கி மூச்சு வராமல் அடைத்துக் கொண்டு இடப்புறத்து நாசி வழியாக மூச்சை மெதுவாக உள்ளுக்குள் இழுக்க வேண்டும். அவ்வாறு இழுக்கும் நேரம் அரை நிமிடம் என்று வைத்துக் கொள்வோம்.
மூச்சை இழுத்தவுடன் மோதிர விரலால் இடப்புறத்து நாசியை அடைத்துக் கொண்டு, கட்டை விரலை எடுத்து விட்டு, வலப்புற நாசி வழியாகக் காற்றை வெளியே விட வேண்டும். மூச்சை வெளியே விடும்போது, இடப்புறமாக மூச்சை இழுக்கும்போது ஆகும் நேரம் அரை நிமிடத்தைப் போல இரண்டு மடங்கு நேரம் (ஒரு நிமிடம்) மூச்சை மெதுவாக வெளியே விட வேண்டும்.

அடுத்து, வலப்புற நாசி வழியாக மூச்சை வெளியே விட்டதும், அந்த நாசியின் வழியாகவே மூச்சை அரை நிமிட நேரம் அளவுக்கு உள்ளே இழுக்க வேண்டும்.
காற்று உள்ளே சென்ற வலப்புற நாசியைக் கட்டை விரலால் அடைத்துக் கொண்டு, இடப்புறத்தை அடைத்துக் கொண்டிருக்கும் மோதிர விரலைத் தளர்த்திக் கொண்டு ஒரு நிமிட நேரம் அளவுக்கு உள்ளே சென்ற காற்றை மெதுவாக வெளியே விட வேண்டும்.
இவ்வாறு, வலப்புறமும் இடப்புறமும் மாறி மாறி விட வேண்டும். வலது புறத்திலும் இடது புறத்திலும் மூச்சு விடுவது ஒன்று எனக் கணக்கிட்டு, இருபத்தொரு முறை விட வேண்டும்.
அவ்வாறு செய்த பின்பு, சிறிது நேர ஓய்வுக்குப் பின்பு நாசியைச் சோதிக்க வேண்டும். அப்போது, இயல்பாக வரவேண்டிய வலது புறத்து நாசி வழியாக மூச்சு வர வேண்டும்- அப்போதும் இடது புறத்து வழியாகவே மூச்சு வந்து கொண்டிருந்தால், கவலைப்படவேண்டாம்.

விரித்து வைத்துள்ள துணியின் மீது, தெற்கில் தலையை வைத்துப் படுத்துக் கொள்ளலாம். இடது கையை மடக்கி தலைக்கு வைத்துக் கொள்ளலாம். உள்ளங்களையில் காதைவைத்து படுத்துக் கொள்ளவும். இடது காலை மடக்கி வலது காலை நீட்டிக் கொள்ளவும். வலது கை வலது தொடையில் இருக்குமாறு நீட்டிக் கொண்டு, பத்துப் பதினைந்து நிமிடங்கள் படுத்திருந்தால், மூச்சு இடது கலையிலிருந்து மாறி வலதுக்கு வந்துவிடும்.
மேலும் மற்றொரு முறை சுவர் ஓரமாக நின்று கொண்டு இடது காலைத் தூக்கி வலது கால் தொடை மீது வைத்துக் கொள்ளவும். கை இரண்டையும் ஒன்றாகச்¢சேர்த்து கும்பிடுவதுபோல வைத்துக் கொண்டு, கையைத் தலைக்கு மேலே நீட்டிக் கொள்ளவும். இதற்கு நின்ற பாத ஆசனம் என்று பெயர். இந்த ஆசனத்தில் ஐந்து நிமிடம் நின்றால் மூச்சு இடகலையிலிருந்து வலதுக்கு மாறிவிடும்.
இவ்வாறு கலையை

மாற்றிக்கொண்டால், அன்றைய பொழுது ஆனந்தமாக இருக்கும்.
கால் மேல் கால்:
ஒரு சிலர் எந்த இடத்தில் அமர்ந்தாலும் கால் மேல் கால் போட்டுக் கொண்டு அமர்ந்து கொள்வதைப் பார்க்கலாம்.
பெரியவர்கள் முன்னிலையில் கால்மேல் கால் போட்டுக் கொண்டு அமரக் கூடாது! அது மரியாதைக் குறைவு என்றெல்லாம் கூறப்பட்டாலும், யார் எதைச் சொன்னாலும் நான் அப்படித்தான் உட்காருவேன் என்று, உட்காருவோரும் இருக்கின்றார்கள்.
வலது காலின் பெரு விரலிலிருந்து சூரிய கலையும், இடது காலின் பெருவிரலில் இருந்து சந்திர கலையும் தொடங்குகிறது என்பதால், வலது காலைச் சூரியனாகவும் இடது காலைச் சந்திரனாகவும் கருதலாம்.
உட்காரும் போது வலது கால் இடது காலின் மீது போட்டுக் கொண்டு அமர்ந்தால் சூரிய ஆற்றல் மிகும். இடது கால் வலது காலின் மீது போட்டுக் கொண்டு அமர்ந்தால் சந்திர ஆற்றல் மிகும்.

எப்போதும் வலது காலை இடது கால் மீது போட்டுக் கொண்டு அமர்கின்றவர்கள் ஆற்றல் மிக்கவர்களாக இருப்பார்கள். இடது காலை வலது கால் மீது போட்டுக் கொண்டு அமர்கின்றவர்கள் சாந்தமானவர்களாக இருப்பார்கள்.
இருக்கையில் அமரும் போது அப்படி அமரலாம். தரையில் அமரும் போது என்ன செய்யலாம்?
தரையில் அமரும் போதும் முதலில் இடது காலை மடக்கிக் கொள்ளவும். அடுத்து வலது காலைத்தூக்கி இடது கால் மீது போட்டுக் கொண்டு அமர்ந்து கொண்டால் சூரிய ஆற்றல் கிடைக்கும்

மேலும்>>>

பத்திரிகையாளர்; பிரெட்ரிகா ஜான்ஸை திட்டிய கோத்தபய.

By.Rajah...அரசும், ஊடகமும், நீதித் துறையும் ராஜபக்ஷே​வின் குடும்பச் சொத்து ஆகிவிட்டது என்ற கொந்தளிப்பு, கடல் கடந்து கேட்கிறது!
பல வழக்குகளில் அரசுக்கு எதிராகத் தீர்ப்​பளித்த நீதிபதி ஷிராணி பண்டார நாயக மீது நாடாளுமன்றத்தில் குற்றத் தீர்மானம், அரசுக்கு எதிரான செய்திகளை எழுதியதற்காக சண்டே லீடர் ஆசிரியர் பிரெட்ரிகா ஜான்ஸ் பதவிப் பறிப்பு போன்ற சம்பவங்கள் இலங்கையைக் கொந்தளிக்க​வைத்துள்ளன.
பிரெட்ரிகா ஜான்ஸ்... சண்டே லீடர் ஆசிரியராக இருந்த லசந்தா விக்ரமதுங்க 2009-ம் ஆண்டு படுகொலை செய்யப்பட்ட பிறகு, ஆசிரியர் ஆனவர் பிரெட்ரிக்கா ஜான்ஸ். ஒரு காலத்தில் சண்டே லீடர் பத்திரிகைக்கு, 'அரசை எதிர்க்கும் அஞ்சாத பத்திரிகை’ என்ற பெயர் இருந்தது. ஆனால் இன்று அந்தப்பெயர் இல்லை. காரணம், அது ராஜபக்ஷே ஆதரவு நிலைக்கு மாறிவிட்டது. அதனால்தான், பிரெட்ரிகா ஜான்ஸ், ஆசிரியர் பதவியில் இருந்து நீக்கப்பட்டார்.
'2009 போரின்போது வெள்ளைக்கொடி ஏந்தி வந்தவர்களை கோத்தபய சுடச்சொன்னார்’, 'தன் மனைவிக்கு கோத்தபய வெளிநாட்டில் இருந்து நாய்க்குட்டி இறக்குமதி செய்தார்’ என்றெல்லாம் செய்திகளை அம்பலத்துக்குக் கொண்டு வந்தவர், பிரெட்ரிகா. இந்தச்செய்திகள் தொடர்பான விளக்கம் கொடுப்பதற்காக பிரெட்ரிகா ஜான்ஸை அழைத்த கோத்தபய, 'நீ மலம் தின்னும் பன்றி; கேடுகெட்ட பத்திரிகையாளர்; மக்கள் உன்னை வெறுக்கிறார்கள்; உன்னைக் கொன்று விடுவார்கள்’ என்று கேவலமாகத் திட்டினார். அதையும் அப்படியே ஆதாரத்தோடு வெளியிட்டவர் ஜான்ஸ்.
இந்த சம்பவத்துக்குப் பிறகு கோத்தபய, அவரைப் பற்றி வெளியான செய்தி தொடர்பாக வழக்குத் தொடர்ந்தார். அதோடு, ராஜபக்ஷேவின் விசுவாசி​யான அசங்க செனிவிரட்னவை வைத்து 2012 செப்டம்பர் மாதம், சண்டே லீடர் பத்திரிகையை விலைக்கு வாங்கி விட்டதாகவும் கூறப்படுகிறது. இதன் தொடர்ச்சியாகவே பிரெட்ரிகா நீக்கப்பட்டார். பின்னர், சண்டே லீடர் நிர்வாகம், கோத்தபய பற்றி வெளியிட்ட செய்திக்காக பகிரங்க மன்னிப்பு கேட்டுக்கொண்டது. 'உங்கள் பாஸ்போர்ட் முடக்கப்​பட்டு நீங்கள் கைது செய்யப்படலாம்’ என்று அவரது வழக்கறிஞர்கள் எச்சரிக்கை செய்தனர். அதனால் உடனே வெளிநாட்டுக்குத் தப்பிச் சென்றார் பிரெட்ரிகா.
எதிர்பார்த்தது போலவே நவம்பர் 7-ம் தேதி பிரெட்ரிகாவைக் கைதுசெய்ய ஆணை பிறப்​பித்தது நீதிமன்றம். விரைவில் நீதிமன்றத்தில் ஆஜராக வேண்டும் என்றும் உத்தரவிட்டு உள்ளது. அவர் கைது செய்யப்பட்டால், அவருக்கு என்ன வேண்டுமானாலும் நிகழலாம் என்ற அச்சத்தில் இருக்கிறார்கள் இலங்கைப் பத்திரிகையாளர்கள்

மேலும்>>>

கைதிகள் கொல்லப்பட்டனர்! அமைச்சர் தகவல் ??

By.Rajah...இலங்கையில் கொழும்பு வெலிக்கடை சிறைச்சாலையில் வெள்ளிக்கிழமை மாலை நடந்த மோதல்களின்போது, ஆயுதங்களை ஒப்படைக்கும்படி விடுத்த வேண்டுகோளை 11 கைதிகளே ஏற்று சரணடைந்தனர் என்றும் மற்றவர்கள் சரணடைய மறுத்து தாக்குதலை தொடர்ந்ததாலேயே இராணுவ கமாண்டோ அணி உள்ளே சென்று தாக்குதல் நடத்தியதாக சிறைச்சாலைகள் விவகார அமைச்சர் சந்திரசிறி கஜதீர நாடாளுமன்றத்தில் தெரிவித்தார்.
இந்த ஆயுத மோதல்களில் 27 கைதிகள் கொல்லப்பட்டனர்.
வெள்ளிக்கிழமை பின்னேரம் வெலிக்கடை சிறைச்சாலைக்குள் தேடுதல் நடத்தச்சென்ற சிறப்பு அதிரடிப்படையினருக்கும் கைதிகளுக்கும் இடையே நடந்த மோதல் பின்னர் ஆயுத மோதலாக மாறியதை அடுத்தே பெரும் உயிரிழப்புகள் ஏற்பட்டன.
சிறையில் இருந்த ஆயுத அறையை உடைத்து துப்பாக்கிகளை எடுத்த கைதிகளுக்கும் படையினருக்கும் இடையில் பல மணிநேரம் பரஸ்பரம் துப்பாக்கித் தாக்குதல்கள் நடந்தன.
சிறைச்சாலை வளாகத்தில் நிலைமை முழுமையாக கட்டுப்பாட்டுக்குள் கொண்டுவரப்பட்டுள்ள போதிலும் இன்னும் தேடுதல் மற்றும் சீரமைப்பு பணிகள் நடந்துவருவதாக அதிகாரிகள் கூறியுள்ளனர்.
சிறைக்கைதிகளின் கைகளில் சிக்கிய 82 துப்பாக்கிகள் மீட்கப்பட்டுள்ளதாகவும் இன்னும் 6 துப்பாக்கிகளை காணவில்லை என்றும் சிறைச்சாலைகள் அமைச்சர் சந்திரசிறி கஜதீர தெரிவித்துள்ளார்.
சிறைக் கைதிகளின் குடும்ப உறவினர்கள் சிறைச்சாலை வளாகத்தில் குவிந்திருந்தனர்.
16 சடலங்கள் மருத்துமனையில்-11 சடலங்கள் சிறை வளாகத்தில் மோதல்களில் கொல்லப்பட்ட 16 பேரின் சடலங்கள் நேற்றிரவு கொழும்பு தேசிய மருத்துவமனைக்கு கொண்டுவரப்பட்டதாக பணிப்பாளர் அனில் ஜாசிங்க பிபிசியிடம் கூறினார்.
மேலும் 11 கைதிகளின் சடலங்கள் வெலிக்கடை சிறை வளாகத்தில் இருந்து மீட்கப்பட்டதாக சிறைச்சாலைகள் ஆணையாளர் நாயகம் தெரிவித்தார்.
காயப்பட்ட 43 பேரில் 23 பேர் கைதிகள், 13 பேர் பொலிஸ் கொமாண்டோக்கள், 4 படைச் சிப்பாய்கள் மற்றும் குறைந்தது ஒருவர் சிறைக்காவலர் என்று கூறிய மருத்துவமனை பணிப்பாளர், 5 பேர் அதிதீவிர சிகிச்சை பிரிவில் இருப்பதாகக் கூறினார்.
ஆட்டோவில் தப்பிச் செல்ல முயன்ற கைதிகளின் மீது துப்பாக்கி சூடு நடாத்தப்பட்டதாக தெரிவிக்கப்பட்டுள்ளது.
இன்று காலை வரையில் நீடித்த தேடுதல்களின்போது தப்பியோடிய கைதிகளில் 6 பேர் கைது செய்யப்பட்டுள்ளனர். மேலும் பலர் கைது செய்யப்பட வேண்டியிருப்பதாக சிறைத்துறை அமைச்சின் மூத்த ஆலோசகர் சதீஸ்குமார் தெரிவித்தார்.
கடந்த ஜனவரி மாதம் நடந்த இதே மாதிரியான ஒரு வன்முறையில் வெலிக்கடை சிறைச்சாலையில் 25 கைதிகளும் 4 சிறைக்காவலர்களும் காயமடைந்தனர்.
2010-ம் ஆண்டிலும் தேடுதல் நடத்தச் சென்ற படையினருடன் நடந்த மோதலில் 50-க்கும் மேற்பட்ட பொலிசாரும் சிறைக்காவலர்களும் காயமடைந்தமை குறிப்பிடத்தக்கது.

மேலும்>>>

போட்டியாக பஞ்சன் லாமாவை களமிறக்கும் சீனத்தலைவர்கள

By.Rajah.திபெத் மீது சீனா ஆதிக்கம் செலுத்துவதை நிறுத்த வலியுறுத்தி, 6 புத்த துறவிகள் தீக்குளித்து தற்கொலை செய்து கொண்டனர். ஆனால், புத்த மதத் தலைவர் தலாய் லாமாவுக்கு போட்டியாக, 22 வயது பஞ்சன் லாமாவை நியமிக்க சீன தலைவர்கள் மும்முரமாக உள்ளனர். இதனால் பதற்றம் ஏற்பட்டுள்ளது. சீனாவின் கட்டுப்பாட்டில் திபெத் உள்ளது. இந்த பகுதியை விடுவிக்க வேண்டும். சுதந்திரமாக வாழ வழிவகை செய்ய வேண்டும் என்று புத்த மதத் தலைவர் தலாய் லாமா தலைமையில் திபெத்தியர்கள் பல ஆண்டுகளாக போராடி வருகின்றனர். மேலும், தங்களுக்குள் ஒரு அரசு அமைத்து செயல் பட்டு வருகின்றனர். இதை அங்கீகரிக்க கோரி சர்வதேச நாடுகளின் ஆதரவை தலாய் லாமா திரட்டி வருகிறார். தற்போது இவர் ஜப்பானில் சுற்றுப் பயணம் மேற்கொண்டுள்ளார். இந்நிலையில் சீனாவின் சிசுவான் மாகாணம் அபா கவுன்டியில் வசித்த 4 புத்த துறவிகள் ஒரே நாளில் தீக்குளித்து தற்கொலை செய்து கொண்டனர். நேற்று 2 பேர் தீக்குளித்து இறந்தனர். 6 பேர் 24 மணி நேரத்தில் தற்கொலை செய்து கொண்டதால் பெரும் பதற்றம் ஏற்பட்டுள்ளது.
பரபரப்பான சூழ்நிலையில், சீன கம்யூனிஸ்ட் தலைவர்களின் மாநாடு பீஜிங்கில் நேற்று நடந்தது. இந்த கூட்டத்தில், அடுத்த அதிபர், பிரதமர் தேர்ந்தெடுக்கப்பட உள்ளனர். அத்துடன், பல்வேறு பிரச்னைகள் குறித்து விவாதித்து முக்கிய முடிவுகள் எடுக்க திட்டமிட்டுள்ளனர். இந்நிலையில், தலாய் லாமாவுக்கு போட்டியாக 22 வயதாகும் பஞ்சன் லாமாவை திபெத் தலைவராக நியமிக்க சீன தலைவர்கள் திட்டமிட்டுள்ளனர். இதனால் மேலும் சர்ச்சை எழுந்துள்ளது. இதுகுறித்து இந்தியாவின் தர்மசாலாவில் இருந்து செயல்படும் மத்திய திபெத் நிர்வாகக் குழுவினர் வெளியிட்ட அறிக்கையில், Ôசீனாவில் 6 துறவிகள் தற்கொலை செய்து கொண்டது உறுதியாகி உள்ளது. சீனாவை கண்டித்து இதுவரை 69 பேர் தீக்குளித்துள்ளனர். அவர்களில் 54 பேர் இறந்துள்ளனர். இப்போது தலாய் லாமாவுக்கு பதிலாக பஞ்சன் லாமா என்பவரை நியமிக்க சீன அரசு திட்டமிட்டுள்ளது கண்டிக்கத்தக்கதுÕ என்று தெரிவித்துள்ளது.
பெய்ன்கன் எர்டினி என்ற 22 வயதாகும் பஞ்சன் லாமாவை, சீன அரசு தலாய் லாமாவுக்கு போட்டியாக கடந்த ஆண்டு அரசியலுக்கு இழுத்து வந்தது. இவரும் சீன அரசுக்கு ஆதரவாக டிவிக்களில் பேட்டி அளித்து பரபரப்பை ஏற்படுத்தினார். இந்நிலையில், சீன தலைவர்களின் மாநாட்டின் தொடக்க நிகழ்ச்சியிலும் பங்கேற்றார். இதனால் பதற்றம் அதிகரித்துள்ளது.

மேலும்>>>

உடற்பயிற்சி செய்தால் அவர்கள் மார்பகம் எடுப்பாக

           

 

10.11.2012.By.Rajah.உடற்பயிற்சியின்போது நம் உறுப்புகள் நம் கட்டுப்பாட்டிற்குள் இயங்குகின்றன, அதனால் உடலுக்கு நலமும் பலமும் வளமும் மிகுதியாக கிட்டுகின்றன.

பெண்கள் உடற்பயிற்சி செய்தால் அவர்கள் மார்பகம் எடுப்பாக அமையும். இடை குறுகலாகவும், உடலில் பொலிவூட்டும் நிறம் அமையும். கண்களின் ஒளி மிகும். குரல் இனிமையாக, எடுப்பாக இருக்கும். செயலாற்றக் கூடிய சக்தியை உடல் பெறும். உடல் தசைகள் உருண்டு திரண்டு செழுமையுறும்; உள்ளூறுப்புகள் தூய்மைபட்டு வலிமை பெறும். நரம்புகள் வலிமை பெறும்; தொடைத் தசைகளும் கெண்டை கால்களும், தசைகளும் சீர்பட்டு ஒழுங்காகும்.

கை, கால், கணுக்கால், மார்பகம், இடுப்பு ஆகிய இடங்களில் தேவையான அளவு தசைகள் அமையும். கன்னத்திலே தொங்குகின்ற தசை, தோல்களிலே கனத்து தடித்திருக்கின்ற தசை, விலா எலும்புகளுக்குக் கீழே விரிந்து வளர்ந்து அடர்ந்திருக்கின்ற தசை ஆகியன மறையும். ஊளைச் சதையை ஒழிப்பது போலவே ஒல்லியாய் இருப்பவரின் உடலில் போதுமான தசைகள் அமைய உடற்பயிற்சி உறுதுணை செய்யும். உடல் எடை அளவோடு அமையும்.

மூங்கிலைப் போன்ற உருண்டு திரண்ட தோள்கள் உருவாகும்; நடையில் நளினம் மலச்சிக்கலைத் தவிர்க்கும். மனத்தை மகிழ வைக்கும்; சுறுசுறுப்போடு இயங்கும் ஆற்றலையும், ஆரோக்கியத்தையும் தரும். இரத்த ஒட்டத்தை பெருக்கி உடலை வளம் பெறச் செய்யும். அடிக்கடி ஏற்படும் தலைவலி அறவே நீங்கும்.

இத்தனைக்கும் மேலாக எடுப்பும், சிறப்பும் மிகுந்த உடலமைப்பைத் தந்து, வாழ்வின் இன்பத்தை அனுபவிக்கத் தூண்டும்; நல்ல உடலில் நல்ல மனம் என்பார்கள், அந்த நல்ல மனம் அமைய வழி வகுக்கும். முத்தான மூன்று பயிற்சிகள் இதோ!

பயிற்சி 1

ஓரடி அகளம் இடைவெளி இருக்குமாறு கால்களை விறைப்பாக வைத்து, இடுப்பின் இருபுறமும் இருகைகளையும் ஊன்றி நிமிர்ந்து நிற்க வேண்டும். மூச்சை நன்றாக உள்ளே இழுக்கவும், சற்று நேரம் கழித்து மூச்சினை வெளியே விட வேண்டும். இவ்வாறு 15 முறை செய்ய வேண்டும்.

பயிற்சி 2

முதல் பயிற்சியை போல் நிற்கும் நிலையில் மூச்சை நன்றாக உள்ளே இழுத்துக் கொள்ளவேண்டும். கால்களை உயர்த்தி, முன் பாதங்களில் நிற்க வேண்டும். சற்று நேரம் கழித்து முன் நிலைக்கு வந்து மூச்சை விட வேண்டும். இவ்வாறு 15 முறை செய்ய வேண்டும். பயிற்சி

பயிற்சி 3

முதல் பயிற்சியை போல் இருகைகளையும் தொடையின் பக்கவாட்டில் தொங்க வேண்டும். மூச்சை நன்றாக உள்ளே இழுத்துக் கொள்ள வேண்டும். கைகளை பக்கவாட்டில் தோள் அளவுக்கு உயர்த்த வேண்டும். சற்று நேரம் கழித்து முன் நிலைக்கு வந்து மூச்சை விட வேண்டும். இவ்வாறு 15 முறை செய்ய வேண்டும்.

இவ்வாறு 20 முறை செய்ய வேண்டும். மூச்சை இழுக்கும் முக்கியத்துவத்தை அறிவோம் அதனை முறையாக கற்று கொள்ளப் பயிற்சிகளைத் தெரிந்து கொள்ளவேண்டும். நிமிர்ந்த மார்பு வாய்க்கும். மார்பகங்கள் செழிப்பாய் இருக்கும் . இடை குறுகும், தோல் அழகிய நிறம் பெறும். கண்கள் ஒளியுடன் திகழும். உடலுக்கு மிகுந்த சக்தி கிட்டும்.

ஆகவே, பயிற்சியை செய்யும் போது மூச்சை இழுத்துவிட வெளிவிடுகின்ற முறையைச் சரிவரக் கற்றுக் கொள்ள வேண்டும்

மேலும்>>>