இந்திய பாட்மின்டன் வீராங்கனை சிந்து, 17. சமீபத்தில் நடந்த சீன பாட்மின்டன் தொடரின் அரையிறுதியில் ஒலிம்பிக்கில் தங்கம் வென்ற சீன வீராங்கனையான லீ சியூரியை வீழ்த்தி அதிர்ச்சி அளித்தார். அதன் பின் ஜப்பானில் நடந்த ஜூனியர் உலக பாட்மின்டன் சாம்பியன்ஷிப் தொடரில் வலது முழங்கால் காயம் காரணமாக பங்கேற்வில்லை. இந்திய பாட்மின்டன் வீராங்கனையான செய்னா நேவலுக்கு பின் சிந்து மீது அதிக எதிர்பார்ப்பு ஏற்பட்டுள்ளது.
இது குறித்து சிந்து கூறுகையில்,""ஹாங்காங் மற்றும் சீன ஓபன் பாட்மின்டன் தொடர்களில் தற்போது பங்கேற்கவுள்ளேன். இத்தொடரில் சிறப்பாக செயல்பட திட்டமிட்டுள்ளேன். இதற்கான பயிற்சியும் சிறப்பான முறையில் மேற்கொண்டுள்ளேன். நிச்சயம் 100 சதவீதம் வெற்றி பெற முயற்சிப்பேன்.
செய்னாவிற்கு அடுத்தபடியாக என்னை குறிப்பிடுவதை பெருமையாக நினைக்கிறேன். ஒவ்வொரு முறை சர்வதேச போட்டிகளில் பங்கேற்கும் போது ஒரு புது அனுபவம் கிடைக்கிறது. பாட்மின்டனில் சீன வீராங்கனைகள் வல்லவர்கள். அவர்களை எளிதாக வெல்ல முடியாது,''என்றார்
0 comments:
கருத்துரையிடுக