நல்லூர்க் கந்தன் ஆலய தேர்த்திருவிழாவில் பல்லாயிரம் அடியார்கள் பங்கேற்பு

16.08.2012

நல்லூர்க்கந்தன் ஆலய தேர்த்திருவிழாவில் யாழ். குடா நாட்டின் பல பகுதிகளிலிருந்தும் பல்லாயிரம் அடியார்கள் கலந்துகொண்டார்கள்.

ஆலய வெளிவீதி சனசமுத்திரம் போல காட்சியளித்ததோடு ஆலய சுற்றாடல் முழுவதும் வாகனங்களினால் நிறைந்து காணப்பட்டதாக எமது செய்தியாளர் தெரிவிக்கின்றார்.

பொலிஸார் சீருடையிலும் சிவில் உடையிலும் கடமையில் ஈடுபட்டிருந்தார்கள். ஆலய சுற்றாடலில் இம்முறை முதல் தடவையாக மாணவர் படையணியினர் தண்ணீர் பந்தல் அமைத்து அடியவர்களுக்கு தாக சாந்தி அளித்தார்கள். காலை 7.15 மணியளவில் தேர் இருப்பிடத்திலிருந்து புறப்பட்டு வீதியுலா வர சுமார் இரண்டு மணித்தியாலங்கள் சென்றன.

தேரில் சுவாமி வெளிவீதியுலா வந்தவேளையில் பலாலி இராணுவ முகாமிலிருந்து வந்த உலங்கு வானூர்தியிலிருந்து பூக்களை மாரியாக தேரின் மீது தூவி படையினர் வழிபட்டமையும் குறிப்பிடத்தக்கது.

அடியார்கள் அங்கப்பிரதட்சை, கற்பூரச்சட்டி, பாற்செம்பு, தூக்குக்காவடிகள் எடுத்து தமது நோர்த்திக்கடன்களை நிறைவேற்றினார்கள்.

மேலும்>>>

கொழும்பில் தமிழ் வர்த்தகர் ஒருவர் கடத்தப்பட்டுள்ளார்

வியாழக்கிழமை, 16 ஓகஸ்ட் 2012,

 

கொழும்பு ஆமர் வீதியைச் சேர்ந்த பிரபல வர்த்தகர் ஒருவர் வெள்ளை வானில் சென்ற இனந்தெரியாதவர்களினால் கடத்திச் செல்லப்பட்டுள்ளார்.

கொழும்பு துறைமுகத்தில் ஏலத்தில் வெள்ளைப்பூண்டு கொள்கலன் ஒன்றை கொள்வனவு செய்த வர்த்தகரே இவ்வாறு கடத்திச் செல்லப்பட்டுள்ளார்.
கடத்தப்பட்ட தமிழ் வர்த்தகரை விடுதலை செய்ய ஐம்பது லட்ச ரூபா கப்பம் கோரப்பட்டுள்ளது. எனினும் கப்பமாக கோரப்பட்ட பணத்தில் ஏற்கனவே 30 லட்ச ரூபா வழங்கப்பட்டுள்ளது.
இந்த சம்பவம் தொடர்பில் பொலிஸார் விரிவான விசாரணைகளை ஆரம்பித்துள்ளனர்.
வெள்ளைப்பூண்டு கொள்கலனை 15 லட்ச ரூபாவிற்கு குறித்த வர்த்தகர் ஏலத்தில் கொள்வனவு செய்துள்ளார்.
இவ்வாறு துறைமுகத்தில் ஏலத்தில் கொள்வனவு செய்யப்படும் பொருட்கள் மீள் ஏலத்தில் விட வேண்டியது கட்டாயப்படுத்தப்பட்டுள்ளது.
பாதாள உலகக் குழுவினர் இவ்வாறு மீள் ஏலத்தை நடத்தி வருகின்றனர். மீள் ஏலத்தில் பொருட்களை கொள்வனவு செய்வோரே அவற்றைப் பெற்றுக்கொள்ள முடியும். மீள் ஏலத்தில் ஈட்டப்படும் வருமானத்தை பாதாள உலகக் குழுவினர் பெற்றுக் கொள்வர்.
மாளிகாவத்தை போதிராஜா மாவத்தைக்கு அருகாமையில் வெள்ளைப்பூண்டு கொள்கலன் மீள் ஏலம் நடைபெற்றுள்ளது. இந்த ஏலத்திலும் குறித்த தமிழ் வர்த்தகரே அந்த வெள்ளைப்பூண்டு கொள்கலனைப் பெற்றுக் கொண்டுள்ளார்.
அதற்காக அவர் ஏழரை லட்ச ரூபா மேலதிகமாக ஏலம் கோரியுள்ளார். ஏழரை லட்ச ரூபா பணம் கையில் இல்லாத காரணத்தினால் பணத்தை எடுத்து வரச் சென்ற போது இனந்தெரியாத நபர்கள் கடத்தியுள்ளனர்.
கடத்தப்பட்ட வர்த்தகர் கப்பத் தொகையை குறைக்குமாறு விடுத்த கோரிக்கையை கடத்தல்காரர்கள் ஏற்றுக் கொண்டுள்ளனர்.
இதன்படி, குறித்த கப்பத் தொகை செலுத்தப்பட்டதனைத் தொடர்ந்து வர்த்தகர் விடுதலை செய்யப்பட்டுள்ளார்.
கடத்தலில் ஈடுபட்டோர் அடையாளம் காணப்பட்டுள்ளதாகத் தெரிவிக்கப்படுகிறது

மேலும்>>>

திருகோணமலை ஆண்டான்குளம் பகுதியில் நில அபகரிப்பிற்கு எதிராக ஆர்ப்பாட்டம்

வியாழக்கிழமை, 16 ஓகஸ்ட் 2012,


திருகோணமலை ஆண்டான்குளம் பகுதியில் உள்ள மக்கள், திட்டமிட்டு தமது நிலங்கள் அபகரிக்கப்படுவதற்கு எதிராக நடவடிக்கை எடுக்குமாறு கோரி ஆர்ப்பாட்டம் ஒன்றை நடத்தியுள்ளனர்.

மிகந்தபுர சந்தியில் இந்த ஆர்ப்பாட்டம் இடம்பெற்றது. குறிப்பிட்ட சில குழுவினரால் போலியான காணி உறுதிப்பத்திரங்கள் தயாரிக்கப்பட்டு, தங்களது சொந்த நிலங்கள் அபகரிக்கப்பட்டு வருவதாக அவர்கள் தெரிவித்துள்ளனர்.

இந்த நிலையில், இதற்கு எதிராக நடவடிக்கை எடுக்க ஜனாதிபதி மகிந்த ராஜபக்ஸ முன்வர வேண்டும் என அவர்கள் கோரிக்கை விடுத்துள்ளனர்.

இதற்கு தவறும் பட்சத்தில், சாகும் வரையில் உண்ணாவிரத போராட்டத்தை நடத்தவிருப்பதாகவும் அவர்கள் எச்சரித்துள்ளனர். இந்த பகுதியில் 154 குடும்பங்கள் வசிக்கின்றன.

இந்த நிலையில் இந்த பகுதியில் தமது காணிகள் உள்ளன என்பதற்கு ஆவனங்கள் இருப்பதாகவும் அவர்கள் தெரிவித்துள்ளனர்.

மேலும்>>>

தண்டப்பணம் செலுத்த முடியாத நிலையில் 15,000 சிறைக் கைதிகள்!

வியாழக்கிழமை, 16 ஓகஸ்ட் 2012,


இலங்கையில் தண்டப்பணம் செலுத்த முடியாத 15 ஆயிரத்துக்கும் அதிகமானவர்கள் சிறைவாசம் அனுபவிப்பதாக தெரிவிக்கப்படுகிறது.

சிறைச்சாலைகள் துறை அதிகாரி ஒருவர் இதனைத் தெரிவித்துள்ளார். கடந்த வருடம் பல்வேறு சிறு குற்றங்களுக்காக நீதிமன்றத்தினால் தண்டப்பணம் விதிக்கப்பட்டவர்கள் பலரால் அதனை செலுத்தமுடியவில்லை.

அவ்வாறான 15, 336 பேர் சிறையில் அடைக்கப்பட்டுள்ளனர். இது சிறையில் உள்ள மொத்த கைதிகளில் அறைவாசி பங்கு என தெரிவிக்கப்படுகிறது.

இவ்வாறான குற்றச்சாட்டின் கீழேயே இலங்கையில் அதிகமான சிறைக்கைதிகள் சிறையில் இருப்பதாகவும் சுட்டிக்காப்பட்டுள்ளது.

மேலும்>>>

இலங்கைக்கு பயணம் செய்யும் பிரித்தானியக் குடிமக்களுக்கு புதிய எச்சரிக்கை

வியாழக்கிழமை, 16 ஓகஸ்ட் 2012

இலங்கைக்கு பயணம் செய்யும் தமது நாட்டுக் குடிமக்களுக்கு பிரித்தானியா, மிகவும் அவதானமாக இருக்கும்படி புதிய பயண எச்சரிக்கை ஒன்றை விடுத்துள்ளது.

இந்தப் பயண எச்சரிக்கைக் குறிப்பில் மேலும் குறிப்பிடப்பட்டிருப்பதாவது,
விடுதலைப் புலிகளுக்கு எதிரான போர் 2009 மே மாதம் முடிவுற்றாலும், இலங்கயில் தேசியவாதம் எழுச்சி கண்டுள்ளது. இதன்விளைவாக, மேற்குலக எதிர்ப்பு- குறிப்பாக பிரித்தானிய எதிர்ப்பு வாதம் வலுவடைந்துள்ளது.

இது பிரித்தானியத் தூதரகம் மற்றும் ஏனைய இராஜதந்திர சுற்றுப்புறங்களில் எதிர்ப்பு வன்முறை போராட்டங்களுக்கு இட்டுச் சென்றுள்ளது. இந்தப் போராட்டங்கள் பொதுவான பிரித்தானிய சமூகத்தை நோக்கியதாக இருந்தாலும், நீங்கள் மிகவும் அவதானமாக இருக்க வேண்டும்.
போராட்டங்கள் நடைபெறும் பகுதிகளைத் தவிர்க்க வேண்டும்.
விடுதலைப் புலிகள் 2009 மே மாதம் தோற்கடிக்கப்பட்டு விட்ட போதும்,இலங்கை அரசாங்கம் பரந்தளவிலான தீவிரவாத எதிர்ப்பு அதிகாரங்களைப் பயன்படுத்துவதுடன், சோதனைச்சாவடிகள் உள்ளிட்ட பாதுகாப்பு நடவடிக்கைகளையும் அதிகரித்துள்ளது.
அதிகளவிலான இராணுவத்தினர் நாடுமுழுவதிலும் நிலை கொண்டுள்ளனர் என தெரிவிக்கப்பட்டுள்ளது

மேலும்>>>

குறைந்த விலையில் இனி எச்.ஜ.வி நோயிலிருந்து விடுதலை பெறலாம்

16.08,2012.எச்.ஜ.வி(HIV) நோய் குறித்து பேசல்(Basel) பல்கழைக்கழகம் தற்போது ஆய்வு ஒன்றை நிகழ்த்தியுள்ளது. இந்த ஆய்வில் புதிதாக கண்டுபிடிக்கப்பட்ட பல்வேறு சேர்க்கைகள் அடங்கிய மருந்துக்களை நோயாளிகளின் சிகிச்சைக்கு பயன்படுத்துவதால், நோய்கள் சமநிலையில் குணமடைந்து வருவதாக தெரிவித்துள்ளன.
எச்.ஜ.வி வைரசினால் பாதிக்கப்பட்டவர்கள், நோயிலிருந்து 90சதவீதம் குணமடைந்திருப்பதாக ஆய்வின் முடிவுகள் தெரிவிக்கின்றன.
எச்.ஜ.வி நோயினால் பாதிக்கப்பட்ட 2005 முதல் 2009 ஆண்டு வரை உள்ள 16000 நோயாளிகள் இந்த ஆய்விற்காக தேர்ந்தெடுக்கப்பட்டனர். இவர்களில் மது அருந்தியவர்கள், போதைக்கு அடிமையானவர்கள், கல்லீரல் பாதிக்கப்பட்டவர்கள் என எச்.ஜ.வி நோயுடன் சேர்த்து மற்ற நோய்களால் பாதிக்கப்பட்டவர்கள் இதிலிருந்து நீக்கப்பட்டனர். முற்றிலும் எச்.ஜ.வி வைரசினால் பாதிக்கப்பட்ட நோயாளிகள் என 1957 பேர் மட்டும் ஆய்விற்கு பயன்படுத்தப்பட்டனர்.
தேர்ந்தெடுக்கப்பட்ட நோயாளிகளுக்கு முதலில் ரெட்ரோ வைரஸ்(antiretroviral therapy) சிகிச்சை அளிக்கப்பட்டது. இந்த சிகிச்சை சுவிஸ்சட்லாந்தில் தேர்ந்தெடுக்கப்பட்ட ஏழு பல்கழைக்கழகங்களான பேசல், பெர்ன், ஜெனிவா, லாசென், லுகான்னோ, செட் கெலென் மற்றும் சூரிக்ச் (Basel, Bern, Geneva, Lausanne, Lugano, St Gallen and Zurich) ஆகிய இடங்களில் ஆய்வு மேற்கொள்ளப்பட்டது.
ஆய்வின் முடிவில் நோயிலிருந்து 90 சதவீதம், அனைத்து நோயாளிகளும் குணமடைந்திருப்பதாக சர்வதேச மருத்துவ காப்பகம் சமீபத்தில் வெளியிட்ட அறிக்கையில் தெரிவித்துள்ளது.
ஆய்வின் தலைவர் பேட்டிகே (Manuel Battegay) கூறுகையில், முந்தைய ஆய்வுகளை விட தற்போதைய ஆய்வு நல்ல பலனை தந்திருப்பதாக தெரிவித்துள்ளார். மேலும் அதிக விலை கொடுத்து வாங்கும் மருந்துக்களின் அதே பலனை இந்த பல்வேறு சேர்க்கைகள் அடங்கிய மருந்துக்கள் குறைந்த விலையில் தருகின்றன.
இதனால் அனைத்து வகுப்பினராலும் மருந்துகளை வாங்கவும் நோயிலிருந்து குணமடையவும் இந்த ஆய்வு உதவுகிறது என தெரிவித்துள்ளார்

மேலும்>>>

ஆவர்த்தன அட்டவணை தரப்படாத இரசாயனவியல் வினாப் பத்திரம்

15.08.2012.இன்றுகாலை நடைபெற்ற உயர்தர விஞ்ஞானப்பிரிவின் புதிய பாடத்திட்டத்திற்கான இரசாயனவியல் பாடத்தின் முதலாம் பகுதி வினாப் பத்திரத்தில் ஆவர்த்தன அட்டவணை தரப்படும் என அறிவுறுத்தல் கொடுக்கப்பட்டுள்ள போதும் ஆவர்த்தன அட்டவணை
தரப்படவில்லை என மாணவர்கள் தெரிவிக்கின்றனர்.
இதே வேளை இந்தப் பிரிவில் சிங்கள மொழிமூல வினாப் பத்திரத்தில் ஆவர்த்தன அட்டவணை
தரப்பட்டுள்ளதாகவும் மாணவர்கள் தெரிவிக்கின்றனர்.

மேலும்>>>

பெண்களுக்கு தேவையான அத்தியாவசிய உணவுகள்

15-08-2012.ஆரோக்கியமான பெண்களால் தான் ஆரோக்கியமான சந்ததியை உருவாக்க முடியும். ஆனால் இன்றைக்கு பெரும்பாலான பெண்கள் ஊட்டச்சத்துள்ள உணவு கிடைக்காத காரணத்தினால் நீரிழிவு, இதயநோய், ரத்த சோகை போன்றவைகளுக்கு ஆளாகின்றனர். சரிவிகித சத்துள்ள உணவுகளை உட்கொண்டாலே பெரும்பாலான நோய்களை தவிர்த்து விடலாம்.
குடும்பத்தை பற்றிய சிந்தனையாலும், பணிச் சூழலாலும் பெண்களுக்கு தங்களுடைய ஆரோக்கியத்தில் கவனம் செலுத்த முடியாமல் போய்விடுகிறது.
கரோட்டினாய்டு உணவுகள்
பெண்கள் உண்ணும் உளவில் கரோட்டினாய்டு சத்துக்கள் அவசியம் இருக்குமாறு பார்த்துக் கொள்ள வேண்டும். மஞ்சள், ஆரஞ்சு நிற காய்கறி பழங்களில் கரோட்டினாய்டுகள் காணப்படுகின்றன. இந்த உணவுகள் பெண்களுக்கு மார்பக, கர்ப்பப்பை புற்றுநோய் ஏற்படுவதை தடுக்கும்.
ஒமேகா 3 உணவுகள்
பெண்கள் அன்றாடம் உண்ணும் உணவில் ஒமேகா 3 கொழுப்பு அமிலங்கள் அடங்கிய சால்மன், நெத்தலி, கானாங்கெளுத்தி, நெத்திலி மற்றும் மத்தி உள்ள அனைத்து வகை மீன்களையும் உட்கொள்ளலாம்.
மீன் தவிர, சோயாபீன்ஸ், வால்நட், பூசணி விதை, கனோலா எண்ணெய், ஆளிவிதை மற்றும் அதன் எண்ணெய் போன்றவற்றையும் உட்கொள்ளலாம்.
இதன் மூலம் இதயநோய்கள், முடக்குவாதம் போன்றநோய்கள் ஏற்படாமல் தடுக்கலாம். வால் நட் அதிக ஆன்டி ஆக்ஸிடென்ட்களை கொண்டுள்ளது. இதில் உள்ள ஒமேகா 3 கொழுப்பு அமிலம் மார்பகப் புற்றுநோய் ஏற்படாமல் பாதுகாக்கிறது. எலும்புகளின் ஆரோக்கியத்தை பாதுகாப்பதோடு, மனஅழுத்தம் ஏற்படாமல் தடுக்கிறது.
அத்திப்பழம், பால்
அத்திப்பழம் எண்ணற்ற தாதுச் சத்துக்களையும், வைட்டமின்களையும் கொண்டுள்ளது. இது ரத்தத்தில் உள்ள ஹீமோகுளோபின் அணுக்களை அதிகரிக்கிறது. இரும்புச்சத்து, கால்சியம் சத்து போன்ற சத்துக்கள் சரிவிகிதமாக கிடைக்கச் செய்கின்றன. எனவே வாரம் இருமுறையாவது அத்திப்பழத்தை உணவில் சேர்த்துக் கொள்ள வேண்டும்.
அதேபோல் பெண்கள் தினசரி இருவேளை பால் உட்கொள்ள வேண்டும். பாலில் கால்சியம் சத்து அடங்கியுள்ளது. வைட்டமின் டி சத்தும் தேவையான அளவு கிடைப்பதால் எலும்பு தேய்மான நோய் ஏற்படுவதில் இருந்து தடுக்கிறது.
ஓட்ஸ், தக்காளி
ஓட்ஸ் உணவில் பெண்களின் ஆரோக்கியத்திற்குத் தேவையான பெரும்பாலான சத்துக்கள் அடங்கியுள்ளன. இது இதய ஆரோக்கியத்திற்கு ஏற்றது. இதில் வைட்டமின் பி6, போலிக் அமிலம் ஆகியவை அடங்கியுள்ளன. பெண்களுக்கு உயர்ரத்த அழுத்தம் ஏற்படாமல் தடுப்பதோடு பிஎம்எஸ் எனப்படும் மாதவிடாய் கால சிக்கல்கள் ஏற்படாமல் பாதுகாக்கிறது.
கீரைகளில் எண்ணற்ற வைட்டமின்களும், தாது உப்புக்களும் அடங்கியுள்ளன. இதில் உள்ள மெக்னீசியம் பெண்களுக்கு பி.எம்.எஸ் சிக்கல் ஏற்படாமல் தடுக்கிறது. உடல் பருமன் ஏற்படுவதை தடுக்கிறது. எனவே தினசரி உணவில் பெண்கள் கீரையை உட்கொள்ள வேண்டும்.
தக்காளியில் உள்ள லைகோபீன் பெண்களுக்கு மார்பகப் புற்றுநோய் ஏற்படாமல் தடுக்கிறது. இது மிகச்சக்தி வாய்ந்த ஆன்டி ஆக்ஸிடென்ட்களை கொண்டுள்ளது.
இது இதயநோய் ஏற்படுவதில் இருந்து பாதுகாக்கிறது. பெண்கள் அன்றாட உணவில் தக்காளியை அவசியம் சேர்த்துக் கொள்ள வேண்டும்

மேலும்>>>

ஆண்களே 5 மணி நேரமாச்சும் தூங்கிருங்க இல்லண்ணா ஆப்புதான்…!!

15.08-2012.இளைஞர் ஒருவர், நாளொன்றுக்கு ஐந்து மணி நேரத்திற்கும் குறைவாக தூங்கினால் அவரது பாலியல் உணர்வை தூண்டும் பிரதான ஹார்மோனின் அளவு குறைந்துவிடும் என்று ஆய்வு ஒன்றில் தெரியவந்துள்ளது. அதுவும் நாளொன்றுக்கு ஐந்து மணி நேரத்திற்கும் குறைவாக தூங்கும்போது, ஒரு வார காலத்திற்குள்ளாகவே இந்த பாதிப்பை உணரலாம் என்கிறது அந்த ஆய்வு.

ஆண்களின் பாலியல் உணர்வுக்கு முக்கிய ஆதாரமாக விளங்குவது ஹார்மோன்கள்தான். இந்த ஹார்மோன் குறிப்பிட்ட அளவு இருந்தால்தான் பாலியல் உணர்வு தூண்டப்படும். அவ்வாறு பாலியல் உணர்வை தூண்டுவதற்கு ஆதாரமாக விளங்கும் ஹார்மோன் அளவை ‘டெஸ்ட்டாஸ்ட்டுரோன்’ என்று அழைக்கிறார்கள். இந்த டெஸ்டோஸ்டெரோன் அளவுக்கும், சக்தி குறைவு, விறைப்பு தன்மை குறைதல், கவனக்குறைவு மற்றும் சோர்வடைதல் ஆகியவற்றுக்குமிடையே தொடர்பு இருப்பதாக ஆய்வு கூறுகிறது.
மேலும் உடல் பலம், தசைகள் மற்றும் எலும்பு வலுவடைதல் ஆகியவற்றிலும் இந்த ‘டெஸ்ட்டாஸ்ட்டுரோன்’ முக்கிய பங்காற்றுவதாக இந்த ஆய்வுக் குழுவில் இடம்பெற்ற ஈவ் வான் என்ற மருத்துவ துறை பேராசிரியர் தெரிவித்துள்ளார். ஈவ் வான் உள்ளிட்ட சிகாகோ பல்கலைக் கழகம் சார்பில் மேற்கொண்ட ஆய்வில்தான் இந்த விவரம் தெரியவந்துள்ளது. அந்த பல்கலைக் கழக வளாகத்தில் இருந்த 10 பேர் இந்த ஆய்வுக்கு உட்படுத்தப்பட்டனர். சராசரியாக 24 வயது கொண்ட இவர்கள், நல்ல ஆரோக்கியத்துடனும், ஒல்லியான தேகத்துடனும், பலவித உடல் பரிசோதனைகளும், உளவியல் பரிசோதனைகளுக்கும் உட்படுத்தப்பட்டனர்.
அதன் பிறகு இவர்கள் மூன்று நாட்களுக்கு இரவில் 10 மணி நேரம் வரை தூங்க வைக்கப்பட்டனர். அதன் பின்னர் எட்டு நாட்களுக்கு 5 மணி நேரத்திற்கும் குறைவாகவே தூங்க அனுமதிக்கப்பட்டனர். ஆய்வின் ஒவ்வொரு நாளின்போதும், 24 மணி நேரத்திற்கும் ஒவ்வொரு 15 முதல் 30 நிமிடங்களுக்கும் அவர்களது ரத்த மாதிரி சோதனைக்கு உட்படுத்தபட்டது. இதில் குறைவாக தூங்கியதற்கு பிற்கு இவர்களது ’டெஸ்ட்டாஸ்ட்டுரோன்’ அளவு குறைந்திருப்பது ஆய்வில் தெரியவந்ததாக சொல்லும் ஈவா வான், உடல் மற்றும் மனம் சுறுசுறுப்பு குறைவதற்கும், டெஸ்டோஸ்டெரோன் அளவு குறைதலுக்கும் தொடர்பு இருப்பதால்,தூக்கமின்மை நிச்சயம் பாலியல் உணர்வை பாதிக்கும் என்று அடித்துக் கூறுகிறார்

மேலும்>>>

நீங்கள் தனியாக இருக்கும் போது “பீல்” பண்றீங்களா…? சூடா குளிங்க!!

15.08.2012.தனியாக இருப்பதாக உணர்பவர்கள் வெந்நீரில் சூடாக ஒரு குளியல் போட்டால் தனிமை தரும் வேதனைகள் பறந்து போய் விடும் என்கிறது சமீபத்திய ஆய்வு முடிவு ஒன்று. தனிமையால் தவித்தவர்களுக்கு ஆறுதல் கூறும் வகையில் வந்துள்ளது இந்த ஆய்வு முடிவு.

தனிமையிலே இனிமை காண முடியுமா என்பது தெளிவான பதிலே தெரியாத கேள்வி. பலருக்கு தனிமைதான் இனிமை, சிலருக்கோ தனிமை பெரிய எதிரி. தனிமை என்பது கொடுமையானது. துணையுடன் வசித்தவர்கள் திடீரென யாரும் இல்லை என்ற நிலைக்குத் தள்ளப்படும் போது புழுங்கிப் போய்விடுவார்கள். அப்படிப்பட்டவர்கள் சூடான குளியல் போட்டால் தனிமை தரும் வேதனைகள், விரக்திகள், வெறுப்பு, புழுக்கம் போய் விடும் என்கிறது அந்த ஆய்வு முடிவு.
புத்துணர்ச்சி ஏற்படும்
இதுதொடர்பாக 18 வயது முதல் 65 வயது வரை ஆண், பெண்களைக் கொண்டு ஆய்வு நடத்தப்பட்டது. அதில், சூடான குளியலுக்கு உட்படுத்தப்பட்டவர்களுக்கு தனிமையின் வேதனை பெரிதாக தெரியவில்லை என்றும் மாறாக புத்துணர்ச்சியுடன் காணப்பட்டதாகவும் தெரிவித்தனர். அதேசமயம், சூடான குளியலைப் போடாதவர்கள் எதையோ பறி கொடுத்தவர்களாக காணப்பட்டனராம்.
குளியல் சுக அனுபவம்
சூடான குளியல் மூலம் மன ரீதியாக தனிமை உணர்வு மட்டுப்படுவதாக ஆய்வை மேற்கண்டவர்கள் தெரிவித்துள்ளனர். குறிப்பாக பெண் துணை இல்லாமல் தனிமையில் இருப்பவர்களுக்கு விரக்தியும், ஒரு வித புழுக்கமும் அதிகம் இருக்கும். அதேபோன்ற நிலைதான் ஆண் துணை இல்லாமல் தவிக்கும் பெண்களுக்கும் இருக்குமாம். இப்படிப்பட்டவர்களுக்கு சூடான குளியல் சுகானுபவமாக இருக்குமாம். மேலும் அவர்களை விட்டு வேதனைகளைப் போக்க இது நல்ல உபாயமாகும் என்கிறார்கள் இந்த ஆய்வை மேற்கொண்டவர்கள்.
இதேபோல் அமெரிக்காவில் நடந்த மற்றொரு ஆய்விலோ சுடு நீரில் குளித்தால் சுகமாகும் என்ற புதிய முடிவைத் தெரிவித்துள்ளனர்.
நம் பழக்கத்திற்கு நேர் எதிர்
இந்த ஆய்வு முடிவு நமது ஊரில் காலம் காலமாக நிலவும் பழக்கத்திற்கு நேர் எதிராக உள்ளது. நமது ஊர்களிலெல்லாம் பாலியல் உணர்வுகளால் தூண்டப்படும், தனிமையில் தவிக்கும் ஆண்களும் சரி, பெண்களும் சரி குளிர்ந்த நீரில் குளிப்பதன் மூலம் அதைத் தணிக்க முடியும் என்ற பொதுவான நம்பிக்கையும், பழக்கமும் இருந்து வருகிறது குறிப்பிடத்தக்கது.
நம்மூரில் ‘அப்படியாப்பட்ட’ சூழ்நிலையில் இருப்பவர்கள் ‘ஜில்’லென்று குளியல் போடுவார்கள், இவர்கள் சுடுநீரில் குளிக்கச் சொல்கிறார்கள்…அது சரி ஒவ்வொரு ஊருக்கும் ஒரு ஃபீலிங்ஸ்…!

மேலும்>>>