ஸ்நுபா சுழியோட்டத்தை திருகோணமலை சாயா புளூ வரை கொண்டுவந்துள்ள மரகூஸ்

22.07.2012.விளையாட்டுகளில் சாதனை படைப்பதில் முன்னோடிகளான இலங்கை ‘மங்கூஸ் அட்வென் சர்ஸ்' அமைப்பினர் ஸ்நூபாவை திருகோணமலைக்கு அறிமுகம் செய்து கிழக்கின் சுற்றுலாப் பயணிகளுக்கு பரபரப்பூட்டும் புதிய அனுபவமொன்றினை தொடக்கி வைத்துள்ளனர். Snorlding இதற்கும் ஸ்கியூபா சுழியோட்டத்திற்குமிடையே குறுக்குத் தாவல் விளையாட்டானது கிழக்கின் கரையோரத்தில் கடலில் வாழும் பல்வகை உயிரினங்களை ஆய்வு செய்வதற்கான இலகுவானதும் பாதுகாப்பானதுமான ஒரு வழியாகும்.

மேலும், மிகவும் ஆழமான நீரடிப்பு பகுதியில் சுழியோடல் சான்றிதழ் இல்லாத நிலையிலும் நீச்சல் காரர் நீரடிப்பகுதியை சென்று பார்த்து அனுபவிப்பதற்கு ஒரு நல்வாய்ப்பினை ஸ்நுபா வழங்குகிறது. சரியான முறையில் மேற்கொள்ளப்படும் ஒரு ஸ்நூபா சுழியோட்டமானது பெருமளவு நீர்வாழ் உயிரினங்களை தரிசிக்கத்தக்கதான சுமார் ஆறு மீற்றர்கள் வரையான ஆழத்திற்கு செல்வதற்கு துணைபுரிகிறது.

“திருகோணமலை, புறாத்தீவு (Pigeon Island) இடங்கள் பெருந்தொகையான, பல வர்ணங்கள் கொண்ட கடல்வாழ் உயிரினங்கள் வாழ்வதனால் நீச்சல் காரர்கள் திகைப்பூட்டும் பல அனுபவங்களைப் பெறும் வாய்ப்பு உள்ளது. இலங்கையின் சுற்றுலாத் துறை வளர்ச்சி கண்டுவரும் இவ் வேளையில் மங்கூஸ் அட்வெஞ்சர்ஸ் அமைப்பு உள்நாட்டு சுற்றுலாப் பயணிகளுக்கு ஸ்நுபா போன்ற பரபரப்பூட்டும் செயற்பாடுகளை ஏற்படுத்தி வழங்குவதற்கு உறுதிபூண்டுள்ளது." இவ்வாறு தெரிவிக்கிறார் ஸ்நுபா ஏற்பாட்டாளரான மங்கூஸ் அதிபர் நிஷான் சில்வா.

ஸ்நுபா ஆனது ஸ்கியூபா சுழியோட்டத் தினையும் Snorkling ஐயும் இனைத்து செயற்படுத்துவதால் நீச்சல் தெரிந்திருக்கும் எவருக்கும் இது மிகவும் இலகுவானதும் பாதுகாப்பானதும் ஆகும். ஸ்நுபா விளையாட்டு ஸ்கியூபா விளையாட்டில் பயன்படும் சாதனங்கள் பலவற்றை பயன்படுத்தும் அதே வேளை ஒட்சிசன் தாங்கியை மட்டும் தனியாக மிதக்கவிடுகிறது. ஸ்கியூபாவில் அதனை முதுகுப்புறத்தில் வைப்பதுண்டு. ஒரு ரியூப் மூலமும் சீராக்கி மூலமும் நீச்சல் காரருடன் இது இணைக்கப்பட்டிருக்கும். இதனை பொருத்தி அறிமுகப் படுத்தியும், செயற்படுத்தியும் 15 நிமிடங்களின் பின்னரேயே இவர்கள் நீருக்கடியில் செல்வதற்கு விடப்படுகின்றார்கள்.

மங்கூஸ் அட்வெஞ்சர்ஸ் அமைப்பே இவ்வாண்டின் தொடக்கத்தில் ஸ்நுபாவை ஹிக்கடுவவிலுள்ள Chaya Tranz பகுதியில் தொடக்கி வைத்ததன் மூலம் தென்னாசிய பிராந்தியத்திற்கே அறிமுகம் செய்துள்ளது. இலங்கையை வீரதர விளையாட்டுக்களின் ஒரு மையமாக பிரபலப்படுத்தும் ஒரு நோக்கில் இதனை இப்பொழுது திருகோணமலைக்கு விரிவாக்கியுள்ளது.

“இலங்கை வீரவிளையாட்டுக்கள் செழித்து வளர்வதற்கான வாய்ப்புகள், பரப்பெல்லை, சுவாத்தியம் என்பனவற்றை கொண்டுள்ளது. கடல், தரை, வான் சார்ந்த பல்வெறு விளையாட்டு வகைகளை அறிமுகம் செய்து இலங்கையை மென்மேலும் சுற்றுலாப் பயணிகள் விரும்பும் ஒரு நாடாக மாற்றுவதை நாம் நோக்கான கொண்டுள்ளோம். விளையாட்டு வகைகள் பலவற்றை ஏற்படுத்தித்தருவதனால் பயணிகள் அதிககாலம் இங்கு தங்கியிருப்பார்". இவ்வாறு அவர் தெரிவிக்கிறார்.

இருபது ஆண்டுகளுக்கு முன் ஸ்நுபா சுழியோட்ட விளையாட்டுகள் அறிமுகம் செய்யப்பட்டதிலிருந்து உலகின் பல பாகங்களிலிருமிருந்து சுமார் ஐந்து மில்லியன் பேர்கள் இங்கு வந்து ஸ்நுபா விளையாட்டுகளில் பங்குபற்றியுள்ளனர். ஆயினும் இது தொடர்பில் மோசமான ஏதேனும் காயங்கள் ஏற்பட்டதாக இது வரை முறைப்பாடுகள் ஏதுமில்லை. இதனை இலகுவாக செயற்படுத்த முடிவதும் பாதுகாப்பு தொடர்பில் நம்பிக்கையூட்டும் முன் வரலாறும் ஸ்நுபாவை மிகுவளர்ச்சி கண்டு வரும் நீர் விளையாட்டாக முன்நிறுத்துகிறது.

மேலும்>>>

கண்டி சிறை முஸ்லிம் கைதிகளுக்கு கஞ்சி, பேரீச்சம்பழம் இலவசமாக வழங்கப்படும்

22.07.2012 கண்டியிலுள்ள சிறைச்சாலைகளில் நோன்பு நோற்கும் முஸ்லிம் சிறைக்கைதிகளுக்கு நோன்பு திறப்பதற்காக கஞ்சி, பேரீச்சபழம் என்பனவற்றை வழங்க சிறைச்சாலைகளுக்கு அருகிலுள்ள பள்ளி வாசல்கள் நடவடிக்கை எடுத்துள்ளன.

கடந்த வருடங்களைப் போலவே இவ்வருடமும் கஞ்சி, பேரீச்சம் பழங்களை வழங்க பள்ளி வாசல்களின் நிர்வாக சபைகள் நடவடிக்கைகளை எடுத்துள்ளதாக நிருவாகச் சபையினர் தெரிவித்தனர்.

குறிப்பாக கண்டி போகம்பறை சிறைச்சாலையிலுள்ள முஸ்லிம் கைதிகளுக்கு கண்டி மத்திய சந்தைக் கருகிலுள்ள பள்ளிவாசல் இராஜ வீதியிலுள்ள சிறைச்சாலை முஸ்லிம் கைதிகளுக்கு இராஜவீதி தைக்கா பள்ளி வாசலுடனும் பல்லேகல திறந்தவெளிச் சிறைச்சாலை முஸ்லிம் கைதிகளுக்கு தென்னக்கும்புர பள்ளிவாசலும் இவ்வாறு நோன்பு திறப்பதற்கான கஞ்சி, பேரீச்சம்பழம் என்பனவற்றை இலவசமாக வழங்க நடவடிக்கை எடுக்கப்பட்டுள்ளது

மேலும்>>>

வீடியோ கமராவில் மாட்டிய உண்மையான வீடியோ

22.07.2012.அன்றாடம் பல விபத்துகள் நடப்பது நமக்குத் தெரியும். படித்திருக்கிறோம். ஆனால் சாலையில் செல்லும்போது வாகனம் வந்து மோதும் காட்சியை மிகவும் அருமையாகவே காணமுடியும். இதுபோல ஒரு விடையத்தையே நீங்கள் இங்கே பார்க்கிறீர்கள். நியூயோர்க்கில் இச் சம்பவம் நிகழ்ந்துள்ளது. தனது நண்பர்களுடன் பேசிக்கொண்டு வீதியில் சென்றவேளை படுவேகமாக வந்த கார் ஒன்று 19 வயது இளைஞன் ஒருவர் மீது அப்படியே மோதி தூக்கி எறிந்துள்ளது. ஆனால் அவ்வாகனத்தை செலுத்தியவர் அதனை நிறுத்தாமலே சென்றுவிட்டார். CCTV கமராவில் இவை பதிவாகியுள்ளது. ஆனால் அதிஷ்டவசமாக இந்த இளைஞர் சிறிய காயங்களுடன் தப்பித்துவிட்டார். காணொளியைப் பாருங்கள்..

மேலும்>>>

நோர்மான் என்ற வகை நாய் சைக்கிள் ஓடும் காட்சி

நோர்மான் என்ற வகை நாய் ஒன்று சைக்கிள் ஓட்ட கற்றுக்கொண்டுள்ளது. குறிப்பாக நாய்கள் ஓடுவதும், பந்தை வாயால் கவ்வுவதுமே விளையாட்டாகவைத்துள்ளது. ஆனால் இந்த நாய் சற்று வித்தியாசமாக சைக்கிள் ஓடக் கற்றுக்கொண்டுள்ளது. இது சைக்கிள் ஓட்டும் காணிளி இணைக்கப்பட்டுள்ளது22.07.2012.

மேலும்>>>

பெண்களை இரகசியமாக படம்பிடித்த செல்வந்தர் கொலை

22.07.2012.

ஆடைக் கடை ஒன்றில் பெண்கள் துணி மாற்றுவதை சீ.சீ.டி.வி கமராவை மறைத்து வைத்து, இரகசியமாக பதிவு செய்த செல்வந்தர் ஒருவர் கம்பஹாவில் கொலை செய்யப்பட்டுள்ளார்.

குறித்த செல்வந்தர் இரகசிய கமரா மூலம் பெண் ஒருவரை படம் பிடித்து, மிரட்டி, தம்முடன் உறவு கொள்ளவில்லை என்றால், குறித்த படங்களை வெளியிடங்களுக்கு அனுப்புவதாக குறித்த பெண்ணை அச்சுறுத்தியுள்ளார்.
இதனைத் தொடர்ந்து, அந்த பெண், தமது சகோதரனிடம் விடயத்தை கூறியதை அடுத்து, ஆத்திரமடைந்த சகோதரர் மற்றுமொருவருடன் கடைக்குள் வந்து, குறித்த செல்வந்தரை கொலை செய்ததாக காவற்துறையினர் தெரிவித்துள்ளனர்.
கொலை செய்தவர் கைது செய்யப்பட்டுள்ளார். அவரும் ஏற்கனவே பல குற்றச்செயல்களில் ஈடுபட்டவர் என்று தெரிவிக்கப்படுகிறது

மேலும்>>>

ஆலய உண்டியல் திருட்டு: உடுவில் பகுதியில் சம்பவம்

21.07.2012.  உடுவில் பகுதியில் உள்ள ஆலயத்தின் உண்டியலை திருடிச்சென்ற திருடர்கள் அதில் இருந்த பணத்தை எடுத்து விட்டு நாற்பது ரூபாவுடன் உண்டியலை வெற்றுக் காணியில் கைவிட்டுச்சென்ற சம்பவம் உடுவில் நாகம்மாள் கோவிலடியில் இடம் பெற்றுள்ளது.

வியாழக்கிழமை இரவு இந்த உண்டியல் உடைக்கப்பட்ட நிலையில் அம்பலவாணர் வீதியில் உள்ள தனியார் காணியில் இருந்து பொது மக்கள் வழங்கிய தகவலின் அடிப்படையில் சுன்னாகம் பொலிஸாரால் மீட்கப்பட்டுள்ளது.

இந்த உண்டியல் எந்த ஆலயத்தில் இருந்து திருடப்பட்டது என்ற விபரம் தெரிய வரவில்லை

மேலும்>>>

மேல் கொத்மலை நீர் தேக்கதினுள் வேன் விழுந்து விபத்து (பட இணைப்பு

21.07.2012.ஹொலிரூட் பகுதியில் மேல் கொத்மலை நீர் தேக்க திட்டத்திற்குள் வேன் ஒன்று இன்று வீழ்ந்து விபத்துக்குள்ளானதில் இருவர் காயமடைந்துள்ளனர்.

தலவாக்கலையில் இருந்து ஹொலிரூட் நோக்கி பயணித்த மோட்டார் வண்டியும் ஹொலிரூட்டில் இருந்து தலவாக்கலை நோக்கி பயணித்த வேன் வண்டியும் நேருக்கு நேர் மோதி விபத்துள்ளாகியதில் வேன் வண்டி சுமார் 150 அடி பள்ளத்தில் நீர் தேக்கத்தினுல் வீழ்ந்துள்ளதாக தலவாக்கலை பொலிஸார் தெரிவித்தனர்.


விபத்தில் காயமடைந்த வேன் சாரதியும் மோட்டார் வண்டி ஓட்டுனரும் நுவரெலியா வைத்தியசாலையில் அனுமதிக்கப்பட்டுள்ளனர்.

விபத்தின் பின்னர் வேன் வண்டி நீர் தேக்கத்தினுள் கிடக்க மோட்டார் வண்டி பாதையில் கிடந்ததாகவும் பொலிஸார் தெரிவித்தனர்.

மேலும்>>>

மனைவியின் நினைவாக இதய வடிவில் மலர் தோட்டம் அமைத்த முதியவர்

21.07.2012

காதல் மனைவி மும்தாஜ் நினைவாக பேரரசர் ஷாஜகான் ஆக்ராவில் தாஜ்மகால் அமைத்தார். இது இன்றளவும் உலக அதிசயங்களில் ஒன்றாக விளங்குகிறது.
ஆனால் இது போன்ற பிரமாண்ட சாதனையை சாதாரண மனிதர்களால் உருவாக்க இயலாது. இருந்தபோதிலும் இங்கிலாந்து நாட்டை சேர்ந்த வின்ஸ்டன் ஹோவிஸ் (வயது 70) என்ற விவசாயி தனது மனைவி ஜேனட் நினைவாக இருதயம் வடிவில் மலர் தோட்டம் ஒன்றை அமைக்கிறார்.
இதற்காக 6 ஏக்கர் நிலத்தை தேர்வு செய்து ஆயிரக்கணக்கான மரங்களுக்கு மத்தியில் நறுமணம் வீசும் வெள்ளைநிற பூச்செடிகளை வளர்த்து வருகிறார். 70 வயதிலும் மனம் தளராமல் வின்ஸ்டன் இந்த பணியை அவரே செய்து வருகிறார்.

Back to Home

மேலும்>>>

எளிமையான புக்மார்கிங் சேவையை வழங்கும் இணையம்

20.07.2012

இணையத்தில் உலாவுகின்றவர்களால் புக்மார்கிங் சேவை இல்லாமல் இருக்கவே முடியாது.இதற்கு காரணம் நல்ல தளங்களும், பயனுள்ள தகவல்கலும் கண்ணில் பட்டு கொண்டேயிருக்கும் என்பதால். அவற்றை பின்னர் பார்த்து கொள்ளலாம் என புக்மார்க் செய்து கொள்வது தேவையானது தான். எனவே புதிய புக்மார்கிங் சேவைகள் தேவைப்படவே செய்கின்றன. அதற்கேற்ப புதிதாக புக்மார்கிங் சேவைகளும் அறிமுகமாகி கொண்டே இருக்கின்றன. டூரீட் தளமும் இத்தகைய புக்மார்கிங் சேவை தான் என்றாலும் புக்மார்கிங் சேவைகளிலேயே மிகவும் எளிமையானது என்று இதனை சொல்லலாம். இதன் வடிவமைப்பும் தோற்றமும் கூட எந்த வித ஆடம்பரமும் இல்லாமல் எளிமையாகவே இருக்கிறது. இதன் மூலம் இணையதளங்களை புக்மார்க் செய்வது மிகவும் சுலபமானது. எந்த தளத்து குறித்து வைக்க நினைக்கிறோமோ அந்த தளத்தில் புக்மார்கிங் டூல் பாரை கிளிக் செய்தால் போதும், அந்த தளத்தின் இணைப்பை மின்னஞ்சல் முகவரிக்கு இந்த தளம் அனுப்பி வைத்துவிடும். அதன் பிறகு எப்போது தேவையோ அப்போது மின்னஞ்சல் பெட்டியை திறந்து இந்த இணையத்தளத்தை பார்த்து கொள்ளலாம். மின்னஞ்சலில் இருந்து கணணியில் தரவிறக்கம் செய்து இணைய இணைப்பு இல்லாமலும் கூட இணையதளத்தை பார்க்கலாம். பயனுள்ள தளங்களை மறக்க கூடாது என புக்மார்க் செய்து விட்டு அதன் பிறகு புக்மார்க் செய்ததையே மறந்து நிற்பதை காட்டிலும், புக்மார்க் செய்த தளங்கள் நேரடியாக மின்னஞ்சல் பெட்டிக்கு வந்து சேர்வது பயனுள்ளது தானே

மேலும்>>>

பிறந்த நாள்வாழ்த்துக்கள்

  20.07.07.2012இன்று பிறந்த நாளைகொண்டாடும் அனைத்து அன்பு உள்ளங்களுக்கு அன்பு கனிந்த பிறந்த நாள்வாழ்த்துக்கள் உரித்தாகுக நன்றி நவட்கிரி இணையமும் தேவன் ராஜா குடும்பமும் வாழ்த்துகின்றனர்

மேலும்>>>