யாழ் நல்லூர் கந்தனின் ஒன்பது நாள் நிழல்படதொகுப்பு

01.08.2012.யாழ்நல்லை கந்தனின் நிழல்பட தொகுப்பு நல்லூர் கந்தனின் ஒன்பது நாள்உள்ளது

நல்லூர் முருகன் 09 ஆம் நாள் திருவிழா	நல்லூர் முருகன் 8 ஆம் நாள் திருவிழா	நல்லூர் முருகன் 7 ஆம் நாள் திருவிழா
நல்லூர் முருகன் 6 ஆம் நாள் திருவிழா	நல்லூர் முருகன் 5 ஆம் நாள் திருவிழா	நல்லூர் முருகன்4 ஆம் நாள் திருவிழா
நல்லூர் முருகன் 3 ஆம் நாள் திருவிழா	நல்லூர் முருகன் ஆலய வருடாந்த மகோற்சவம்	நல்லூர் 2ஆம் நாள் திருவிழா

மேலும்>>>

தமிழர்களுக்கு நேரடி உதவிகள் வழங்கத் தயாராகிறது இந்தியா இலங்கை அரசு ஊடாக வழங்கப்படும் உதவிகள் மக்களை சரியாகச் சென்றடையாத காரணத்தால்

வியாழக்கிழமை, 02 ஓகஸ்ட் 2012

இலங்கையில் போரினால் பாதிக்கப்பட்ட தமிழ் மக்களுக்கான நிதி உதவிகளை நேரடியாக அந்த மக்களிடமே வழங்குவது குறித்து இந்திய அரசு தீவிர ஆலோசனை நடத்தி வருவதாகத் தகவல்கள் வெளியாகியுள்ளன. பாதிக்கப்பட்ட மக்களின் வங்கிக் கணக்குகளுக்கு நேரடியாக நிதி உதவியை வைப்பில் இடுவதற்கு ஆலோசிக்கப்பட்டுள்ளதாகவும் இலங்கை அரசின் ஊடாக இந்தியாவினால் வழங்கப்படும் உதவிகள் பாதிக்கப்பட்ட மக்களைச் சரியாகச் சென்றடையாத காரணத்தினால் இந்திய அரசு இந்த நிலைப்பாட்டை எடுத்துள்ளதாகவும் புதுடில்லித் தகவல்கள் தெரிவிக்கின்றன. தமிழகத்தைச் சேர்ந்த காங்கிரஸ் கட்சியின் நாடாளுமன்ற உறுப்பினர் எஸ்.வி.சித்தனும் இந்திய அரசின் மேற்படி நிலைப்பாட்டை உறுதிப்படுத்தியுள்ளார். போரினால் பாதிக்கப்பட்ட வடக்கு, கிழக்கு மக்களுக்காக இந்தியா வீடமைப்புத் திட்டம் உள்ளிட்ட பல உதவிகளை அறிவித்திருந்தது. இந்த உதவி நிதியை இலங்கை அரசு சரியான முறையில் பயன்படுத்தவில்லை என்ற குற்றச்சாட்டு தற்போது எழுந்துள்ளது. அண்மையில் இலங்கைக்குப் பயணம் மேற்கொண்ட இந்திய எதிர்க்கட்சித் தலைவி சுஸ்மா சுவராஜ் தலைமையிலான இந்திய நாடாளுமன்றக் குழு இதனை நேரடியாகவே பார்த்து உறுதி செய்துள்ளது. இந்த நிலையில் இலங்கைத் தமிழர்களுக்கு நேரடியாகவே நிதி உதவிகளை வழங்குவது குறித்து இந்தியா ஆலோசித்து வருவதாக தமிழகத்தைச் சேர்ந்த காங்கிரஸ் கட்சியின் நாடாளுமன்ற உறுப்பினர் எஸ்.வி.சித்தன் தெரிவித்துள்ளார். இலங்கை சென்ற குழுவில் இடம்பெற்றிருந்த அவர் இது தொடர்பாகத் தகவல் வெளியிடுகையில், தமிழர்களுக்காக இந்திய மத்திய அரசு வழங்கிய நிதியை, இலங்கை அரசு சரியான முறையில் பயன்படுத்தவில்லை என்பது, அங்கு சுற்றுப் பயணம் செய்தபோது தெரியவந்தது. இதனால், பாதிக்கப்பட்டவர்களுக்கு அவர்களின் பெயரிலேயே வங்கிக்கணக்கை ஆரம்பித்து, நிதி உதவி வழங்க மத்திய அரசு ஆலோசித்து வருகிறது என்று கூறினார்.

மேலும்>>>

செவ்வாய் தோஷம் என்றாலே சிக்கல்தானா????

 

.

 வியாழக்கிழமை, 02 ஓகஸ்ட் 2012,

          

செவ்வாய் தோஷம். இதைக் கேட்டவுடன் அலறுபவர்கள் பலர். காரணம், கல்யாணத்திற்கு பெரும் தடையாக இருக்கும் முக்கிய தோஷம் இது.

ஆனால் செவ்வாய் தோஷம் என்றாலே சிக்கல்தானா, உண்மையில் செவ்வாய் தோஷம் என்றால் என்ன என்பது குறித்து முழுமையான ஜோதிட தகவல்களை அறிந்து கொள்ள சத்தியமங்கலத்தை சேர்ந்த பிரபல ஜோதிடர் சக்தி கிருஷ்ணகுமாரை சந்தித்து பேசினோம்.
அவர் கூறியதாவது:
லக்கனம், சந்திரன், சுக்கிரன் முதலியவைகளுக்கு 2,4,7,8,12, ஆகிய இடங்களில் செவ்வாய் இருந்தால் செவ்வாய் தோஷ ஜாதகமாக கருத வேண்டும்.
இந்த செவ்வாய் தோஷம் ஆணுக்கும், பெண்ணுக்கும் இருந்தால் திருமணம் செய்யலாம்.
ஒருவருக்கு செவ்வாய் தோஷம் இருந்து மற்றொருவற்கு செவ்வாய் தோஷம் இல்லை எனில் அவர்களுக்கு திருமணம் செய்யக்கூடாது.
ஆனால் இதற்கு சில விதிவிலக்குகள் உள்ளன.
மேஷம், விருச்சிகம், மகரம், ஆகிய வீடுகளில் செவ்வாய் இருந்தால் தோஷம் இல்லை.
குரு, சூரியன், சனி சந்திரனுடன் சேர்ந்திருந்தால் தோஷமில்லை.
சூரியன், சந்திரன், குரு, சனி, ஆகியவற்றால் பார்க்கப்பட்டால் பாவமில்லை என சோதிடம் கூறுகிறது.
சிம்மம், அல்லது கும்பத்தில் செவ்வாய் இருந்தால் தோஷமில்லை.
2 - இடம் மிதுனம், அல்லது கன்னியாக இருந்தாலும் தோஷமில்லை.
4 – ம் இடம் மேஷம், விருச்சிகமானால் தோஷமில்லை.
7 – ம் இடம் கடகம், மகரமானால் தோஷமில்லை.
8 – ம் இடம் தனுசு, மீனம் இருந்தால் தோஷமில்லை
காரணம் என்னவென்றால் சம்பந்தப்பட்ட வீடுகளில் அங்காரகன் ஆட்சி, உச்சம், நீசம், பெற்று இருப்பதால் தோஷமில்லை

மேலும்>>>

இலங்கை கிரிக்கெட் அணி மீதான தாக்குதல் நடத்திய பயங்கரவாதி பாகிஸ்தானில் சுட்டுக்கொலை

 

 வியாழக்கிழமை, 02 ஓகஸ்ட் 2012,

2009ம் ஆண்டு பாகிஸ்தானில் இலங்கை கிரிக்கெட் அணி மீது மேற்கொள்ளப்பட்ட தாக்குதல் சம்பவம் தொடர்பில் தேடப்பட்டுவந்த பயங்கரவாதி பஞ்சாப் மாகாணத்தில் இடம்பெற்ற துப்பாக்கிச் சண்டையின்போது பொலிஸாரினால் சுட்டுக்கொல்லப்பட்டுள்ளதாக பாகிஸ்தான் அதிகாரிகள் இன்று தெரிவித்துள்ளனர்.

2009ம் ஆண்டு மார்ச் மாதம் பாகிஸ்தானின் லாகூரில் இலங்கை கிரிக்கெட் அணி மீது மேற்கொள்ளப்பட்ட தாக்குதல் சம்பவத்தைத் தொடர்ந்து பாகிஸ்தானில் சர்வதேச கிரிக்கெட் போட்டி நடைபெறுவது இடைநிறுத்தி வைக்கப்பட்டிருந்தது.
இத்தாக்குதலின்போது 8 பேர் பலியானதுடன், இலங்கை கிரிக்கெட் அணியின் 7 வீரர்கள் மற்றும் ஒரு பயிற்சியாளரும் காயமடைந்திருந்தமை குறிப்பிடத்தக்கது.
சில பயங்கரவாதிகள் பொதுப் போக்குவரத்துக்களில் நகரில் ஊடுரூவதாக கிடைத்த தகவலைத் தொடர்ந்து லாகூரிலிருந்து 400 கிலோமீற்றர் தொலைவிலுள்ள முல்ரன் பகுதியில் உள்ள காஷிகட் பாலத்திற்கு அருகில் சட்ட அமுலாக்கல் முகவர்கள் வாகனங்களை சோதனை செய்தனர்.
பஸ் ஒன்றை சோதனையிட்டபோது அதிலிருந்த பயணி ஒருவர் தப்பித்துச் செல்ல முயற்சித்துள்ளார். இவருக்கும் பொலிஸாருக்கும் இடையில் இடம்பெற்ற துப்பாக்கிச் சண்டையின்போது கொல்லப்பட்ட இவர் அப்துல் கபார் குசைஸ்ரனி அல்லது சைபுல்லா என அடையாளம் காணப்பட்டார்.
இவரின் பொதியில் ஒரு கிரேனைட்டும் இரண்டு; துப்பாக்கிகளும் காணப்பட்டன. இவர் தடைசெய்யப்பட்ட பாகிஸ்தான் தெஹ்ரி-ஈ-தலிபான் அமைப்பின் முக்கிய உறுப்பினர் என்பதுடன், மரிஉல்லா குழு என அறியப்பட்ட போராளிக் குழுவிலும் பணியாற்றியிருந்ததாக அதிகாரிகள் கூறியுள்ளனர்.
இந்நபர் வங்கிக் கொள்ளைகள் மூலம் போராளிக் குழுவுக்கு நிதி சேகரிக்கும் நடவடிக்கையிலும் ஈடுபட்டதாக குறிப்பிட்டுள்ள அதிகாரிகள், இவர் ஆப்கானிஸ்தானில் பயிற்சி பெற்றிருந்ததாகவும் தெரிவித்துள்ளனர்.
முல்ரன் நகரில் முக்கிய இடங்களை இலக்குவைத்து சைபுல்லாவினால் மேற்கொள்ளப்படவிருந்த பாரிய பயங்கரவாதத் தாக்குதலை பொலிஸார் தடுத்து நிறுத்தியதாக பொலிஸ் உயர் அதிகாரி கோஹர் நபீஸ் தெரிவித்துள்ளார்.
லாகூரில் இலங்கை கிரிக்கெட் அணி மீதான தாக்குதல் சம்பவம் தொடர்பில் இவர் தேடப்பட்டு வந்தார் எனவும் அவர் கூறினார்

மேலும்>>>

பிரிட்டிஷ் குழுவை வரவேற்காமல், உலங்கு வானுர்தியில் காத்திருக்க வைத்த யாழ். அரச அதிகாரிகள்!

Photo

 

வியாழக்கிழமை, 02 ஓகஸ்ட் 2012,

யாழ்ப்பாணத்திற்கு விஜயம் செய்திருக்கும் பிரிட்டிஷ் பாராளுமன்ற உறுப்பினர்கள் அடங்கிய குழுவினரை வரவேற்க அதிகாரிகள் எவரும் வருகை தராததால், பாராளுமன்ற உறுப்பினர்கள் உலங்குவானுர்தியில் காத்திருந்த சம்பவம் பெரும் பரபரப்பை ஏற்படுத்தியுள்ளது.

இரண்டு நாள் விஜயமாக யாழ்ப்பாணத்திற்கும் கிளிநொச்சிக்கும் விஜயம் செய்வதற்காக பிரிட்டிஷ் பராளுமன்ற உறுப்பினர்கள் இன்று காலை 11.30 மணியளவில் யாழ். துரையப்பா விளையாட்டரங்கிற்கு உலங்குவானுர்தி மூலம் வந்திறங்கினார்கள்.
யாழ்ப்பாணம் வந்திறங்கிய அவர்களை வரவேற்க அரச அதிகாரிகள் எவரும் யாழ். துரையப்பா விளையாட்டரங்கிற்கு வரவில்லை. பொலிஸாரே சம்பவ இடத்தில் காத்திருந்தனர்.
இதனால் சுமார் 20 நிமிடங்கள் வரையில் உலங்குவானுர்தியில் பிரிட்டிஷ் பாராளுமன்ற உறுப்பினர்கள் காத்திருந்தனர். அத்தோடு அவர்களுக்கு பிரயாணம் செய்வதற்கு வாகன வசதிகளும் ஏற்படுத்தப்படவில்லை.
இதனைத் தொடர்ந்து, அங்கு வந்திறங்கிய யாழ். அரச அதிபர் சுந்தரம் அருமைநாயகம் மலர் மாலை அணிவித்து அவர்களை வரவேற்று, வாகன ஏற்பாடுகளை மேற்கொண்டு அழைத்துச் சென்றார்.
இவ்வாறு வெளிநாட்டு பிரதிநிதிகள் வருகின்ற பட்சத்தில் அவர்களுக்கு கடுமையான வரவேற்புக்கள் அளிக்கப்படுகின்றபோதும் பிரிட்டிஷ் பாராளுமன்ற குழுவினரை காக்க வைத்த சம்பவம் பெரும் பரபரப்பை ஏற்படுத்தியுள்ளது.

 

மேலும்>>>