சந்நிதி முருகன் ஆலயத்தில் பறந்தது புலிக்கொடி! இராணுவத்தின் சதியா?: பதற்றத்தில் மக்கள்

BY.rajah.

செவ்வாய்க்கிழமை,  28 ஓகஸ்ட் 2012,

 

சந்நிதி முருகன் ஆலயத்தின் திருவிழா நடைபெற்றுவரும் நிலையில் ஆலயச் சூழலில் புலிககொடி பறக்கவிட்டிருந்தததால் பெரும் பதற்றம் ஏற்பட்டது.

இச்சம்பவம் நேற்று இடம்பெற்றுள்ளது. பூங்கா திருவிழாவான நேற்றைய தினம் ஆலயத்தில் உள்ள தேர் முட்டியிலேயே இவ்வாறு புலிக்கொடி பறக்கவிடப்பட்டிருந்தது.
பெருமளவு பொலிஸாரும் படையினரும் புலானாய்வாளர்களும் சூழ்ந்திருக்கும் இவ்விடத்தில் புலிக்கொடியைப் பறக்க விட்டது. யார்? என்ற சந்தேகம் ஏற்பட்டதோடு, இதனை படையினரே பறக்க விட்டிருக்கலாம் என்னும் சந்தேகம் வெளியிடப்படுகின்றது
குறிப்பாக வலிகாமம் வடக்கு பாதுகாப்பு வலயத்தின் எல்லையை அண்மித்திருப்பதாலும், தொண்டமனாறு துருசு மற்றும் புதிதாக நிர்மானிக்கப்படும் பாலத்திற்கு பாதுப்புக்கு படையினர் நிலை கொண்டுள்ள நிலையிலேயே இச்சம்பவம் இடம்பெற்றுள்ளது.
இவ்வாறு கடும் பாதுகாப்பு மற்றும் கெடுபிடிகளுக்கு மத்தியில் பறக்க விடப்பட்ட கொடியை படையினரும் பொலிஸாரும் புடைசூழ வந்து எடுத்துச் சென்றனர்.
இச்சம்பவத்தால் அப்பகுதியில் பெரும் பதற்றமும் குழப்பபும் ஏற்பட்டுள்ளது என எமது செய்தியாளர் தெரிவித்துள்ளார்

மேலும்>>>

இந்தப் பாம்புக்கு இப்படி உணவு கொடுத்தால் கட்டுப்படியாகுமா?

BY.rajah.27.08.2012.

 

 

போலந்து நாட்டில் காணப்படும் பிரபல்யம்வாயந்த மிருகக்காட்சிச் சாலையான Szczecin இல் உள்ள ஹைட்ரா எனப் பெயர் சூட்டப்பட்டுள்ள மலைப்பாம்பு ஒன்று இரண்டு தலைகளைக் கொண்டுள்ளது.
நான்கு வயதே ஆன இப்பாம்பு உணவாக போடப்பட்டுள்ள எலிகளை உண்ணும் காட்சியினையே காணொளியில் காண்கின்றீர்கள்.

 

மேலும்>>>

இப்படி தோசையை நீங்கள் சாப்பிட்டதுண்டா?

BYrajah.

 

 

மேலும்>>>

புனித கங்கை நதியின் அவலங்கள்

BY.rajah.

 

மேலும்>>>

கறுப்பு மணல் கடற்கரையைப் காண ஆசையா?

 

BYrajah.27.08.2012.ஹவாய் தீவில் காணப்படும் Punalu என்ற கடல் கறுப்பு நிற மணலைக் கொண்டு காட்சியளிக்கிறது. இதற்கு காரணம் கடலினுள் காணப்படும் எரிமலைகள் வெடித்து குளிர்ச்சியாகி கடலின் கரையோரம் ஒதுங்குவதே ஆகும்

மேலும்>>>

செம்சுங்குக்கு விழுந்த மரண அடி!

BY.rajah.27.08.2012.அப்பிள் நிறுவனமானது கடந்த வருடம் ஏப்ரல் மாதம் இவ்வழக்கினைத் தொடுத்தது. இதனூடாக செம்சுங்கிடம் சுமார் 2.5 பில்லியன் அமெரிக்க டொலர்களை நட்ட ஈடாகக் கோரியிருந்தது.

இதற்குப் பதிலடியாக வழக்குத் தொடுத்த செம்சுங், அப்பிளிடம் 399 மில்லியன் அமெரிக்க டொலர்களை நட்ட ஈடாகக் கோரியிருந்தது.

கடந்த ஒருவருட காலத்துக்கு அதிகமாக நீடித்த இவ்வழக்கின் தீர்ப்பானது கடந்த சில தினங்களுக்கு முன்னர் வழங்கப்பட்டது.

அப்பிள் கோரிய 2.5 பில்லியன் அமெரிக்க டொலர்கள் நட்ட ஈட்டுத் தொகையை ஏற்க மறுத்த நீதிமன்றம் சுமார் 1 பில்லியன் டொலர்களை மட்டும் வழங்கும்படி செம்சுங்குக்கு உத்தரவிட்டது.

செம்சுங்கின் ஸ்மார்ட் போன்கள் மற்றும் டெப்லட்கள் அப்பிளின் காப்புரிமை செய்யப்பட்ட வசதிகளைப் பயன்படுத்தியுள்ளதாக நீதிமன்றம் இதன்போது சுட்டிக்காட்டியிருந்தது.

இதேவேளை செம்சுங்கினால் அப்பிளிடம் நட்ட ஈடு கோரி தொடுக்கப்பட்ட வழக்கையும் நிராகரித்தது.

இத்தீர்ப்பினைத் தொடர்ந்து செம்சுங்கின் மொபைல் அமெரிக்காவில் விற்பனை செய்வதற்கான தடையையும் அப்பிள் நீதிமன்றத்தில் கோராலாம் என எதிர்பார்க்கப்படுகின்றது.

மேலும் இத்தீர்ப்பானது பிரித்தானியா போன்ற நாடுகளில் செம்சுங்கின் மொபைல் சாதனங்களின் விற்பனையைப் பாதிக்கலாம் எனத் தெரிவிக்கப்படுகின்றது.

எனினும் இத்தீர்ப்பினை எதிர்த்து மேன்முறையீடு செய்யவுள்ளதாக செம்சுங் அறிவித்துள்ளது.

செம்சுங்குக்கு எதிராக வழங்கப்பட்ட இத்தீர்ப்பானது மற்றைய நிறுவனங்கள் பலவற்றை குறிப்பாக அண்ட்ரோய்ட் இயங்குதளத்தினை தமது மொபைல் சாதனங்களில் உபயோகிக்கும் நிறுவனங்களிடையே அச்சத்தினைத் தோற்றுவித்துள்ளது.

தாமும் இத்தகைய ஒரு பாரிய தொகையினை நட்ட ஈடாக செலுத்த வேண்டிவரலாம் என அவை அச்சங்கொண்டுள்ளன.

செம்சுங்கின் ஸ்மார்ட் போன்கள் விற்பனையானது தொடர்ச்சியாக அதிகரித்து வருகின்றமை அப்பிளுக்கு மிகப் பெரும் தலையிடியாக மாறியிருந்தது. இந்நிலையில் இத்தீர்ப்பானது அப்பிளுக்கு சற்று உற்சாகமளித்துள்ளது என்பது மட்டும் நிச்சயம்

மேலும்>>>

ஜரோப்பாவில் கோலாகலமாக நடந்தேறிய கார்னிவெல் திருவிழா

BY.rajah.27.08.2012.

ஜரோப்பாவில் கொண்டாடப்படும் மிகப்பெரிய திருவிழாவான நோட்டிங் ஹில் கார்னிவெல் அண்மையில் இடம்பெற்றது.இதில் பல்லாயிரக்கணக்கான மக்கள் கலந்துகொண்டுள்ளதுடன் பல்வேறுபட்ட கலைஞர்களும் தமது வித்தியாசமான திறமைகளை அந்த மக்கள்கூட்டத்தின் மத்தியில் வெளிக் கொணர்ந்துள்ளனர். அந்த கார்னிவெல் தொடர்பான சுவாரஸ்ய காட்சிகள் அடங்கிய புகைப்படத்தொகுப்பே இவை
.









 

மேலும்>>>

50 பேரை ஏமாற்றி திருமணம் செய்த பெண் (பட இணைப்பு)

BY.rajah.27.08.2012.தமிழகம் மற்றும் கேரளாவில் பல்வேறு இளைஞர்களைத் திருமணம் செய்து அவர்களிடம் இருந்து பல இலட்சம் மோசடி செய்த கேரள அழகியான சஹானா என்ற பெண்ணை பொலிஸார் தேடி வருகின்றனர்.

அவர் தமிழகம் மற்றும் கேரளாவில் பல இளைஞர்களை மயக்கி அவர்களைத் திருமணம் செய்து அவர்களிடம் இருந்து நகை, பணம் ஆகியவற்றைப் பறித்து மோசடி செய்துள்ளார்.

இவ்விடயம் கடந்த சில நாட்களுக்கு முன்பே வெளியுலகுக்குத் தெரியவந்தது.

சஹானா இதுவரை 50 இளைஞர்களை மணந்து ஏமாற்றியுள்ளதாகக் கூறப்படுகிறது. ஆனால் இதுவரை 5 பேர் மட்டுமே சஹானா தங்களை ஏமாற்றியதாக புகார் கொடுத்துள்ளனர்.

எனினும் தொடர்ச்சியாக பலர் புகார் கொடுக்கலாம் என எதிர்பார்க்கப்படுகின்றது.

சஹானாவைக் கைது செய்ய பொலிஸார் தீவிர தேடலில் ஈடுபட்டுள்ளதாகத் தெரிவிக்கப்படுகின்றது.

மேலும்>>>

வேன் விபத்துக்குள்ளானதில் இந்தியாவுக்கு சுற்றுலா சென்ற இலங்கையர் உட்பட 18 பேர்

BY.rajah.27.08.2012.இந்தியாவுக்கு சுற்றுலா சென்றிருந்த இலங்கையர் உட்பட 18 பேர் விபத்துக்குள்ளாகிக் காயமடைந்துள்ளதாக இந்தியத் தகவல்கள் தெரிவிக்கின்றன.

யாழ்ப்பாணத்தைச் சேர்ந்த ஜோன் (வயது 28), மட்டக்களப்புப் பகுதியை சேர்ந்த குமுதா (வயது 45), நேசலட்சுமி (வயது 43) மற்றும் அமெரிக்கா, பிரான்ஸ், லண்டன் ஆகிய நாடுகளில் வசிக்கும் இவர்களின் உறவினர்கள் அன்டனி இருதயராஜ் (வயது 32), அஞ்சலின் (வயது 22), அகிலன் (வயது 20), அருள்தாஸ் (வயது 32), அரசன் (வயது 03) உட்பட 17 பேர் சுற்றுலாவாக தமிழகத்தை சுற்றிப் பார்க்க கடந்த சில நாட்களுக்கு முன்பு சென்னை வந்தனர்.

இவர்கள் சென்னையில் சுற்றுலா வேன் ஒன்றை வாடகைக்கு ௭டுத்து தமிழகத்தின் பல்வேறு பகுதிகளுக்குச் சென்று சுற்றிப் பார்த்தனர். வேனை சென்னையைச் சேர்ந்த லாசர் (வயது 25) ௭ன்பவர் ஓட்டிச் சென்றார். நேற்று முன்தினம் இறுதியாக கொடைக்கானலை சுற்றிப் பார்த்துவிட்டு சென்னைக்குத் திரும்பிக் கொண்டு இருந்தனர்.

நேற்று அதிகாலை 5.30 மணியளவில் அந்த வேன் உளுந்தூர்பேட்டை அருகே ஷேக் உசேன் பேட்டை ௭ன்ற இடத்தில் வந்தபோது வேன் டிரைவர் லாசர் தூங்கி விட்டதாகக் கூறப்படுகிறது. இதனால் வேன் நிலை தடுமாறி ரோட்டில் கவிழ்ந்து போனது. இதில் வான் டிரைவர் லாசர் மற்றும் சுற்றுலாப் பயணிகள் 13 பேர் உட்பட 18 பேரும் படுகாயம் அடைந்தனர்.

இது பற்றி தகவல் அறிந்ததும் ௭டைக்கல் பொலிஸார் சம்பவ இடத்துக்கு விரைந்து காயம் அடைந்த அனைவரையும்மீட்டு அம்பியூலன்ஸ் மூலம் உளுந்தூர்பேட்டை அரசு வைத்தியசாலைக்கு அனுப்பி வைத்தனர். பின்னர் அங்கிருந்து மேல் சிகிச்சைக்காக முண்டியம்பாக்கம் அரசு மருத்துவக் கல்லூரி வைத்தியசாலைக்கு அனுமதிக்கப்பட்டனர். இந்த விபத்துக் குறித்து பொலிஸார் வழக்குப் பதிவு செய்து விசாரணை நடத்தி வருகிறார்கள்

மேலும்>>>

முள்ளிக்குளம் தேவாலயத்தில் ஐந்து வருடங்களின் பின் திருவிழா

BY.rajah.27.08.2012.

முள்ளிக்குளம் தேவாலயத்தில் சுமார் ஐந்து வருடங்களின் பின் திருவிழாத்திருப்பலி நேற்று ஞாயிற்றுக்கிழமை இடம்பெற்றது.

மன்னாரின் தென்பகுதியான முசலிப்பிரதேசத்தின் மீது கடந்த 2007ஆம் ஆண்டு இராணுவத்தினரின் மனிதாபிமான நடவடிக்கை ஒன்று முன்னெடுக்கப்பட்டிருந்தது.

இதன் காரணமாக முசலிப்பிரதேச செயலாளர் பிரிவுக்குட்பட்ட பல்லாயிரக்கணக்கானவர்கள் தமது வாழ்விடங்களை விட்டு வெளியேறியிருந்தனர்.

இவ்வாறு வெளியேறியவர்கள் கடந்த ஐந்து வருடங்களாக மன்னார் மற்றும் நானாட்டான் பிரதேச செயலாளர் பிரிவுகளில் வசித்து வந்துள்ளனர்.

இந்நிலையில் முள்ளிக்குளம் மக்கள் தம்மை தமது சொந்த மண்ணில் மீள்குடியேற்றுமாறு தொடர்ச்சியான பல அழுத்தங்களை அரசாங்கத்துக்கு கொடுத்துவந்திருக்கின்றனர்.

ஆயினும் அவர்களது எந்தக்கோரிக்கையும் சம்பந்தப்பட்டவர்களால் நிறைவேற்றப்படாத நிலையில் அம் முள்ளிக்குள மக்கள் கடந்த இருமாதங்களுக்கு முன் தன்னிச்சையாக முள்ளிக்குளம் கிராமத்தை அண்டிய காயாக்குழி மற்றும் மலங்காடு ஆகிய பகுதிகளில் குடியேறியிருக்கின்றனர்.

எதுவித அடிப்படை வசதிகளும் அற்ற நிலையில் காடுகளுக்குள் குடியேறியிருக்கும் மக்கள் பல்வேறு இன்னல்களுக்கு முகம் கொடுத்து வருகின்றனர்.

இது இவ்வாறிருக்க முள்ளிக்குளம் கிராமத்தில் பூர்வீகமாக வாழ்ந்து வழிபட்டு வந்த முள்ளிக்குளம் புனித பரலோக மாதா தேவாலயம் மற்றும் அதன் சுற்றுப்புறச்சூழல் அனைத்தும் கடற்படையினரால் அபகரிக்கப்பட்டு பாரிய கடற்படை முகாம் ஒன்றும் நிறுவப்பட்டிருக்கின்றது.

இந்நிலையில் கடற்படையினரின் பூரண கட்டுப்பாட்டிலுள்ள முள்ளிக்குளம் தேவாலயத்தின் வருடாந்த திருவிழா ஆவணி மாதம் 15ஆம் திகதியே இடம்பெற வேண்டியது.

ஆயினும் குறித்த தினத்தில் மடு அன்னையின் திருவிழா வெகுவிமரிசையாக இடம்பெறுவதனால் முள்ளிக்குளம் தேவாலயத்தின் திருவிழா வருடந்தோறும் ஆவணி மாதம் 26ஆம் திகதியே இடம்பெற்று வருகின்றது.

இருந்த போதும் கடந்த ஐந்து வருடங்களாக இவ்வாலயத்தில் திருவிழாத்திருப்பலிகள் இடம்பெறாத நிலையில் நேற்று வெகு சிறப்பாக இடம்பெற்றிருக்கின்றது.

மன்னார் ஆயர் அதிமேதகு இராயேப்பு ஜோசேப்பு ஆண்டகை தலைமையில் இடம்பெற்ற கூட்டுத்திருப்பலியில் பெருமளவிலான குருக்கள்,துறவியர் மற்றும் ஏராளமான பக்தர்கள் கலந்து கொண்டனர்.

இதனிடையே புனித பரலோகமாதா தேவாலய திருவிழாத்திருப்பலியில் பாராளுமன்ற உறுப்பினர்களான செல்வம் அடைக்கலநாதன், எஸ்.வினோநோகராதலிங்கம், நானாட்டான் பிரதேச செயலாளர் சந்திரய்யா மற்றும் நானாட்டான், மன்னார் பிரதேச சபைகளின் தலைவர்கள்,அங்கத்தவர்கள் கலந்து கொண்டனர்.

குறித்த திருவிழா திருப்பலியின் போது முள்ளிக்குளம் மக்களாகிய நாங்கள் மீண்டும் எமது சொந்த மண்ணில் குடியமர வேண்டும் எனவும்,தாங்கள் கடந்த 5 வருடங்களாக மேற்கொண்டு வந்த முயற்சி வெற்றி பெற வேண்டும் எனவும் பிரார்த்தனைகளில் ஈடுபட்டனர்.

திருவிழாத்திருப்பலியின் நிறைவில் அன்னையின் திருச்சொரூப பவனியும் அதனைத் தொடர்ந்து திருச்சொரூப ஆசீரும் இடம்பெற்றது

மேலும்>>>