| Friday, 26 October 2012.By.Rajah. |
| கொலிவுட்டின் பிரபல நடிகையான லட்சுமி ராமகிருஷ்ணன், ஆரோகணம் படத்தின் மூலம் இயக்குனராக அவதாரம் எடுத்துள்ளார். |
சென்னை பிரசாத் லேப் திரையரங்கில் ஊடகத்தினருக்காக ஆரோகணம் படம்
திரையிடப்பட்டது.
வீட்டை விட்டு வெளியே செல்லும் குடும்ப நாயகி விஜி விபத்தில் சிக்குகிறார்.இதை அறியாத அவருடைய மகன், மகள் இருவரும் அம்மாவை தேடி அலைகிறார்கள். கடைசியில் காவல்நிலையத்தில் புகார் செய்கிறார்கள். விபத்தில் சிக்கிய விஜிக்கு என்ன ஆனது, இறுதியில் அவர் தன குடும்பத்தினருடன் இணைந்தாரா என்பதை அழுத்தமாக சொல்ல முயற்சித்துள்ளார் இயக்குனர் லட்சுமி ராமகிருஷ்ணன். விசாலமான கண்களில் உணர்வுகளை நிறுத்தி, இனம் புரியாத மனசோர்வின் பிடியில் சிக்கித் தவிக்கும் பாத்திரத்தை உள்வாங்கி நடித்துள்ளார் விஜி. கேயின் இசையில் தப்பாட்டம் என்ற பாடல் ரசனைக்குரிய பாடலாக ஒலிக்கிறது. இப்படத்தை கே.பாலசந்தர், வசந்த், சற்குணம், அறிவழகன், மிஸ்கின் போன்ற இயக்குனர்கள் பாராட்டியுள்ளது குறிப்பிடத்தக்கது |
