இணைந்து வாழும் பண்பாடு தேவை: ஜேர்மனி ஜனாதிபதி

செவ்வாய்க்கிழமை, 23 ஒக்ரோபர் 2012, By.Rajah.

தலைநகர் பெர்லினில் நடந்த கூட்டத்தில் ஜனாதிபதி ஜோவாக்கீம் கௌக் மக்களுக்கு மத்தியில் பேருரை ஆற்றினார். அலெக்ஸாண்டர் பிளாட்ஸ் அருகே நகர்மன்றத்தில் நடந்த கூட்டத்தில் நூற்றுக்கணக்கானோர் கலந்து கொண்டனர். பெர்லின் மாநகர் மேயர் கிளாஸ் வோவெரீட் தலைமை வகித்தார். அங்கு ஜனாதிபதி கௌக் சர்வசமய நல்லிணக்கம் குறித்து தன் முதல் உரையை ஆற்றினார். அப்போது அவர் பிறரது சமயக் கொள்கைகளைப் புரிந்து கொள்வதற்கு முன்பாக ஒருவர் தமது சமயக் கொள்கைகளைத் தெளிவாகத் தெரிந்து கொள்ள வேண்டும் என்றார். இவ்வாறான தெளிந்த நல்லறிவு இருந்தால் ஒருவர் மற்றவருடைய பண்பாட்டை மதித்து அவருடன் இணக்கமாக வாழ முடியும். இணைந்து வாழும் பண்பாடு இன்றைய மனித இனத்தின் இன்றியமையாத் தேவை என்று ஆணித்தரமாகக் குறிப்பிட்டார். பின்பு நியு கோல்ன் மாவட்டத்தில் உள்ள மசூதிக்கு சென்று இளைஞர்கள் நடத்திய கூட்டம் ஒன்றில் கலந்து கொண்டார். அக்கூட்டத்திற்கு வந்திருந்த பல இளம் தொழிலதிபர்களின் வர்த்தக மையத்தையும் அவர் பார்வையிட்டார்.

முகப்பு

மேலும்>>>

குரங்குகளால் வளர்க்கப்பட்டதாக பெண்ணொருவர் எழுதிய புத்தகம்

செவ்வாய்க்கிழமை, 23 ஒக்ரோபர் 2012,By.Rajah.

பிரித்தானியாவில் வசிக்கும் மரினா சப்மான் என்ற பெண் தான் குரங்குகளால் வளர்க்கப்பட்டதாக அவரது புத்தகத்தில் எழுதியுள்ளார். கடந்த 1950ம் ஆண்டு பிறந்த மரினா, 5 வயது சிறுமியாக இருந்த போது கடத்தல் காரர்களால் கடத்தப்பட்டு காட்டில் விடப்பட்டார். அப்போது குரங்குகளுக்கு மத்தியில் வாழ்ந்ததாகவும் பறவைகளையும் முயல்களையும் பிடிக்க கற்றுக் கொண்டதாகவும் தெரிவித்துள்ளார். இது தொடர்பாக மரினா கூறியதாவது, பின்னர் வேட்டைக்காரர்கள் தன்னை ககுடா நகரிலுள்ள விபசார விடுதியொன்றில் விற்றதாகவும் அங்கிருந்து தப்பிச் சென்றதாகவும் கூறினார். அதன் பின் பல வருடங்களை வீதிகளில் கழித்த அவர் சில சமயங்களில் கைது செய்யப்பட்டு சிறைவாசம் அனுபவிக்க நேர்ந்தது. தொடர்ந்து சுமார் 15 வயதில் கொலம்பிய குடும்பமொன்றில் வீட்டுப் பணியாளராக பணியாற்றிய போது, மரினா லுஸ் ௭ன பெயர் சூட்டப்பட்டுள்ளது. இந்நிலையில் நான் வீட்டுப்பணியாளராக பணியாற்றிய கொலம்பிய குடும்பம் வர்த்தக நடவடிக்கைகளுக்காக பிரித்தானிய பிரட்போர்ட்டில் 6 மாத காலம் தங்கிய போது அவர்களுடன் பிரித்தானியாவுக்கு வந்தேன். பின்னர் தேவாலயமொன்றில் ஜோன் சப்மான் என்பவரை சந்தித்து காதல் கொண்டேன். 1977ம் ஆண்டில் அவருடன் திருமண பந்தத்தில் இணைந்தேன். தற்போது எனக்கு இரு மகள்மார் உள்ளனர். தென் அமெரிக்காவில் நிலவும் ஆட்கடத்தல் நடவடிக்கைகளின் மோசமான நிலைப்பாடு குறித்து விழிப்புணர்வை ஏற்படுத்தும் வகையில் எனது வாழ்க்கை கதையை புத்தகமாக ௭ழுதியுள்ளேன். மேற்படி கதையை தொலைக்காட்சி ஆவணப்படமாகவும் தயாரிக்க திட்டமிட்டுள்ளேன் என்றார்.

மேலும்>>>

மதுபான போத்தல்களாலும் கற்களாலும்

செவ்வாய்க்கிழமை, 23 ஒக்ரோபர் 2012,By.Rajah.

மீனவர்களை தாக்கிய இலங்கை கடற்படைஇலங்கைக் கடற்படையினர் தாம் தமிழக மீனவர்களை தாக்குவதில்லை என கூறிவந்தாலும் இன்றும் ராமேஸ்வர மீனவர்களை தாக்கியுள்ளனர்.

ராமநாதபுரம் மாவட்டம் ராமேஸ்வரத்தைச் சேர்ந்த 600க்கு மேற்பட்ட மீனவர்கள் 50க்கு மேற்பட்ட படகுகளின் மீன்பிடிக்க இன்று சென்றுள்ளனர்.
தனுஷ்கோடி- கச்சத்தீவு அருகே மீன்பிடித்துக் கொண்டிருந்த போது, அங்கு ரோந்து சுற்றி வந்த இலங்கை கடற்படையினர், மீன்வர்கள் மீது கற்களையும், வெற்று மதுபானப் போத்தல்களையும் வீசி தாக்கியுள்ளனர்.
மேலும் மீனவர்கள் வைத்திருந்த மீன்களையும், பறித்து விரட்டியடித்தனர் என்று கரைக்கு திரும்பியவர்கள் புகார் கூறியுள்ளனர் என தமிழக ஊடகங்கள் தெரிவிக்கின்றன.

மேலும்>>>

அமெரிக்கத் தூதுவர் மிச்சேல் மட்டக்களப்பிற்கு விஜயம்

 

செவ்வாய்க்கிழமை, 23 ஒக்ரோபர் 2012.By.Rajah.

இலங்கைக்கான அமெரிக்க தூதுவர் மிச்சேல் ஜே. சிசன் இன்று மட்டக்களப்பிற்கு விஜயம் செய்துள்ளார்.

இவ்விஜயத்தின் போது, மட்டக்களப்பு போதனா வைத்தியசாலையின் 15ஆம் விடுதியில் செயற்படும் வலது குறைந்தோருக்கான சிகிச்சை நிலையத்தை பார்வையிட்டார்.
தொடர்ந்து,வைத்தியசாலையின் விடுதிகள் சிலவற்றையும் தூதுவர் பார்வையிட்டார். மட்டக்களப்பு போதனா வைத்தியசாலையின் பணிப்பாளர் டாக்டர் எம்.முருகானந்தனுடன் கலந்துரையாடினார்.
அத்துடன் மட்டக்களப்பு மாவட்ட செயலகத்திற்கு விஜயம் செய்த புதிய அமெரிக்க தூதுவர், ஒல்லாந்தர் கோட்டையையும் பார்வையிட்டார். மட்டக்களப்பில் அமெரிக்கத் தூதுவர் இன்றும் நாளையும தங்கியிருந்து பிரதிநிதிகள் பலரை சந்தித்து பேச்சு நடத்தவுள்ளனர்.

மேலும்>>>

நடப்பு அரசியல் சூழ்நிலை இலங்கை-இந்திய

 

செவ்வாய்க்கிழமை, 23 ஒக்ரோபர் 2012,.By.Rajah.உறவை நிரந்தரமாக பாதிக்கும் என அச்சம்: த டைம்ஸ் ஒப் இந்தியாஇலங்கையில் தற்போது காணப்படுகின்ற அரசியல் சூழ்நிலைகள் இலங்கை;கும் இந்தியாவுக்கும் இடையிலான உறவை நிரந்தரமாக பாதிக்கும் அச்சத்தை ஏற்படுத்தி இருப்பதாக த டைம்ஸ் ஒப் இந்தியா தெரிவித்துள்ளது.

ஜனாதிபதியின் சகோதரரான பாதுகாப்பு செயலாளர் கோத்தபாய ராஜபக்ஷ 13ம் திருத்தச் சட்டம் தொடர்பில் வெளியிட்ட கருத்தினைத் தொடர்ந்தே இந்த நிலை ஏற்பட்டுள்ளதாக சுட்டிக்காட்டப்பட்டுள்ளது.
இந்தியாவினால் இலங்கைக்கு வழங்கப்பட்ட தீர்வுத் திட்டமான 13ம் அரசியல் திருத்தச் சட்டத்தை ரத்து செய்ய வேண்டும் என்ற கோத்தபாய ராஜபக்ஷ வலியுறுத்தி வருகிறார்.
எனினும், கடந்த சில மாதங்களுக்கு முன்னர் 13ம் திருத்தச்சட்டத்துக்கு அப்பால் சென்று தீர்வினை வழங்க அரசாங்கம் அர்ப்பணிப்புடன் இருப்பதாக ஜனாதிபதி மகிந்த ராஜபக்ஷ த டைம்ஸ் ஒப் இந்தியாவுக்கு தெரிவித்திருந்தார்.
இது தொடர்பில் இரண்டு நாடுகளும் கூட்டறிக்கை ஒன்றையும் விடுத்திருந்தன. இந்த நிலையில் தற்போது இந்த சட்டத்தை ரத்து செய்ய நடவடிக்கை எடுப்பது, இந்திய அரசாங்கத்தை அதிர்சியிலும், கோபத்திலும் ஆழ்த்தி இருப்பதாக தெரிவிக்கப்பட்டுள்ளது.
ஏற்கனவே ஐக்கிய நாடுகளின் மனித உரிமைகள் மாநாட்டின் போது இலங்கைக்கு எதிராக வாக்களித்தமை தொடர்பில் இந்தியாவுக்கும், இலங்கைக்கும் இடையில் முறுகல் நிலை ஏற்பட்டது.
இதனை அண்மையில் ஜனாதிபதி இந்தியா சென்றிருந்த போது, பிரதமர் மன்மோகன் சிங் சீர் செய்ய முற்பட்ட போதும், அது சாத்தியமாகவில்லை என்று த டைம்ஸ் ஒப் இந்தியா சுட்டிக்காட்டியுள்ளது.
இந்த நிலையில் தற்போது இந்தியாவின் பரிந்துரையை நிராகரிக்கும் வகையில் இலங்கை அரசாங்கம் செயற்படுகின்றமையானது, இந்தியாவை கோபத்தில் ஆழ்த்தி இருப்பதுடன், இரண்டு நாடுகளுக்கும் இடையிலான உறவில் இது பாரிய விரிசலை ஏற்படுத்தும் என்றும் தெரிவிக்கப்பட்டுள்ளது

மேலும்>>>

பேச்சுவார்த்தை நடத்துவது குறித்து புலம்பெயர் தமிழர்கள் நிபந்தனை

 

செவ்வாய்க்கிழமை, 23 ஒக்ரோபர் 2012, By.Rajah.

இலங்கை அரசாங்கத்துடன் பேச்சுவார்த்தை நடத்துவது தொடர்பில் புலம்பெயர் தமிழர்கள் நிபந்தனை விதித்து வருவதாக சிங்களப் பத்திரிகையொன்று செய்தி வெளியிட்டுள்ளது.

சுயாட்சி அதிகாரம், ஈழத் தமிழர்களின் உரிமைகளை ஏற்றுக் கொள்ளல், போர்க் குற்றச் செயல்கள் தொடர்பில் விசாரணை நடாத்துதல் போன்ற நிபந்தனைகளை புலம் பெயர் தமிழர்கள் விதித்துள்ளதாக அப்பத்திரிகையில் தெரிவிக்கப்பட்டுள்ளது.
தமது கோரிக்கைகள் மற்றும் நிபந்தனைகள் ஏற்றுக் கொள்ளப்பட்டால் மட்டுமே இலங்கை அரசாங்கத்துடன் பேச்சுவார்த்தை நடத்த முடியும் என புலம் பெயர் தமிழர்கள் அறிவித்துள்ளனர்.
நிபந்தனைகள் ஏற்றுக்கொள்ளப்படும் வரையில் பேச்சுவார்த்தை நடத்தப்பட சாத்தியமில்லை என உலக தமிழர் அமைப்பின் பணிப்பாளர் பஞ்சலிங்கம் கந்தய்யா தெரிவித்துள்ளார்.
இலங்கை அரசாங்கம் விரைவில் புலம்பெயர் தமிழர்களுடன் பேச்சுவார்த்தை நடாத்தும் என விடுக்கப்பட்ட அறிவிப்பைத் தொடர்ந்து அவர் இதனைக் குறிப்பிட்டுள்ளதாக திவயின செய்தி வெளியிட்டுள்ளது.

மேலும்>>>

நல்லடக்கம் செய்யப்பட்டவர் இரண்டு வாரங்களின் பின்னர் வீடு´'

         

Monday 22 October 2012.By.Rajah .திரும்பிய சம்பவம் களுத்துறை பிரதேசத்தில் நல்லடக்கம் செய்யப்பட்ட நபர் ஒருவர் இரண்டு வாரங்களின் பின்னர் வீடு திரும்பியுள்ளார்.

களுத்துறை வைத்தியசாலையின் பிரேத அறையில் இருந்த சடலமொன்றை தமது தந்தையின் சடலம் என பிள்ளைகள் அடையாளம் கண்டு, அதனைப் பொறுப்பேற்று இறுதிக் கிரியைகள் செய்துள்ளனர்.

நல்லடக்கம் செய்து இரண்டு வாரங்களின் பின்னர் குறித்த நபர் உயிருடன் வீடு திரும்பியுள்ளார். குறித்த நபர் களுத்துறை, கட்டுகுருந்த கரையோரத்தில் முன்னர் வாழ்ந்து வந்ததாகத் தெரிவிக்கப்படுகிறது.

சுனாமி அனர்த்தத்தை தொடர்ந்து லாகொஸ்வத்த என்னும் பிரதேசத்தில் குறித்த நபருக்கு வீடு அமைத்துக் கொடுக்கப்பட்டது. வேலைக்குச் செல்வதாகத் தெரிவித்து சென்ற தந்தையை சில நாட்களாக காணாதைத் தொடர்ந்து அவரது பிள்ளைகள் பொலிஸ் நிலையத்தில் முறைப்பாடு செய்துள்ளனர்.

இதேவேளை, சுனாமியினால் அழிவடைந்த தமது பழைய வீட்டுக்கு அருகாமையில் நஞ்சருந்தி நபர் ஒருவர் ஆபத்தான நிலையில் களுத்துறை வைத்தியசாலையில் அனுமதிக்கப்பட்ட நபர் ஒருவர் உயிரிழந்துள்ளதாக பிள்ளைகளுக்கு தகவல் கிடைக்கப் பெற்றது.

தமது பழைய வீட்டிற்கு அருகாமையில் நஞ்சருந்தி உயிரிழந்தவர் தமது தந்தையாகவே இருக்கும் எனக் கருதிய பிள்ளைகள், சடலத்தைப் பொறுப்பேற்று இறுதிக் கிரியைகளை மேற்கொண்டுள்ளனர்.

இறுதிக் கிரியைகள் மேற்கொள்ளப்பட்டு இரண்டு வாரங்களின் பின்னர் ஊர் திரும்பிய நபர், தமது படம் ஒட்டப்பட்ட மரண அறிவித்தல்களைப் பார்த்து அதிர்ச்சியடைந்துள்ளார். உறவினர் வீடொன்றுக்கு சென்றிருந்ததாக குறித்த நபர் தெரிவித்துள்ளார்

மேலும்>>>

டொரண்டோ: நடைபாதையில் தனியாக சென்ற பெண்ணிடம் செக்ஸ்

Monday22October2012By.Rajah. சில்மிஷம் செய்த 15 வயது சிறுவன் கைது டொரண்டோவில் 15 வயது சிறுவன் ஒருவன் நடைபாதையில் நடந்து சென்ற பெண் ஒருவரிடம் செக்ஸ் தொல்லை கொடுத்த குற்றத்திற்காக கைது செய்யப்பட்டுள்ளான்.

டொரண்டோவின் Bloor and Christie area என்ற பகுதியில் சென்ற சனிக்கிழமை இரவு 11 மணியளவில் நடைபாதையில் தனியாக நடந்து சென்ற ஒரு பெண்ணிடம் பாலியல் தொல்லை கொடுத்ததாக குற்றம் சாட்டப்பட்டு கைது செய்யப்பட்டான். Youth Criminal Justice Act விதிகளின்படி சிறுவன் மைனராக இருப்பதால், அவனுடைய பெயர் மற்றும் முகவரியை காவல்துறையினர் தெரிவிக்க மறுத்துவிட்டனர். ஆனால் அவன் மேல் மொத்தம் 14 கிரிமினல் குற்றச்சாட்டுகள் பதிவு செய்யப்பட்டதாக காவல்துறையினர் தெரிவித்தனர்.

டொரண்டோ காவல்துறை அதிகாரி Bill Blair திங்கட்கிழமை நடந்த செய்தியாளர் சந்திப்பில் இந்த தகவலை தெரிவித்த அவர், இந்த சிறுவன் செய்த குற்றத்திற்கு சிறுவனை மட்டும் குறைகூற முடியாது என்றும், அவன் வளர்க்கப்பட்ட விதம் குறித்து கேள்வி எழுகிறது என்றும், இதுபோன்ற குற்றங்களை தடுக்க, பெற்றோர்கள் தங்கள் பிள்ளைகளுக்கு நல்ல அறிவுரைகள் கூறி வளர்க்க வேண்டியது அவர்களது கடமை என்றும் தெரிவித்தார். குற்றம் சாட்டப்பட்ட சிறுவனை திங்கட்கிழமை மாலை நீதிமன்றத்தில் சமர்ப்பிக்க இருப்பதாகவும், அவர் தெரிவித்தார்        

மேலும்>>>

கனடா: 5.5 மில்லியன் கிலோகிராம் ஈகோலி வைரஸ் பாதித்த

.

Monday 22 October 2012  மாட்டிறைச்சியை அழிக்க CFIA உத்தரவு.   கனடாவின் அல்பெர்ட்டா கம்பெனியில் ஈ கோலி பாதிக்கப்பட்ட மாட்டிறைச்சி அனைத்தும் அழிப்பதற்கான உத்தரவு வழங்கப்பட்டுள்ளது. The Canadian Food Inspection Agency இன்று வெளியிட்டுள்ள ஒரு அறிக்கையில், அல்பெர்ட்டா கம்பெனியில் வெளிநாட்டிலிருந்து திரும்பி வந்த ஈகோலி பாதிக்கப்பட்ட மாட்டிறைச்சி, மற்றும் உற்பத்தியாகி விற்பனையாகாமல் இருக்கின்ற மாட்டிறைச்சி அனைத்தையும் ஒரே இடத்தில் வைத்து அழிக்கப்படும் எனவும் உத்தரவிடப்பட்டூள்ளதாக CFIA செய்திதொடர்பாளர் Lisa Gauthier ஆணையிட்டுள்ளார்.

Brooks plant மற்றும் கிடங்குகளில் வைக்கப்பட்டுள்ள 5.5 மில்லியன் கிலோகிராம் மாட்டிறைச்சியை அதிக வெப்பத்தில் வைத்து ஈகோலி கிருமியை கொல்வதற்கான நடவடிக்கை எடுக்கப்படும் என்றும், அவ்வாறு பரிசோதித்த மாட்டிறைச்சி மட்டுமே பொதுமக்களின் பயன்பாட்டுக்கு அனுப்பப்படும் என்றும் தெரிவிக்கப்பட்டுள்ளது. www.thedipaar.com

அமெரிக்காவில் இருந்து மட்டும் 1.1 மில்லியன் கிலோகிராம் மாட்டிறைச்சி திருப்பி அனுப்பப்பட்டதாகவும், அதுபோக மீதி எவ்வளவு ஈகோலி மாட்டிறைச்சி இருப்பில் உள்ளது என்பதை இன்னும் சரியாக கணக்கிடவில்லை என்றும் அதிகாரிகள் தெரிவித்தனர்.

மேலும்>>>

மனைவியின் மர்ம உறுப்பை வெட்டி கொலை

  Monday 22 October 2012 .By.Rajah.செய்த கொடூர கணவன்! மர்ம உறுப்பு வெட்டப்பட்ட நிலையில் பெண் ஒருவரின் சடலம் பலாங்கொடை - மேல் பலாங்கொடை தோட்ட வீடொன்றிலிருந்து மீட்கப்பட்டுள்ளது.

பலாங்கொடை பொலிஸாருக்கு இன்று (22) காலை 06.05 அளவில் கிடைக்கப்பெற்ற தகவல் ஒன்றை அடுத்து இந்த சடலம் மீட்கப்பட்டுள்ளது.

சடலமாக மீட்கப்பட்ட பெண் பலாங்கொடை மேல் தோட்டத்தைச் சேர்ந்த 38 வயதுடைய வெள்ளசாமி பரமேஸ்வரி என அடையாளம் காணப்பட்டுள்ளார்.

குறித்த பெண்ணின் கணவரே அவரை மர்ம உறுப்பில் வெட்டி கொலை செய்திருக்கலாம் என பொலிஸார் சந்தேகம் வெளியிட்டுள்ளனர்.

கொலைக்கான காரணம் இதுவரை கண்டறியப்படவில்லை.

பலாங்கொடை நீதவான் மரண விசாரணைகளை ஆரம்பித்துள்ளார்.

பலாங்கொடை பொலிஸார் மேலதிக விசாரணைகளை மேற்கொண்டு வருகின்றனர்       

மேலும்>>>