இதைத் தான் மனிதாபிமானம் என்பார்களோ!

29.08.2012.BY.rajah,

போதைப் பொருள் பாவனையாளர்களின் கைகளில் சிக்கி தனது முன் இரண்டுகால்களையும் இழந்து நடக்க முடியாது மரணத்தின் விழிம்பில் இருந்த நாயைக் காப்பாற்றி அதற்கு செயற்கைக் கால்களைக் கொடுத்து நடக்க வைத்துள்ளார் லெமன் பை என்பவர்.
மெக்ஸிக்கோவில் இடம்பெற்ற இச்சம்பவத்திலிருந்து நாயை மீட்டெடுப்பதற்கு சுமார் 6,000 அமெரிக்க டொலர்களை செலவு செய்துள்ளார் என்பது குறிப்பிடத்தக்கது.

 

மேலும்>>>

இது மீன் என்றால் உங்களால் நம்பமுடியுமா?-காணொளி-

29.08.2012.BYrajah.இப்டிஓர் அதி சயமான மீன் இனத்தைமுன்பு ஒரு போதும் நாம் கண்டது இல்லை அதி சயம் உண்மை கண் குளிர பாருங்க

 

 

 

மேலும்>>>

கிறிஸ்தவர் மற்றும் பெண் ஒருவர் எகிப்து ஜனாதிபதி உதவியாளர்களாக நியமனம்

29.08.2012.BYrajah.

எகிப்து ஜனாதிபதி மொஹமட் முர்சி தனது உதவியாளர்களில் ஒரு கிறிஸ்தவர், பெண் மற்றும் இரு இஸ்லாமிய வாதிகளை நியமித்துள்ளார். கிறிஸ்தவ மிதவாத எழுத்தாளரான சமிர் முர்குஸ் ஜனநாயக ஆட்சி மாற்றத்திற்கான ஜனாதிபதி உதவியாளராகவும், கெய்ரோ பல்கலைக்கழகத்தில் அரசியல் விஞ் ஞான விரிவுரையாளரான பகினம் அல் ஷர்காவி என்ற பெண் ஜனாதிபதியின் அரசியல் விவகார உதவியாளராகவும் முர்சி நியமித்துள்ளார்.

முஸ்லிம் சகோதரத்துவ அமைப்பின் முன்னாள் உறுப்பினரான மொஹமட் முர்சி தனது தேர்தல் பிரசாரத்தில் கிறிஸ்தவர் ஒருவர் தனது உதவியாளராக பெரும்பாலும் துணை ஜனாதிபதியாக நியமிக்கப் படுவார் என வாக்குறுதி அளித்திருந்தார். ஆனால் முன்னாள் நீதிபதியான மஹ்மூத் மெக்கி துணை ஜனாதிபதியாக நியமிக்கப்பட் டுள்ளார். எனினும் எகிப்து சனத்தொகையில் 10 வீதம் கொண்ட கிறிஸ்தவர்கள் புதிய அரசில் தமது பிரதிநிதித் துவம் குறித்து அதிருப்தி வெளியிட்டுள்ளனர்.

எகிப்து அமைச்சரவையிலும் ஒரு கிறிஸ்தவரே இணைக்கப் பட்டுள்ளார். இதில் கடும் போக்கு சலபி கட்சியான நூர் கட்சியின் தலைவர் இமாத் அப்துல் கபூர் ஜனாதி பதியின் சமூக தொடர்புகள் குறித்த உதவியாளராகவும் முஸ்லிம் சகோதரத்துவ அமைப்பின் இஸ்ஸாம் அல் ஹதாத் வெளியுறவு மற்றும் சர்வதேச ஒத்துழைப்புக்கான உதவியாளராகவும் நியமிக்கப் பட்டுள்ளனர். இதுதவிர 17 ஜனாதிபதி ஆலோசகர்களும் நியமிக்கப்பட்டுள்ளனர்

மேலும்>>>

2020 இல் காசா பகுதி வாழ தகுதியற்ற பிரதேசம்

29.08.2012.BY.rajah.உடன் நடவடிக்கைக்கு ஐ.நா. வலியுறுத்து

பலஸ்தீனின் காசா பகுதி 2020 ஆம் ஆண்டாகும் போது வாழத் தகுதியற்ற பகுதியாக மாறும் அபாயம் இருப்பதாக ஐ.நா. எச்சரிக்கை விடுத்துள்ளது. அங்கு உடன் சுகாதாரம், நீர் விநியோகம், மின்சக்தி மற்றும் பாடசாலைகள் மேம்படுத்தப்பட வேண்டும் என வலியுறுத்தப்பட்டுள்ளது.

“காசாவில் வசதிகள் உடன் மேம்படுத்த வேண்டும். இல்லாவிட்டால் 2020 ஆம் ஆண்டில் அங்கு வாழ முடியாத நிலை ஏற்படும். தற்போதே அங்கு வாழ்வது கடினமாக உள்ளது” என்று ஐ.நா.வுக்கான மனிதாபிமான இணைப்பாளர் மக்ஸ்வெல் கெய்லாட் ஊடகங்களுக்கு தெரிவித்தார். இது குறித்த ஐ.நா. அறிக்கை நேற்று முன்தினம் வெளியிடப்பட்டது.

அப்போதே அவர் இவ்வாறு தெரிவித்தார். காசாவின் தற்போதைய சனத்தொகை 1.6 மில்லியனாக உள்ளது. அது 2020 ஆம் ஆண்டாகும்போது 2.1 மில்லியனாக அதிகரிக்கும். இந்த சனத்தொகை அதிகரிப்பால் அங்கு ஒரு சதுர கிலோ மீற்றருக்கு 5,800 பேருக்கு மேல் வசிப்பார்கள் என ஐ.நா. வெளியிட்டுள்ள அறிக்கையில் கூறப்பட்டுள்ளது.

எனினும் காசாவின் நிர்வாகக் கட்டமைப்பு சனத்தொகை அதிகரிப்புக்கு ஏற்ப வளர்ச்சியடையவில்லை. குறிப்பாக மின் விநியோகம், நீர் விநியோகம், சுகாதாரம், நகர அபிவிருத்தி மற்றும் சமூக சேவைகள் வளர்ச்சியடையவில்லை என அந்த அறிக்கையில் கூறப்பட்டுள்ளது.

காசாவின் கால் பங்கு கழிவு நீரே, மீள் பயன்பாட்டுக்கு பெறப்படுகிறது. எஞ்சிய நீர் மத்திய தரைக் கடலுடன் கலக்கிறது. காசா கடற் பகுதியை இஸ்ரேல் முழுமையாக முடக்கியுள்ளதால் அங்கு எப்போதும் இல்லாத அளவுக்கு எரிபொருள் தட்டுப்பாடு நிலவுவதோடு அதன் காரணமாக தொடர்ச்சியான மின் தடைக்கும் உள்ளாகி வருகிறது. அதேபோன்று காசாவில் வேலையில்லா தோர் எண்ணிக்கை 45 வீதமாக உயர்ந்துள்ளது.

இந்நிலையில் அடுத்த 8 ஆண்டுகளுக்குள் காசாவின் குடிநீர் தேவை 60 வீதமாக அதிகரிக்கும் என குறிப்பிட்டுள்ள ஐ.நா. பிரதான நீர் ஆதாரங்களான நீர்த் தேக்கங்களில் ஏற்பட்டுள்ள சேதங்கள் அங்கு பாரிய விளைவுகளை ஏற்படுத்தும். உடன் சரி செய்யப்படாவிட்டால் பாரிய விளைவுகள் ஏற்படும் அபாயம் இருப்பதாக எச்சரிக்கப்பட்டுள்ளது.

இதன்படி 2020 ஆம் ஆண்டாகும் போது காசா பகுதிக்கு மேலும் 440 க்கு மேற்பட்ட பாடசாலைகள், 800 மருத்துவமனை படுக்கைகள் மற்றும் மேலும் 1000 க்கும் மேற்பட்ட மருத்துவர்கள் தேவைப்படுவதாக கூறப்பட்டுள்ளது.

இஸ்ரேலின் முற்றுகை

கடந்த 2006 ஆம் ஆண்டு காசாவில் இஸ்ரேல் இராணுவ வீரர் ஒருவர் போராளிகளால் கடத்தப்பட்டதைத் தொடர்ந்து அந்தப் பகுதிக்கான விநியோகப்பாதைகளை இஸ்ரேல் முடக்க ஆரம்பித்தது. இவ்வாறு கைது செய்யப்பட்ட வீரரே கடந்த ஆண்டு ஒக்டோபரில் கைதிகள் பரிமாற்றத்தின் கீழ் 1,027 பலஸ்தீன கைதிகளுக்கு பதில் விடுவிக்கப்பட்டார்.

எனினும் 2007 ஆம் ஆண்டு ஹமாஸ் அமைப்பு ஆட்சிக்கு வந்ததும் இஸ்ரேல் அந்த பகுதிக்கான முழு விநியோகப் பாதைகளையும் முடக் கியது.

இதனால் குறுகிய கடற்கரை பகுதியான காசாவில் ஐ.நா. உதவி, வெளிநாட்டு நிதியுதவி மற்றும் சுரங்கப்பாதை ஊடாகவே அங்குள்ள வர்களுக்கு உணவு, கட்டுமானப் பொருட்கள், மின்னணுப் பொருட்கள், கார்கள் என்பன எகிப்தினூடாக கிடைக்கப் பெறுகின்றன.

காசாவில் 80 வீதமானோர் உதவிகளிலேயே தங்கியிருப்பதால் அப்பகுதிக்கான சர்வதேச உதவிகளை அதிகரிக்குமாறு ஐ.நா.வுக்கான மனிதாபிமான இணைப்பாளர் கெய்லாட் கோரியுள்ளார். “அவர்கள் முற்றுகைக்கு உள்ளாகியுள்ளனர். அவர்கள் ஆக்கிரமிப்பின் கீழ் உள்ளார்கள்.

அவர்களுக்கு அரசியல் மற்றும் சாதாரண விடயங்களிலும் எமது உதவி தேவைப்படுகிறது” என்றார். எனினும் ஹமாஸ் அமைப்புக்கும் இஸ்ரேலுக்கும் இடையிலான மோதல் போக்கு தொடர்ந்த வண்ணமே உள்ளது.

காசாவில் மக்கள் வாக்கெடுப்பின் மூலம் தேர்வான ஹமாஸ் அமைப்பை மேற்கு நாடுகள் தீவிரவாத அமைப்பாகவே கருதுகிறது

மேலும்>>>

மூழ்கும் கப்பலில் தொடர்ந்தும் எண்ணெய்க் கசிவு

29.08.2012.BY.rajah.

 

மீன்களின் இறப்புக்கு எண்ணெய் கசிவு காரணமா? வெள்ளவத்தை கடற்பரப்பில் உயிரிழந்திருக்கும் மீன்களின் இறப்புக்கு கடலில் ஏற்பட்டுள்ள எண்ணெய் கசிவுதான் காரணமா? என்பது குறித்து ஆராய்வதற்கென இறந்த மீனின் உடற் பாகங்களை பெற்றுக் கொள்ளவிருப்பதாக நாரா நிறுவனம் தெரிவிக்கிறது. உயிரிழந்த மீன்கள் இரண்டே இதுவரை மீட்கப்பட்டிருப்பதனால் இவை எண்ணெய் கசிவினால் உயிரிழக்கப்படவில்லை என்ற தீர்மானத்திற்கு வரமுடியுமெனவும் நாரா நிறுவனத்தின் அதிகாரியொருவர் கூறினார். இருப்பினும் தொடர்ந்தும் நாம் இது குறித்து விழிப்புணர்வுடன் செயற்பட்டு வருகிறோம். மீனவர்கள் தமக்கு தேவையில்லாத, விற்பனைக்கு உதவாத மேற்படி வகையான மீன்களை கடலில் எறிந்துவிட்டு செல்வதுண்டு மீட்கப்பட்டி ருக்கும் உயிரிழந்த மீன்கள் மீனவர்களால் கடலில் எறியப்பட்டவையாக இருக்கலா மென்றே ஊகிக்க முடிவதாகவும் அவர் குறிப்பிட்டார். இதேவேளை, பாணந்துறை கடற்பரப்பில் மூழ்கியிருக்கும் சைப்பிரஸ் நாட்டுக்குச் சொந்தமான கப்பலிலிருந்து தொடர்ந்தும் ஆங்காங்கே எண்ணெய் கசிவு இடம்பெற்று வருவதாகவும் அதனை அகற்றும் பணியில் சமுத்திர வள பாதுகாப்பு அதிகாரிகள் ஈடுபட்டு வருவதாகவும் அதிகார சபையின் பொதுமுகாமையாளர் கூறினார்

மேலும்>>>

தனக்குத் தானே தீ மூட்டி வயோதிப பெண் தற்கொலை!- ஊர்காவற்துறையில் சம்பவம்

 

புதன்கிழமை, 29 ஓகஸ்ட் 2012, BY.rajah.

தனக்குத்தானே தீ மூட்டி ௭ரிந்து வயோதிப மாது ஒருவர் தற்கொலை செய்துள்ளார். இச்சம்பவம் நேற்று நண்பகல் 12.30 மணியளவில் ஊர்காவற்றுறைச் சுருவில் வீதிக்கு அருகிலுள்ள வீடொன்றில் இடம்பெற்றுள்ளது.

அதே இடத்தைச் சேர்ந்த மேரி பாத்திமா (வயது 62) ௭ன்ற வயோதிபப் பெண்ணே தீமூட்டி உயிரிழந்தவராவார்.
இவருடைய சடலம் யாழ்.போதனா வைத்தியசாலையில் ஒப்படைக்கப்பட்டுள்ளது.
இவர் கடந்த மூன்று தினங்களுக்கு முன்னர் ௭ன்புநோய் தொடர்பாக கைதடி சித்த ஆயுள்வேத வைத்தியசாலையில் சிகிச்சை பெற்றவர் ௭ன்பது குறிப்பிடத்தக்கது

மேலும்>>>

கொள்ளுப்பிட்டி இரவு களியாட்ட இடத்தில் நாகபாம்புடன் நடனமாடிய யுவதி கைது

 

புதன்கிழமை, 29 ஓகஸ்ட் 2012, BY.rajah.

கொழும்பு கொள்ளுப்பிட்டியில் உள்ள இரவு களியாட்ட இடம் ஒன்றில் நாகபாம்புடன் நடனமாடிய 22 வயதான யுவதி ஒருவர் கைது செய்யப்பட்டார்.

குறித்த களியாட்ட இடத்தில் இருந்து கிடைத்த தகவலின் பேரில் அங்கு பொலிஸார் சென்ற போது யுவதி, தமது உடலில் நாகபாம்பை சுற்றிய வண்ணம் நடனமாடிக் கொண்டிருந்ததாக தெரிவிக்கப்பட்டுள்ளது.
கைதுசெய்யப்பட்ட பின்னர் சுகவீமுற்ற குறித்த யுவதி கொழும்பு தேசிய வைத்தியசாலையில் அனுமதிக்கப்பட்டார்

மேலும்>>>

பல்கலை. விரிவுரையாளர்கள் போராட்டத்தினால் இசட் புள்ளி பிரச்சினைக்கு தீர்வு காண்பதில் நெருக்கடி

 

புதன்கிழமை, 29 ஓகஸ்ட் 2012, BYrajah.

பல்கலைக்கழக விரிவுரையாளர்களின் தொழிற்சங்கப் பிரச்சினைக காரணமாக இசட் புள்ளி பிரச்சினைக்கு தீர்வு காண்பதில் நெருக்கடி நிலைமை ஏற்பட்டுள்ளதாக தெரிவிக்கப்படுகிறது.

இசட் புள்ளி சர்ச்சைக்கு தீர்வு வழங்கும் நோக்கில் அதிகளவு மாணவர்களை பல்கலைக்கழகங்களில் சேர்ப்பதற்கு தீர்மானிக்கப்பட்டுள்ளதாக பல்கலைக்கழக மானியங்கள் ஆணைக்குழு தெரிவித்துள்ளது.
எனினும், விரிவுரையாளர்கள் நடத்தி வரும் தொடர் போராட்டம் காரணமாக மாணவர்களை சேர்ப்பதில் நடைமுறைச் சிக்கல்கள் ஏற்பட்டுள்ளதாகக் குறிப்பிட்டுள்ளது.
பல்கலைக்கழக விரிவுரையாளர்கள் நடத்தி வரும் போராட்டம் காரணமாக அதிகளவில் மாணவர்களை இணைப்பது தொடர்பிலான தீர்மானங்களை எடுக்க முடியவில்லை என தெரிவித்துள்ளது

மேலும்>>>

சமுத்திரக்கனியின் சாட்டை பாடல்கள் இன்று வெளியீடு

28.08.2012.BY.rajah.

மைனா படத்தின் மாபெரும் வெற்றியைத் தொடர்ந்து ஷாலோம் ஸ்டூடியோஸ் சார்பில் பிரபு சாலமன், ஜான் மேக்ஸ் இருவரும் இணைந்து தயாரிக்கும் படம் சாட்டை.

இந்த படத்தில் சமுத்திரகனி ஆசிரியர் வேடம் ஏற்று நடிக்கிறார். படத்தில் கண்ணியம் மிக்க ஆசிரியராக வலம் வரும் சமுத்திரகனிக்கு சுவாசிகா ஜோடியாக நடிக்கிறார். இளம் கதாநாயகனாக நடிக்கும் யுவனுக்கு, மகிமா ஜோடியாக நடிக்கிறார். வில்லனாக தம்பி ராமய்யா நடிக்கிறார். மைனா படத்திற்கு தேசிய விருதையும், பாராட்டுகளையும் பெற்ற தம்பி ராமய்யா இப்படத்தில் வில்லனாக நடிக்கிறார். பிளாக் பாண்டி, பிரேம், ஜீனியர் பாலையா, அவரது மகன் முரளி, பாவாலட்சுமணன் ஆகியோர் சாட்டைக்கு வலு சேர்க்கும் கதாபாத்திரங்கள். சாட்டை படம் பற்றி இயக்குனர் கூறுகையில், சாட்டை கதை நல்ல விதை! நல்ல விதை விதைக்கப்படுகிற நிலத்தை பொறுத்தே விருட்சமாவதும், வீணாவதும் தீர்மானிக்கப்படுகிறது. பிரபுசாலமன்- ஜான் மேக்ஸ் இருவரும் நல்ல கதைக்கு கொடுத்த மரியாதைக்கு தலை வணங்குகிறேன். பிரபு சாலமன் தனது மாணவனை மதித்து, எனக்கு இந்த வாய்ப்பை வழங்கினார். நானும் அவரது பெயரை காப்பாற்றி இருக்கிறேன் என்று தெரிவித்தார். பிரபு சாலமன் கூறுகையில், திரைப்படக் கல்லூரியில் கோல்டு மெடல் பெற்றவர் அன்பழகன். சாட்டை என்கிற தலைப்பு ஆக்ஷன் தலைப்பாக தெரிந்தாலும், இது ஆக்ஷன் படமில்லை. எந்தவொரு நாடும் வளமான நாடாக மதிக்கப்படுவது அந்த நாட்டின் கல்வித்துறையின் செயல்பாடுகளை வைத்து தான். பொறுப்பில்லாத ஆசிரியர்களும் இருக்கிறார்கள். கல்வியின் மதிப்பு தெரியாத மாணவர்களும் இருக்கிறார்கள். பெற்றோர்கள் தங்களது வாரிசுகளை ஆசிரியர்களை நம்பித்தான் அனுப்புகிறார்கள். ஆசிரியர்களும் பொறுப்புடன் நடந்து கொள்ள வேண்டும். மாணவர்கள் ஆசிரியர்களிடம் என்ன எதிர்பார்க்கிறார்கள் என்பதை சாட்டையில் பதிவு செய்திருக்கிறோம். தயா கதாபாத்திரத்தில் சமுத்திரக்கனியும், மாணவன் வேடத்தில் யுவனும் பொருந்தி போய் விட்டார்கள். இந்த படத்தை தயாரிப்பதற்காக பெருமைப்படுகிறோம் என்றார்கள் பிரபு சாலமனும், ஜான் மேக்சும்.

மேலும்>>>

ஊடகத்தினருக்காக திரையிடப்பட்ட 18 வயசு படம்

சென்னை ஃபோர் பிரேம்ஸ் திரையரங்கில் ஊடகத்தினருக்காக 18 வயசு படம் திரையிடப்பட்டது.

நிக் ஆர்ட்ஸ் தயாரித்துள்ள 18 வயசு படத்தை ரேணிகுண்டா பன்னீர் செல்வம் இயக்கியுள்ளார். இதில் ஜானி, காயத்திரி, ரோஹிணி, சத்யேந்திரன், மறைந்த எழுத்தாளர் கிருஸ்ணா டாவின்சி, யுவராணி, டொக்டர் சூரி மற்றும் பலர் நடித்துள்ளார்கள். சக்தி ஒளிப்பதிவு செய்ய தினேஷ், சார்லஸ் போஸ்கோ இசையமைத்துள்ளனர். சண்டைப் பயிற்சியை ராஜசேகர் கவனிக்க திரைப்படத்தை ஆண்டனி தொகுத்து வழங்கியுள்ளார். குடும்ப சூழலால் மன நிலை தவறும் இளைஞனின் வாழ்க்கையை சொல்லியிருக்கிறார் இயக்குனர் பன்னீர் செல்வம். அம்மாவின் பாசத்துக்கும் தோழியின் அன்புக்கும் ஏங்கித் தவிக்கிறார் இளம் நாயகன் ஜானி. காடும், நட்சத்திர வான் வெளியும் தான் சுகமளிக்கும் உறுதியாக ஜானி நம்புகிறார். நண்பன் சொன்னதால் தோழி காயத்ரியின் காதல் நெருக்கத்தை ஜானி விரும்புகிறார். அம்மா யுவராணியையும், அவரின் அந்தரங்க நண்பனையும் தீர்த்துக் கட்டுகிறார். நண்பன் சத்யேந்திரன் உதவ, தோழி காயத்ரியோடு ஜானி தான் விரும்பிய காட்டுக்கு பயணமாகிறார். ஜானியை வேட்டையாட பொலிஸ் துரத்துகிறது. மரண வாசலை நோக்கி வேகமாக செல்லும் நாயகன் ஜானியை காப்பாற்ற டொக்டர்கள் கிருஷ்ணா டாவின்சியும் ரோகிணியும் போராடுகிறார்கள். பொலிஸின் துப்பாக்கிக்கு ஜானி பலியாகிறாரா? தோழி காயத்ரியின் அன்பு ஜானிக்கு கிடைத்ததா? என்பதை பரபரப்பாக இயக்குனர் பன்னீர் செல்வம் சொல்லியிருக்கிறார். சவாலான கதாபாத்திரத்தில் ஜானி மிருகத்தனமான நடிப்பைக் காட்டியிருக்கிறார். சீரியசான காட்சிகளில் காயத்ரி அழுத்தமான நடிப்பைக் காட்ட முயற்சித்துள்ளார். தொழில் நுட்ப அளவில் ரசிகர்களை கவரும் வகையில் '18 வயசு' படம் வந்துள்ளது

மேலும்>>>