விஷவாயுவை பயன்படுத்திய ஜேர்மன்{ காணொளி]

  வரலாற்றில் இன்றைய தினம்: 1915 முதன் முதலாக போரில் விஷவாயுவை பயன்படுத்தியது ஜேர்மனி

.

1945 - இரண்டாம் உலகப் போர்: சோவியத் படைகள் பெர்லினில் எபெர்ஸ்வால்ட் நகரை இலகுவாகக் கைப்பற்றியதைக் கேள்வியுற்ற ஹிட்லர் தனது தோல்வியை ஒப்புக்

1970 - முதலாவது பூமி நாள் கொண்டாடப்பட்டது
.

2006 - இந்தியாவின் ஒரிசா மாநிலத்தில் உள்ள ஆய்வு மையத்தில் பிரமோஸ் ஏவுகணை வெற்றிகரமாகச் சோதிக்கப்பட்டது.

1915 முதன் முதலாக போரில் விஷவாயுவை பயன்படுத்தியது ஜேர்மனி.

மேலும்>>>

சுனாமி எச்சரிக்கை சாலமன் தீவுகளில் 7.6 ரிக்டர் அளவில்`!!:

சாலமன் தீவுகளில் 7.6 ரிக்டர் அளவில் நில அதிர்வு உணரப்பட்டதை அடுத்து, அங்கு சுனாமி எச்சரிக்கை விடுக்கப்பட்டுள்ளது.சாலமன் தீவுகளில் இன்று அதிகாலை 7.6 ரிக்டர் அளவில் நில அதிர்வு உணரப்பட்டுள்ளது.

இதனையடுத்து சாலமன் தீவுகள், பப்புவா நியூகினியா மற்றும் நியூ கெலடோனியா ஆகிய பகுதிகளுக்கு சுனாமி எச்சரிக்கை விடுக்கப்பட்டுள்ளது.

கடந்த வாரம் சாலமன் தீவுகளி்ல் ஏற்பட்டுள்ள வெள்ளத்தினால் 16 பேர் உயிரிழந்தமை குறிப்புடத்தக்கது.

இந்நிலையில் சுனாமி எச்சரிக்கை விடுக்கப்பட்டதை அடுத்து அப்பகுதியிலுள்ள மக்கள் பாதுகாப்பான இடங்களுக்கு அனுப்பட்டுள்ளனர்.

எவ்வாறாயினும் நில அதிர்வினால் ஏற்பட்ட சேத விபரங்கள் தொடர்பில் தகவல்கள் எதுவும் இதுவரை வெளியிடப்படவில்லை.
 

மேலும்>>>

கொரியாவைத் தாக்க தயாராகும் அமெரிக்க கப்பல்கள்

வடகொரியா தொடர்ந்து அணு ஆயுத சோதனை நடத்தி வருகிறது. எவுகணைகளை வீசி ஒத்திகையும் நடத்துகிறது. சர்வதேச நாடுகளின் கண்டனத்தை கண்டு கொள்வதில்லை.
இந்த நிலையில் கடந்த மாதம் இறுதியில் வடகொரியாவுக்கு போட்டியாக தென்கொரியாவும் கடலுக்குள் ஏவுகணைகளை வீசி சோதித்து பார்த்தது. இதனால் ஜப்பான் கடல் பகுதியில் பாதுகாப்பற்ற சூழ்நிலை நிலவுகிறது.

இந்த சூழ்நிலையில் அமெரிக்க ராணுவ செயலாளர் சக்ஹெகல் ஆசிய பசிபிக் நாடுகளில் 10 நாள் சுற்றுப்பயணம் மேற்கொண்டுள்ளார். அந்த வகையில் நேற்று ஜப்பான் தலைநகர் டோக்கியோ சென்றார்.

அங்கு ஜப்பான் ராணுவ அமைச்சர் சுனோரி ஒனோடெராவை சந்தித்து பேசினார். அப்போது வடகொரியாவின் அணு ஆயுத அச்சுறுத்தல் குறித்து விவாதிக்கப்பட்டது.

அதன்பின்னர் அமெரிக்க ராணுவ செயலாளர் சக் ஹெகல் நிருபர்களுக்கு பேட்டி அளித்தார். ‘‘வடகொரியாவின் அணு ஆயுத மிரட்டலை சமாளிக்க ஜப்பானுக்கு ஏவுகணைகளை தாக்கி அளிக்கக்கூடிய 2 போர்க்கப்பல்களை அமெரிக்கா வழங்க இருப்பதாக கூறினார்.

இக்கப்பல்கள் 2017–ம் ஆண்டு வழங்கப்பட உள்ளன. இக்கப்பல்களில் ஏவுகணைகளை தாக்கி அழிக்கும் கருவி உள்ளது. அது நீண்டதூரம், குறுகிய மற்றும் நடுத்தர தூரம் சென்று தாக்கக்கூடிய ஏவுகணைகளை வழிமறித்து மோதி அழிக்கும் திறன் கொண்டது.

ஏற்கனவே இதுபோன்ற 5 போர்க்கப்பல்களை ஜப்பானுக்கு அமெரிக்கா வழங்கியுள்ளது குறிப்பிடத்தக்கது.
 

மேலும்>>>

இலங்கைத் தமிழர் இருவருக்கு தற்காலிக வீசா

 அவுஸ்திரேலியாவில் படகு மூலம் சென்று அகதி அந்தஸ்த்து கோரி இருந்த இரண்டு இலங்கைத் தமிழர்களுக்கு அந்த நாட்டில் பாதுகாப்பு வீசா வழங்கப்பட்டுள்ளது.

இந்த விசா எதிர்வரும் 12 மாதங்களுக்கு செல்லுபடியாகும் என்று தெரிவிக்கப்பட்டுள்ளது.

ஜீவா பாலசுந்தரம் மற்றும் சிவா ரவிச்சந்திரன் ஆகிய இரண்டு பேருக்குமே இந்த வீசா அனுமதி வழங்கப்பட்டுள்ளது. “

இவர்கள் இருவரும் கடந்த 2012ம் ஆண்டு மட்டக்களப்பு நகரில் இருந்து படகின் மூலம் அகதிகளாக அவுஸ்திரேலியா சென்றிருந்ததாக தெரிவிக்கப்படுகிறது.

இவர்கள் இருவரும் தென்கிழக்கு குயின்ஸ்லாந்தில் குடியேற்றப்படவுள்ளதாக கூறப்படுகிறது.

மேலும்>>>

தீவிபத்தில் நிலவும் மர்மம்!

கனடாவில் கட்டடம் ஒன்றில் மூன்று பேர் உடல்கருகி பரிதாபமாக உயிரிழந்துள்ளனர். கனடாவின் (Charlottetown) சார்லட்டவுன் மாகாணத்தில் உள்ள கட்டடம் ஒன்றில் ஏற்பட்ட தீவிபத்தில் மூன்று பேர் சிக்கினர். இவர்களை காப்பாற்ற சம்பவ இடத்திற்கு விரைந்த பொலிசார் கடும் புகை மூட்டத்தினால் காப்பாற்ற இயலாமல் போயினர். இதனையடுத்து வந்த தீயணைப்பு படை வீரர்கள் அந்நபர்களை மீட்பதற்குள் அவர்கள் உயிரிழந்தனர். மேலும் காலியான இக்கட்டடத்தில் வாலிபர்கள் சிலர் அவ்வப்போது வந்து செல்வர் என்றும் எவ்வாறு இச்சம்பவம் அரங்கேறியது என்பது தங்களுக்கு தெரியவில்லை எனவும் அப்பகுதி மக்கள் தெரிவித்துள்ளனர். இதுகுறித்து பொலிசார் தீவிர விசாரணை நடத்தி வருகின்றனர்.

மேலும்>>>

நிதி மோசடி மன்னர்களை சுற்றிவளைத்த பொலிசார்

 

கனடாவில் நிதி மோசடி விவகாரத்தில் ஆறு பேர் சிக்கியுள்ளதாக தகவல்கள் தெரிவிக்கின்றன.
கனடாவின் ரொறன்ரோ மாகாணத்தில் கிட்டத்தட்ட 200 மில்லியன் டொலர்களை மோசடி செய்து வரி மோசடியில் 6 பேர் ஈடுபட்டுள்ளதாக கூறப்படுகிறது.

இதுகுறித்து கனடாவின் RCMP பொலிஸ் குழுவினர் கூறுகையில், தாங்கள் கடந்த 2011ம் ஆண்டு முதல் மோசடியாளர்களை கண்டுபிடிக்கும் முயற்சி தொடங்கப்பட்டது என்றும் குறிப்பாக 1,000 – 300,000 வரைமுதலீடு செய்த 493 நபர்கள் மேல் விசாரணை நடத்தியுள்ளனர் எனவும் தெரிவித்துள்ளனர்.

இதன் அடிப்படையில் 6 பேரை கைது செய்து விசாரணை நடத்தப்பட்டு வருவதாக பொலிஸ் தரப்பில் தெரிவிக்கப்பட்டுள்ளது

 

 

மேலும்>>>

மர்மங்கள் நிறைந்த கலைநிபுணரின் மரணம்

சுவிசை சேர்ந்த பெண் ஒருவர் தன் தாயின் கொலை வழக்கில் கைது செய்யப்பட்டுள்ளார்.
சுவிசை சேர்ந்த 69 வயது நிரம்பிய ரெமி சாக் என்ற கலை நிபுணர் ஒருவர் பிரான்சின் முல்ஹவுஸ் மாகாணத்தில் உள்ள அல்சாஸ் பகுதியில் கடந்த சனவரி மாதம் சடலமாக எடுக்கப்பட்டார்.
இவர் தன் வீட்டின் முன் தலையில் இரத்த கரையுடன் இறந்து கிடந்ததை பார்த்த பொலிசாருக்கு, இவரது மகள் அப்பகுதியில் வசிப்பது தெரியவந்தது.

இவர் தன் மகளுடன் வாழ்ந்து வந்ததால், அவரது மகளின் மீது பொலிசார் சந்தேகம் அடைந்துள்ளனர்.
இந்நிலையில் தாயிற்கும், மகளிற்கும் இடையே தகராறு நேர்ந்ததாக கூறப்படுகிறது.
எனினும் அவர் புத்திசுவாதீனமற்றவராய் இருப்பதால் பொலிசார் விசாரணையை நடத்தமுடியாத நிலைக்கு தள்ளப்பட்டுள்ளனர்.

இதுகுறித்து தொடரப்பட்ட வழக்கில், மனநோயாளியாக உள்ள ரெமியின் மகள் எப்போது குணமடைவார் என கூற இயலாது என்றும் இவர் பூர்ணமாக குணமடையும் வரை விசாரணை ஏதும் நடத்தபடக்கூடாது எனவும் ராபின் என்ற வழக்கறிஞர் வாதாடியுள்ளார்.
 

மேலும்>>>

அரச குடும்ப ரகசியத்தை அம்பலமாக்கிய டயானா

பிரிட்டன் இளவரசர் சார்லஸ் உடனான தகராறில், அரச குடும்ப தொலைபேசி டைரக்டரியை பத்திரிக்கை ஒன்றிற்கு இளவரசி டயானா அளித்தது தெரியவந்துள்ளது.
இங்கிலாந்தின் ”நியூஸ் ஆப் தி வேர்ல்டு" பத்திரிக்கை மீது பொதுமக்களின் தொலைபேசி உரையாடல்களை ஒட்டு கேட்டு செய்திகளை வெளியிட்டதாக குற்றம் சாட்டப்பட்டது.
இதனையடுத்து உரிமையாளர் ரூபர்ட் முர்டோச் பத்திரிக்கையை மூடினார், தற்போது குற்றச்சாட்டின் மீதான வழக்கு நடைபெற்று வருகிறது.

இந்நிலையில் அரச குடும்பத்தின் தொலைபேசி புத்தகத்தை பொலிசாருக்கு பணம் கொடுத்து பெற்றதாக முன்னாள் ஆசிரியர் கிளைவ் குட்மேன் மீது குற்றம்சுமத்தப்பட்டது.
இந்த வழக்கு நீதிமன்றத்தில் விசாரணைக்கு வந்தபோது, இளவரசர் சார்லசுடன் ஏற்பட்ட மோதலால் அரச குடும்பத் தொலைபேசி டைரக்டரியை பிரிட்டிஷ் பத்திரிகைக்கு இளவரசி டயானா தந்தார் என்று குட்மேன் தெரிவித்தார்.

தனது கணவர் இளவரசர் சார்லஸிடமிருந்து 1992ம் ஆண்டில் 11 ஆண்டுகால மணவாழ்வுக்குப் பின்னர் பிரிந்த இளவரசி டயானா, இந்தத் தொலைபேசி டைரக்டரியை தனது பத்திரிக்கை அலுவலகத்துக்கு அனுப்பினார் என்றும், அது தனது தபால் பெட்டியில் வந்து சேர்ந்தது என்றும் கூறியுள்ளார்.
இளவரசி டயானா அந்தக் காலகட்டத்தில் மிகவும் ஒரு குழப்பமான மனோநிலையில் இருந்தார் என்று கூறிய க்ளைவ் குட்மேன், தன்னைச் சுற்றிலும் இளவரசர் சார்லஸுக்கு நெருக்கமான ஆட்கள் குவித்து வைக்கப்பட்டிருந்ததாக அவர் கருதியதாகக் கூறினார்.

தனது கணவரின் அலுவலகத்தில் இருந்த பணியாளார்களின் எண்ணிக்கையையும், தனது அலுவலகத்தில் மிகக்குறைவாக இருந்த பணியாளர்களின் எண்ணிக்கையையும் ஒப்பிட்டு காட்டுவதே அவரது நோக்கமாக இருந்தது என்றும் அவர் தெரிவித்துள்ளார்.

மேலும் இந்தத் தொலைபேசி டைரக்டரியை அனுப்பிய பின்னர், தன்னை தொலைபேசியில் அழைத்து, இப்புத்தகம் கிடைத்துவிட்டதா என்பதை டயானா சரிபார்த்துக்கொண்டார் என்றும் குட்மேன் தரப்பில் கூறப்பட்டுள்ளது.

மேலும்>>>

திருடிய ஓவியங்கள் ஒப்படைப்பு

  நாஜிக்களால் திருடப்பட்ட மூன்று ஓவியங்களை பிரான்ஸ், உரிய நபர்களிடம் ஒப்படைக்க உள்ளது.
பிரான்சின் கிழக்கு பகுதியில் உள்ள டிஜான் நகர அருங்காட்சியகத்தில் நாஜிக்களால் திருடப்பட்ட ஓவியங்கள் உள்ளன.

ஜேர்மானிய விநியோகஸ்தகர்களை சார்ந்த இந்த கலைப்படைப்புகளை, கடந்த 1935ம் ஆண்டு ஜனவரி மாதத்தில் யூத பொருட்கள் ஏலத்தில் பிரான்ஸ்  வாங்கியுள்ளதாக தெரிகிறது.
எனவே இதனை உரிய நபர்களிடம் ஒப்படைக்க வேண்டும் என பிரான்ஸ் கலாச்சார அமைச்சர் ஆவுரிலி பிலெப்பெட்டி தீர்மானித்துள்ளார்.
இதில் மலை இயற்கை ஓவியம், ஒரு பெண்ணின் சித்தரம் மற்றும் மாடோனாவும் குழந்தையும் உள்ளிட்ட மூன்று ஓவியங்கள் அடங்கும்.
இதுதவிர இதுவரையிலும் கைப்பற்றப்பட்ட மொத்தம் 70 கலைபொருட்களை, உரிமையார்களிடம் பிரான்ஸ் ஒப்படைக்க உள்ளது.

மேலும்>>>

புகலிட கோரிக்கையாளர்:சித்திரவதைக்கு உள்ளான நேர்காணல் செய்ய மறுத்த

கிறிஸ்மஸ் தீவில் இருந்து இலங்கைக்கு திருப்பி அனுப்பட்டு உள்நாட்டு பொலிஸாரினால் பல்வேறு சித்தரவதைகளுக்கு உள்ளான இலங்கைப் புகலிட கோரிக்கையாளரை நேர்காணல் செய்யும் வாய்ப்பை அவுஸ்திரேலிய சமஷ்டி பொலிஸார் மறுத்துள்ளனர்.

இது சம்பந்தமாக கேபிள் தகவல் ஒன்றை, தகவல் அறியும் உரிமை சட்டத்தின் கீழ் பெற்று வெளியிட்டுள்ளது.

2010 ஆம் ஆண்டு ஓகஸ்ட் மாதம் கன்பராவில் இருந்து கொழும்பில் உள்ள அவுஸ்திரேலிய உயர்ஸ்தானிகராலயத்திற்கு இந்த கேபிள் தகவல் அனுப்பி வைக்கப்பட்டுள்ளது.

இலங்கை பொலிஸாரின் விசாரணைகளில் குறுக்கீடு செய்தவதை தவிர்ப்பதற்காக சித்தரவதை செய்யப்பட்டதாக கூறப்படும் நபரிடம் நேர்காணலை நடத்தவில்லை அதில் தெரிவிக்கப்பட்டுள்ளது.

எமது நலன்களுக்காக இலங்கையின் விசாரணைகளில் இருந்து தூர விலகி நிற்க வேண்டும். இதனால் நாம் அவரை சந்திக்கும் வாய்ப்பை விரும்பவில்லை.

கிறிஸ்மஸ் தீவில் இருந்து நாடு கடத்தப்பட்ட நபர் சிங்களவர்.

இலங்கையின் தடுப்பு காவலில் இருக்கும் ஆட்கடத்தல் சம்பவத்துடன் தொடர்புடையவர் என கைது செய்யப்பட்ட சந்தேக நபர் சிறந்த ஆரோக்கியத்துடன் இருக்கிறார் என்றும் அதில் கூறப்பட்டுள்ளது. அத்துடன் புகலிட கோரிக்கையாளர்களின் வழக்குகள் ஆதாரமற்றது என இறுதியில் எழுப்பட்டிருந்தது.

கைது செய்யப்பட்டு சித்திரவதைக்கு உள்ளன நபர் ஆரோக்கியத்துடன் இருப்பதாக எவ்வாறு கண்டறியப்பட்டது என்பது தெளிவாகவில்லை என்றும் கொழும்பு ஆங்கில இணையத்தளமொன்று வெளியிட்ட செய்தியில் குறிப்பிடப்பட்டுள்ளது.

மேலும்>>>