துப்பாக்கி சூட்டில் பலியாகும் முன் 6 வயது சிறுவனின் உருக்கமான கடிதம்

அமெரிக்காவில் தொடக்கபள்ளியில் நடந்த துப்பாக்கி சூட்டில் பலியாகும் முன்பு 6 வயது சிறுவன் தனது தாய்க்கு கடிதம் எழுதி வைத்துள்ளது கண்டுபிடிக்கப்பட்டுள்ளது. அமெரிக்காவில் கனெக்டிகட் நகரில் உள்ள சாண்டிஹுக் பள்ளியில், ஆடம் லான்சா என்பவர் கண்மூடித்தனமாக துப்பாக்கி சூடு நடத்தியதில் 20 குழந்தைகள் பலியாயினர். இந்த துப்பாக்கிசூட்டில் பலியான 6 வயது சிறுவன் பிரையன் சாகும் முன்பு, தனது தாய்க்கு கடிதமொன்றை எழுதி வைத்துள்ளது கண்டுபிடிக்கப்பட்டுள்ளது. அந்த கடிதத்தில், ஐ லவ் யூ அம்மா. நான் சந்தோஷமாகவும், நலமாகவும் உள்ளேன். நல்ல மகனாக இல்லாததற்காக மன்னிக்கவும். நான் சொர்க்கத்தில் இருந்து உங்களை நேசிப்பேன் என்று கூறப்பட்டுள்ளது.

மேலும்>>>

எதிர்க்கட்சிகள் ஆட்சியைப் பிடிக்கும் என கருத்துக்கணிப்பு தகவல்.

ஜப்பானில், நேற்று, பார்லிமென்ட் தேர்தல் நடந்தது. எதிர்கட்சியான, ஜனநாயக விடுதலை கட்சி, பெரும்பான்மை ஓட்டுக்களை பெற்றுள்ளதாக, தேர்தலுக்கு பிந்தைய கருத்து கணிப்பு தெரிவித்துள்ளது.ஜப்பானில், 50 ஆண்டுகளாக ஆட்சியில் இருந்த, ஜனநாயக விடுதலை கட்சி, 2009ம் ஆண்டு நடந்த தேர்தலில் தோல்வி அடைந்தது.

இதையடுத்து ஜப்பானிய ஜனநாயக கட்சி, ஆட்சியை பிடித்தது.அணு சக்தி நிலையங்களை மூடுதல், சுனாமியால் ஏற்பட்ட பாதிப்புகளுக்கு உரிய நிவாரணம் அளிக்காதது உள்ளிட்ட பிரச்னைகளால், எதிர்க்கட்சியினர், தொடர்ந்து புகார் கூறி வந்தனர். இதனால், ஆளும் கூட்டணியிலும் பிரச்னை ஏற்பட்டது.

இதே ஆட்சியில், இதுவரை, ஆறு பிரதமர்கள் மாற்றப்பட்டு விட்டனர்.நாளுக்கு நாள் பிரச்னை வலுத்து வந்ததால், ஜப்பான் பிரதமர் யோஷி ஹிகோ நோடா, பார்லிமென்ட்டை, கடந்த மாதம், கலைத்தார்.இதையடுத்து, 480 இடங்களுக்கான, பார்லிமென்ட் தேர்தல் நேற்று நடந்தது. நேற்று மதியம் வரை, 27 சதவீதத்துக்கு அதிகமான, ஓட்டுகள் பதிவாயின.

எதிர்கட்சியான ஜனநாயக விடுதலை கட்சிக்கு, அமோக வெற்றி வாய்ப்பு இருப்பதாக,கருத்து கணிப்புகள் தெரிவித்துள்ளன. இதையடுத்து, இக்கட்சியின் தலைவர் ஷின்சோ அபே, புதிய ஆட்சியை அமைப்பதற்கான ஏற்பாடுகளை செய்து வருகிறார்

மேலும்>>>

ஹெலிகாப்டர் விபத்தில் நைஜீரிய ஆளுநர் பலி

ஆப்பிரிக்க நாடான நைஜீரியாவில் சனிக்கிழமை மாலை நிகழ்ந்த விமான விபத்தில், கடுனா மாகாண ஆளுநர் பாட்ரிக் யகோவா உள்பட 6 பேர் உயிரிழந்தனர்.
அந்நாட்டு அதிபரின் உதவியாளர் ஒருவரின் தந்தை மரணமடைந்து விட்டார். அவருக்கு அஞ்சலி செலுத்துவதற்காக, ஆளுநர் பாட்ரிக் யகோவா, முன்னாள் தேசிய பாதுகாப்பு ஆலோசகர் ஆண்ட்ரூ அஜாஸி மற்றும் அவர்களின் உதவியாளர்கள் 4 பேர் கடற்படைக்குச் சொந்தமான ஹெலிகாப்டரில் சனிக்கிழமை பயேல்சா மாகாணத்தில் உள்ள ஒகோரோபா கிராமத்துக்குச் சென்றனர்.
அங்கு இறுதிச்சடங்குகள் முடிந்ததும், மாலையில் அதே ஹெலிகாப்டரில் ஊருக்குப் புறப்பட்டனர். ஹெலிகாப்டர் கிளம்பிய சிறிது நேரத்தில் விபத்துக்குள்ளானது. தரையில் விழுந்து நொறுங்கியது. இதில் ஹெலிகாப்டரில் இருந்த அனைவரும் உயிரிழந்தனர்.

மேலும்>>>

முச்சக்கர வண்டியில் கைக் குண்டு ஒன்றுடன் நபர் கைது!

 

மிட்டியாகொட, அளுத்வெல சந்தியில் கைக் குண்டு ஒன்றுடன் நபர் ஒருவர் கைது செய்யப்பட்டுள்ளார்.

அளுத்வெ சந்தியில் முச்சக்கர வண்டி ஒன்றை சேதனையிட்ட பொலிஸ் அதிகாரிகள் அதிலிருந்து இக் கைக்குண்டை மீட்டுள்ளனர்.

சந்தேகநபர் பலப்பிட்டிய நீதவான் நீதிமன்றத்தில் ஆஜர்படுத்தப்படவுள்ளார்.

மிட்டியாகொட பொலிஸார் இச் சம்பவம் தொடர்பான விசாரணைகளில் ஈடுபட்டுள்ளனர்

மேலும்>>>

ஜெஸிந்தா உடல் இந்தியா வந்தது. உறவினர்கள் கண்ணீர் அஞ்சலி

 பிரிட்டனில் தற்கொலை செய்து கொண்ட அரண்மணையைச் சேர்ந்த இந்திய நர்சின் உடல் இன்று இந்தியா வந்தது. பிரிட்டன் இளவரசர் வில்லியம்- கேட் மிடில்ட தம்பதியினர். கேட்மிடில்டன் கர்ப்பிணியாக உள்ளார். இவர்களது குடும்பத்தைச்சேர்ந்த இந்திய நர்ஸ் ‌ஜெஸிந்தா சல்தானா (46). 7-ம் எட்வர்டு மருத்துவமனையில் பணியாற்றி வருகிறார். கடந்த 7-ம தேதியன்று இளவரசி கேட் மிடில்டன் உடல்நிலை குறித்து தொலை பேசி வாயிலாக ஆஸ்திரேலிய எப்.எம். ரேடியோ வர்ண‌னையாளர்கள் இருவர் விஷமத்தனமாக பேசியதால், ‌அதிர்ச்சியடைந்த ஜெஸிந்தா தூக்கிட்டு தற்கொலை செய்து கொண்டார். இந்த சம்பவம் பிரிட்டன் அரண்மணையை அதிர்ச்சியடைய வைத்தது{.புகைப்படங்கள்}.

 

இந்நிலையில் பிரதே பரிசோதனை செய்யப்பட்ட ஜெஸிந்தா உடல் லண்டனில் இருந்து விமானம் மூலம் மும்பை வந்தது .பின்னர் மும்பையில் இருந்து இன்று மாலை கர்நாடகா மாநிலம் மங்களூரு வந்தது. உடுப்பி மாவட்டம் ஷிர்வா சர்ச்சில் பொதுமக்கள் அஞ்சலிக்காக ஜெஸிந்தா உடல் வைக்கப்பட்டுள்ளது. அப்போது ஜெஸிந்தாவின் உடலை பார்த்து கணவர்,குழந்தைகள், உறவினர்கள கண்ணீர் விட்டுஅழுதனர்.

உடுப்பியில் அவரது உடல் கிறிஸ்துவ முறைப்படி அடக்கம் செய்யப்பட்டது

மேலும்>>>

அஞ்சலி திடீர் வருகை. ஓய்வை அறிவிக்கின்றாரா சச்சின்?

 

இந்திய கிரிக்கெட் அணியின் நட்சத்திர வீரரான சச்சின் சமீபகாலமாக மோசமாக ஆடிவருகிறார். இங்கிலாந்து, ஆஸ்திரேலியா சுற்றுப்பயணத்தில் இருந்து தற்போது சொந்த மண்ணில் நடந்துவரும் டெஸ்ட் தொடரிலும் சொதப்பி வருகிறார். இங்கிலாந்துக்கு எதிராக தற்போது நடந்து வரும் டெஸ்டில் சச்சின் 7 இன்னிங்சில் 112 ரன்கள் மட்டுமே எடுத்துள்ளார். தொடர்ச்சியாக மோசமாக ஆடிவருவதால் நாக்பூர் டெஸ்டுடன் சச்சின் ஓய்வுபெற வேண்டுமென முன்னாள் வீரர்கள் பலரும் வெளிப்படையாக கருத்து தெரிவித்து வருகின்றனர்.

இதற்கிடையே சச்சின் கடந்த 28-ந் தேதி தனது எதிர்கால கிரிக்கெட் வாழ்க்கை குறித்து பிசிசிஐ நிர்வாகிகளுடன் சந்தித்து பேசியுள்ளதாக தகவல் வெளியாகி உள்ளது. இந்நிலையில் போட்டி நடைபெறும் நாக்பூருக்கு சச்சினின் மனைவி அஞ்சலி நேற்று திடீரென வருகை தந்துள்ளார். இதனால் சச்சின் ஓய்வு முடிவை அறிவிக்ககூடும் என பரபரப்பு ஏற்பட்டுள்ளது.

வழக்கமாக அஞ்சலி கிரிக்கெட் போட்டிகளை மைதானத்திற்கு நேரில் சென்று பார்ப்பது கிடையாது. கடந்த சில ஆண்டுகளுக்கு முன்பு சச்சின் 50வது சதத்தை அடித்தபோது கூட அதனை நேரில் காண அஞ்சலி செல்லவில்லை. தற்போது அவர் சென்றுள்ளதால் கிரிக்கெட் வட்டாரத்தில் பரபரப்பு அதிகரித்துள்ளது

மேலும்>>>

கப்பல் கவிழ்ந்து 18 பேர் சாவு?

 

கிரேக்கக் கடல் பகுதியில் கப்பல் கவிழ்ந்து விபத்துக்குள்ளானதில் 18 பேர் உயிரிழந்தனர்; 9 பேரை காணவில்லை.
துருக்கியிலிருந்து கிரேக்கத்தில் சட்டவிரோதமாகக் குடியேறுவோர் ஆபத்தான கப்பல் பயணத்தை மேற்கொள்வது சமீப காலமாக அதிகரித்து வருகிறது. வெள்ளிக்கிழமை 28 பேர் கொண்ட குழு துருக்கியிலிருந்து, கிரேக்கத்துக்கு கப்பலில் சென்றது. லெஸ்வோஸ் தீவு அருகே அக்கப்பல் கவிழ்ந்தது. இச்சம்பவத்தில் 18 பேர் நீரில் மூழ்கி உயிரிழந்தனர். 9 பேரை காணவில்லை. உயிர் பிழைத்த 20 வயது இளைஞர் மருத்துவமனையில் அனுமதிக்கப்பட்டுள்ளார். அக்கப்பலில் பயணம் செய்த அனைவரும் ஆசிய நாடுகளைச் சேர்ந்தவர்கள் எனக் கூறப்படுகிறது

மேலும்>>>

விமான நிலையத்தின் மீது ராக்கெட் குண்டு வீசி தாக்குதல்

பாகிஸ்தானில் பெஷாவர் நகரில் உள்ள விமான நிலையத்தின் மீது நடத்தப்பட்ட ராக்கெட் தாக்குதலில் 7 பேர் பலியாயினர், 50 பேர் படுகாயமடைந்தனர். பாகிஸ்தானின் முக்கிய நகரங்களுள் ஒன்றான பெஷாவரில் உள்ள விமான நிலையம் மீது தீவிரவாதிகள் ராக்கெட் வெடிகுண்டு மூலம் தாக்குதல் நடத்தினர். மேலும் துப்பாக்கி சூடு நடத்தியதால், பாதுகாப்பு படையினர் திருப்பி சுட்டனர். இரு தரப்பினரிடையே தொடர்ந்து பயங்கர மோதல் நடைபெற்றது. இச்சம்‌பவத்தில் தாக்குதல் நடத்திய ஐந்து பேர் பலியாயினர் என கைபர் மாகாணத்தை சேர்ந்த தகவல் தொடர்புத்துறை அமைச்சர் இப்திகார் ஹூசைன் தெரிவித்தார். மேலும் அவர் கூறுகையில், தீவிரவாதிகள் நடத்திய தாக்குதலில் முதல் ராக்கெட் குண்டு விமான ஓடுதளத்திலும் மற்றொன்று வெளிப்பகுதியிலும் வெடித்தது என கூறினார். மேலும் காயமடைந்தவர்கள் விமான நிலையம் அருகே உள்ள கைபர் டீச்சிங் மருத்துவமனையில் அனுமதிக்கப்பட்டுள்ளனர். இவர்களில் சிலர் நி‌லமை கவலைக்கிடமாக உள்ளதால் பலி எண்ணிக்கை அதிகரிக்க கூடும் என அஞ்சப்படுகிறது. தொடர்ந்து விமான நிலைம் பாகிஸ்தானின் விமானப்படையின் கட்டுப்பாட்டுக்குள் கொண்டு வரப்பட்டுள்ளது{புகைப்படங்கள், }.

மேலும்>>>

துப்பாக்கி சட்டத்தை கடுமையாக்க வேண்டும்: ஒபாமாவுக்கு

அமெரிக்க பள்ளிக்கூடம் ஒன்றில் நடந்த துப்பாக்கிசூட்டில் 28 பேர் உயிரிழந்த நிலையில், துப்பாக்கி சட்டத்தைக் கடுமையாக்க வேண்டும் என ஜனாதிபதி ஒபாமாவுக்கு பல்வேறு தரப்பினரும் கோரிக்கை வைத்துள்ளனர். கனெக்டிகட் மாகாணம் நியூடவுன் பகுதியில் உள்ள சான்டி ஹூக் தொடக்கபள்ளியில், ஆடம் லான்சா என்பவர் துப்பாக்கியால் சரமாரியாக சுட்டதில் 20 குழந்தைகள் உட்பட 28 பேர் பலியாயினர். பின்னர் அந்த நபரும் தன்னைத்தானே சுட்டுக்கொண்டு இறந்துவிட்டதாக காவல் துறையினர் தெரிவித்தனர். பள்ளி மாணவர்கள் மீது துப்பாக்கிச் சூடு நடத்தியதற்கான காரணம் குறித்து லான்சாவின் தந்தை மற்றும் மூத்த சகோதரரிடம் காவல் துறையினர் விசாரித்து வருகின்றனர். இந்த சம்பவம் அமெரிக்கா முழுவதும் அதிர்வலைகளை ஏற்படுத்தி உள்ளது. இதுகுறித்து தகவல் அறிந்த ஜனாதிபதி பராக் ஒபாமா, கண்ணீர் மல்க தொலைக்காட்சிக்கு நேரடி பேட்டி கொடுத்தார். இதற்கிடையே வெள்ளை மாளிகைக்கு ஓன்லைன் மூலம் ஒரு கடிதம் அனுப்பி வைக்கப்பட்டுள்ளது. துப்பாக்கிச் சூடு சம்பவத்தைத் தடுக்கும் வகையில், கடும் கட்டுப்பாடுகளுடன் துப்பாக்கி சட்டத்தைத் திருத்தி அமைக்க உடனடியாக நடவடிக்கை எடுக்க வேண்டும் என அந்தக் கடிதத்தில் வலியுறுத்தப்பட்டுள்ளது. பள்ளிக்கூட துப்பாக்கிச் சூடு சம்பவத்துக்குப் பிறகு அனுப்பப்பட்ட இதில் 43,000 பேர் கையெழுத்திட்டுள்ளனர். இதுகுறித்து நியூயார்க் நகர மேயர் மைக்கேல் புளூம்பெர்க், துப்பாக்கியால் கண்மூடித்தனமாக சுடும் சம்பவம் அடிக்கடி நிகழ்ந்த போதிலும், குழந்தைகள் பயிலும் பள்ளிகளில் இதுபோன்ற சம்பவம் நிகழும் என்று நினைத்துக்கூட பார்க்கவில்லை. இந்த பள்ளிக்கூட துப்பாக்கிச் சூடு குறித்த ஜனாதிபதி ஒபாமாவின் இரங்கல் செய்தி மட்டும் போதுமானது அல்ல. இதுபோன்ற சம்பவங்கள், விர்ஜினியா டெக், அரோரா மற்றும் விஸ்கான்சின் உள்ளிட்ட இடங்களில் நடைபெற்றுள்ள நிலையில், கடுமையான கட்டுப்பாடுகளுடன் துப்பாக்கிச் சட்டத்தை உடனடியாக திருத்த நடவடிக்கை எடுக்க வேண்டும் என்று தெரிவித்துள்ளார்

மேலும்>>>

போனில் மிரட்டிய தீவிரவாதிக்கு சிறைத்தண்டனை

அமெரிக்க மருந்து நிறுவனத்திற்கு மிரட்டல் விடுத்த இந்தியருக்கு 6 மாத சிறை தண்டனை விதிக்கப்பட்டுள்ளது. அமெரிக்காவின் நியூ இங்கிலாந்து பகுதியில் உள்ள ரோடி தீவில் வசிப்பவர் ஷானீல் ஜெயின்(வயது 56). இவருக்கும், அமெரிக்க இராணுவத்திற்கு மருந்துகள் தயாரித்து வழங்கும் இசட்-மெடிக்கா என்ற நிறுவனத்திற்கும் இடையே மோதல் இருந்தது. இந்தியா வந்த ஜெயின், அங்கிருந்தவாறு அமெரிக்காவில் உள்ள இசட்-மெடிக்கா நிறுவனத்திற்கு பல முறை போன் செய்து மிரட்டியுள்ளார். தான் தீவிரவாதி எனவும், அந்த மருந்து நிறுவனத்தை, குண்டு வைத்து தகர்க்கப் போவதாகவும், இந்தியாவில் அமெரிக்க சட்டங்கள் செல்லுபடியாகாது எனவும் கூறி மிரட்டியுள்ளார். இது குறித்து விசாரணை மேற்கொண்ட அமெரிக்க பொலிசார் ஷானீல் ஜெயினை கைது செய்தனர். பின் ஜெயின் ஜாமினில் விடுவிக்கப்பட்டு, நேற்று இந்த வழக்கில் தீர்ப்பு வழங்கப்பட்டது. தீவிரவாதி என தெரிவித்து மிரட்டல் விடுத்த ஜெயினுக்கு, 6 மாத சிறை தண்டனையும், 6 லட்ச ரூபாய் அபராதமும் விதித்து கனெக்டிகட் மாவட்ட நீதிபதி டேவிட் பென் உத்தரவிட்டார்.

மேலும்>>>