08.08.2012.
விஜய் ஆண்டனி இசையமைப்பாளராக 25 ஆவது படம், கதா நாயகனாக தயாரிப்பாளராக முதல் படம் நான்.மேலும் மறைந்த ஒளிப்பதிவாளர் இயக்குனர் ஜீவா வின் மாணவர் ஜீவா சங்கர் ஒளிப்பதிவு செய்து இயக்கும் முதல் படம் என்கிற பெருமைகளைப் பெற்ற படம் நான். வியாபார ரீதியிலும் இந்தப்படத்துக்குப் பெருமை கிடைத்திருக்கிறது. சமீபத்தில் நான் திரைப்படத்தின் பாடல்களும் டிரையலரும் வெளியிடப்பட்டன. படத்தைப் பார்த்த விநியோகஸ்தர்கள் போட்டிக் கொண்டு தமிழகத்தில் திரையிடும் உரிமையை வாங்கியிருக்கின்றனர்.
நீண்ட நாட்களாகப் பல படங்கள் வந்தும் எந்தப் படத்தின் சேட்டிலைட் உரிமையை வாங்காமல் இருந்த சன் நெட்வொர்க் நான் படத்தைப் பார்த்த உடன் மிகவும் ஆர்வத்துடன் சேட்டிலைட் உரிமையை வாங்கியிருக்கிறது. இவை தவிர வெளி நாட்டு உரிமைகளும் விற்றுத்தீர்ந்து விட்டன.
தணிக்கைக்குழுவினரால் U/A சான்றிதழ் வழங்கப்பட்ட நான் திரைப்படம் ஆகஸ்ட் 15 ஆம் தேதி அன்று உலகம் முழுவதும் திரையிட இருக்கிறது. தான் இசையமைத்த 25 ஆவது படம் மேலும் கதா நாயகனாக தன்னுடைய முதல் படம் என்கிற வகையில் விஜய் ஆண்டனி மிகுந்த உற்சாகத்தில் உள்ளார். மேலும் சிறந்த படங்களைத் தொடர்ந்து தயாரிக்கவும் நடிக்கவும் இந்த வியாபாரம் தனக்கு ஊக்கமளித்திருப்பதாகவும் விஜய் ஆண்டனி கூறினார்
0 comments:
கருத்துரையிடுக